هلا عزيزتي أسوار وحمدالله على السلامة
الحمدلله صلحت حجامة قبل 5 أيام والحمدلله الدم إللي خرج كان أحمر صافي بس في البداية حسيت بدوخة وبألم في الكتف اليسار حتى الدم انحبس فيه وصارت الحرمه تقرأ علي وأنا أقرا لحد ماطلع الدم وبعدها جلست يومين ألم في كتفي اليسار مكان الحجامة وألحين يارب لك الحمد والشكر ماأحس بأي شي حتى نفسيتي وعصبيتي رجعت طبيعية ماشاءالله تبارك الله وعقباااااااااااال كل الأخوات
أهم شي يا بنات الإستمرار أنا تقريبا لي أكثر من شهر وأنا على الزيت والمويه المقرئ فيها والتحصين والأذكار والإستغفار والتهليل وربي هذا إللي يحرق إللي فيك حرق وبسرعه
بس عندي أستفسار أخت أسوار أنا بعد الحجامة بيومين حلمت بشخص دائما يتكرر معي في الحلم وكل مرة ماأشوف وجه بس المره الأخيرة بعد الحجامة شفت وجه وإنه جاء يخطبني مع أبوه (رغم إني متزوجة وعندي بنتين) وأبوي يقول لي يله اطلعي خليه يشوفك شوفه شرعيه قمت أقول صاحين هم كيف أطلع له وأنا متزوجة وعلى ذمة رجال ... ماأدري عزيزتي أسوار هل له علاقة بالحسد إللي فيني لأن الشخص هذا كان يتمنى الزواج مني
وأخت الشخص قريبة لي حييييل فقلت لها إني ولله الحمد كان فيني حسد وتشافيت تقريبا قالت يمكن نفس أخوي فيك للحين؟؟؟
معقولة النفس تسبب الحسد؟؟؟ وهل ممكن يكون هو الشخص إللي حاسدني؟؟
برنامج أسوار لعلاج المس والحسد..ومتابعة للحالة مع رقى قوية
متابعة النقاش، صفحة 236