تعينت في الخرج وزوجي رافض اروح مع نقل معلمات يقول مامعك محرم ياخوفي تروح الوظيفه علي

متابعة النقاش، صفحة 4

شاركي في النقاش

سجلي الدخول لإضافة تعليق.

التعليقات

52
  1. طيب حبيبتي عندي راي
    ليش ماتنقلون للخرج وتستاجرون سكن قريب من المدرسه وهو يتردد للرياض 
    لأن الخرج قرررررريبه من الرياض اقنعيييه بالطريقه الي تجي معه قولي الين انقل 
    اعرف وحده جلست يمكن 2 ونقلت للرياض
    وادعي ان الله يسخره لك
    ادعي لي بالوظيفه
  2. @henata_1

    كان الله بعونك يارب

    اذا كانت تعتبر مسافة سفر فزوجك عنده حق صعبة كل يوم تضربين هالمشوار بدون محرم وهو شي غير جائز
    واذا كانت لاتعتبر سفر حاولي تقنعينه باللين واذا ماقتنع فزوجك ورضاه اهم من الوظيفة فهو جنتك ونارك
    واعلمي انها ان كانت من نصيبك هالوظيفة او ماكانت من نصيبك فهو الخير باذن الله
  3. وش تقولين عن اللي زوجها رافض قطعيا للوظيفه حتى لو عند بيتك ....اخ يالقهر متحمسه من زماااااان ويوم حصلت شكل الرجال غاااااار
    يقول تبين الوظيفه روحي لابوك ,,,,
  4. بالله عليكم سؤال

    ليه تختارون مناطق بعيدة عليكم والحين تجون تقولون بعيدة وزوجي مؤ راضي

    والا ما عندي محرم

    والا سفر وبعيدة
    والا وين اروح واترك أطفالي

    انتم من جدكم تغامرون تحسبون السالفة سهلة كم يوم وترجعون بيتك ما تدورون ان السنه كلها وانت في مرمطة وغربة انت في غنى عنها

    الله يكتب لكم اللي فيه الخير بس
  5. الوظيفه عندي اهم من كل شي

    وانت كان شاورتيه يوم قدمت

    واخترت مناطق تناسبه

    الله يكون بالعون

    سبحان الله اللي بالخرج ماجاتهم وظايف الله يرزقنا مرمطوا العالم شمال شرق غرب

    ماعينوا احد على الرغبه الاولى

    نصيحه لاتتركين الوظيفه

    نص ساعه وانت بالخرج

تابعي تجارب أخرى من هذا القسم.