كفايه يازوجي الحبيب تذلني

مرحبا يابنات والله مدري كيف ابدأ بقولكم عن اخر سالفه صارت مره قاهرتني مرتفع ضغطي ورب الكعبه احس اهنت نفسي وانذليت بعد دعواتكم لي--------
السالفه زوجي كان بيطلع يومين للكويت زياره لعمه المهم اتفقنا نروح سوا الى هنا مافيه مشكله كل بعد فتره تتأجل السفره بالأساس زوجي عجاز يوم الاثنين اللي فات قال ترى بروح بكره للكويت لاحظو بروح قلت وانا قال لا مابغاك تروحين طيب وش السبب قال كذا بدون سبب قلت مافيه شي بدون سبب احنا متفقين قبل كذا المهم رد علي بعصبيه وقام بيطلع مشيت وراه مصدومه من اسلوبه شفيه قلب بيوم وليله قلت قلي سبب مقنع وماراح اناقشك فيه ضربني على يدي بالخفيف اول مره يمد يده علي انقهرت ايش السبب عشان روحه كان مواعدني فيها وطلع للاستراحه بعد ماطلع استوعبت اللي صار اتصلت عليه قلت راح تندم والله ماعاد اجلس عندك على هالحركه قال اتصلي علىابوك يجي ياخذك انا عارفه ان هالكلمه مو من قلبه مدري انا من كثر ماأحبه احاول اقنع نفسي اااااه بس ياليتني ماحبيته المشكله اذا حبيت انا من النوع اللي يتعلق ورب الكعبه مقهوره السالفه ماتستاهل على بالكم لما رجع تأسف ولا حاول يكلمني لا قلت اعتذر عن اللي سويته طنش وقال انتي الغلطانه خلاص زوجك قال كلمه المفروض ماتناقشينه قلت من متى هالكلام وبعدين من متى تمد يدك علي قال ليش تمشين وراي وانا معصب ....الخ ومن هالكلام من بعدها صرنا نكلم بعض برسميه المشكله انه ماراح اجل روحته كالعاده يعني بس اللي قهرني كنت اكلمه قال اصلا انا هاجرك بالمضجع قلت وش جاب الطا ي قال هذا كلام الله وانتي ضايقتيني وزعلتيني قلت طيب اهجر براحتك بس ماله داعي تقولها بوجهي لو كان فعل احسن من الكلام بعد كم يوم رحت للسوق مع امي ودخلت ذا بودي شوب وشريتله المجموعه اللي يحبها  وغلفتها المهم بعد مارجعت البيت برضو لسى نتكلم برسميه قلت تعال معي بعطيك حاجه وطلعتها لي اخذها وابتسم وقال مقبوله هديتك وحطها بالدولاب وقال يالله تصبحين على خير احس هنا انقهرت ارتفع ضغطي شكله فهمني غلط وقام يتغلى بس قلتها بوجهه قلت لايجي في
بالك اني اهديتك عشان السالفه اللي قلتها عن الجماع تكون غلطان شوف شعري لسى جايه من الصالون وبكرا عندي عزيمه وانت عارف مستحيل اتدوش مره ثانيه وبعدين حتى لو جيت انت بنفسك تبي الشي هذا راح اقولك خلك قد كلامك .....الخ المهم انا ماحب النكد احب سعة الصدر والخاطر وماسويت هالشي الا عشان ترجع الامور زي قبل البيت صايرم كئيب وملل وطفش لانه هو مرح واللحين مسوي نفسه ثقل ومدري ايش بالله شرايكم اعذروني على الاطاله وبالله اشرحولي اللي صار ماني فاهمه شي هذا هو اللي رافع ضغطي هو اللي غلطان وانا اللي احاول ارضي نفسي وارضيه احس ذليت نفسي مو من طبعي بس الشكوى لله هذا الحب اللي يقولون عنه بالله ادعولي*******"(استودعكم الله اللذي لاتضيع ودائعه)

25 تعليق 3,813 مشاهدة

شاركي في النقاش

سجلي الدخول لإضافة تعليق.

التعليقات

24
  1. @pink_fo0ofo0o

    تعوذو من ابايس الموضوع تافه ولا يسوى انتي لو تكرتيه يوم انه معصب افضل وجبتيله هديه ابتسملك خلاص كان مشيتيها يومين وبيرجع من نفسة لكن انتي خربتيها بالكلام المهم الي صار صار انتي عادي مشي الموضوع عادي وصيري زي قبل لارسمية ولا شي وهو بيطخ
  2. @alrytag2010

    اقول بلا دلع انتي وهوه

    الحمد لله مافي شي يستاهل النكد

    عيشو حياتكم وانبسطو لاتقعدون تدققون علي الصغيره والكبيره عشان اموركم تمشي وحياتكم تستقر


    اشوف اللي صار كله عادي
    لمن تشوفين زوجك شد ارخي شوي

    اذا في بالك شي لاتقولينه تصرفي بالاسلوب اللي يعجبك

    بس المصارحه لا مالها داعي احيانا كثر الدق يفك اللحام
  3. معليش ياقلبي اقولك انك انتي الغلطانه
    ليه تروحي وراه وهو معصب
    انتي ثورتيه عليك
    خذي اي شي بالمسايسه
    وغلطانه بعد لما قلتي له انك ما تفكري بهذاك الشي
    تري كبيره في حق الرجل
    هذا احسن شي عندهم
    انتي بينتي له بهذي الطريقة اني ما احبك
    لمعلوميتك ان الوحدة منا لو انشغلت بعيالها
    وسارت تطفش من هذا الشي يكرها زوجها ويتزوج عليها
    لانه يحسبها معد تحبه
    ومليش طولت عليك بس حبيت انصحك ولا تزعلي مني ياعسل
  4. آآآآآآآآآآآآآآه يــا لسعودي الى متى رافع خشمك على مرتك !!!!

    على فكرة ترانا نعاني من هالمشكلة حبيبتي

    مو بس انتي ههههههههه

    اغلب زوجات ابو سروال و فنيلة

    الى متى ............؟؟؟؟؟؟؟

تابعي تجارب أخرى من هذا القسم.