السلام عليكم اخواتي كيف حالكم
حبيباتي انا والده من 50 يوم
وطبعا انتم تعرفون جسم النفاس بعد الحمل لازم عنايه واهتمام
المهم اني قبل تقريبا 3 اسابيع او اكثر شوي استخدمت الدلكه السودانيه وانا جسمي حساس مره من الليمون المهم استخددمتها ثلاث ايام ورا بعض وكنت كل يوم احس بحكه خفيفه بس ما هتميت لاني شفت نتيجه روعه ماشا الله والشي هذا اغراني وخلاني استمر
لكن اليوم الثالث خلااااااااص ماعاد قدرت جسمي طلعتلي حبوب وحكه فضييييعه وانا من زمان كان عندي ارتيكاريا (حساسيه من بعض الاكل زي الدجاج والسمك ووووو )بس عالجتها والحمدلله خفت وماصارت تجيني الا ناااااادرا يعني بعد شهور او سنه مره او مرتين المهم مع الحكه رجعتلي وصار جسمي يتنفخ وكله جروح وتسلخ وصارت القشور تطلع باظافري مع الحك
وراس الحبوب بيضا اااااااااه والله تعبانه حتى نومي ماتهنيت فيه ورحت عيادات جلديه يعطوني ادويه خفيفه مثل اليكا ووروست اظن اسمه كذا وفنيستيل وصابونه اتروش فيها كلها مافادت لاني ارضع
اسعفووني عسى من ترد الله يحرم جسدها ع النار ويرزقها كل ماتمنت بين يوم وليله يااااااااارب
وكمان عندي مشكله ثانيه وهي انه من يوم ولدت الى اليوم وانا اعاني من الم في كعب رجلي فضييييييع لدرجه ماقدر امشي تمام مادري وش السبب
وكمان الله يكرمكم لين اتبرز احس الفتحه تتشقق وتألمني مره من يوم ولدت مادري ليش بجد خايفه من بعد الولاده جاتني اشياء كثيره الحمد لله ع كل حال والله نفسيتي بدت تتعب كثير وخايفه من الحمل والولاده مره ثانيه احس الى الان ماسترديت صحتي نفس اول وحتى مشيتي مع الم رجولي والم الخياطه اللي الى الان اعاني منها ماتوقع ارجع طبيعيه مثل قبل يارب رحمتك الله تعرف علاج لاي شي من اللي اعاني منه لاتبخل علي الله يرزقكم الجنه يارب :44:
شاركي في النقاش
سجلي الدخول لإضافة تعليق.
التعليقات
16- معليش اختي كيف عالجتي الارتيكاريا ووين ؟؟
- الله يشفيك
- مشكلة التهيج استعملي كريم كيناكومب
وكعب الرجل احتمال يكون التهاب في العظم ويحتاج طبيب يشخص حالتك خذي بروفين مسكن ألم مؤقتا لغاية ما تروحين الطبيب
وألم البرز بواسير تجي مع الحمل والولاده خذي من الصيدليه كريم هيلار للبواسير مره ممتاز وبيعطيك نتيجه سريعه وتجنبي الأمساك.
بس ألم الخياطه ماني فاهمه كيف ..يعني هل الجرح ما التأم لسه ولا فيه خيوط ؟ وهل أهتميتي بنفسك بالنفاس ؟
عالعموم تشطفي من تحت بمويه دافيه وملح
واهتمي انك تراجعين طبيبة نساء وتشرحين لها وضعك
والله يساعدك - اختي كوين استخدمت حبوب ارتيز وكلارا والحمد لله خفت كثير
اختي عيني اتعبتني كيناكومب ماسوا شي ولين رحت للدكتوره قالت لي وقفيه
والخياطه الغرز مو موجوده انفكت بالنفاس لكن اقصد المها والم الجرح لسه موجود ويألمني مرررررره
طيب انا ماعندي بواسير يعني يادوب احس الفتحه تتشقق يعني كذذا تكون بواسير؟؟
طيب كعب الرجل لاسمح الله مايدل ع شي معين ؟؟
لانهم يقولو يدل ع نزول االرحم هل الكلام هذا صحيح؟ اخت اخوها* اختي كوين استخدمت حبوب ارتيز وكلارا والحمد لله خفت كثير اختي عيني اتعبتني كيناكومب ماسوا شي ولين رحت للدكتوره قالت لي وقفيه والخياطه الغرز مو موجوده انفكت بالنفاس لكن اقصد المها والم الجرح لسه موجود ويألمني مرررررره طيب انا ماعندي بواسير…
هلا حبيبتي كويس انك رحتي للدكتوره يعني المفروض انها عطتك علاج صح؟ كريم ولا حبوب
وليه مارحتي لدكتورة نسا بالمره تشوف الجرح يمكن ملتهب ؟؟ جربتي تتشطفين بمر؟
اللي عندك شرخ شرجي مع الوقت وكثرة الأمساك يتحول بواسير اذا ما عالجتيه .. تحسستي المنطقه مااتحسين فيها لحمه بارزه ؟ يعني موبواسير بس برضوا استخدمي كريم هيلار وبيخفف عنك **** الله
وكعب الرجل الله العالم ايش علاقته بالرحم بس أخبر المراخات بعد ما يخلصون التمريخ يضربون على بطن الرجل ..بس ما أدري بالضبط وش العلاقه ..
ما قلتي لي وش لون كان نفاسك ؟؟ اذا موزين روحي عند مراخه أفضل لك
بانتظارك
مواضيع مشابهة
تابعي تجارب أخرى من هذا القسم.