ليش صرتوا ماتستغنون عن الخدم

انا مش متزوجه وموظفه ودوامي من 7 الين 4 تدرين لما ارجع البيت ايش اسوي
اتمدد على السرير ارتاااااااااااح مافيني طاقه اسوي شي اكون تعباااااااااااااانه
وراسي مصدع طبعا وش الي يحدني على الوظيفه غير انه لازم اصرف على نفسي واساعد اهلي
والحين جاي رمضان اتوقع بناجر خدامه حتى لو صارت ب 4000 الالف ايش نسوي وامي تعبانه

وبقولك شي الي في هالزمن تشتغل وهي مش محتاجه
اقدر ابصم لك بالعشره انهم قليلين جدا وينعدون على الاصابع
حبيبتي الدنيا غلا غلا وكل شي يبي فلوس
والي تتشغل ومش محتاجه وحتى لو زوجها راتبه حلو ومرتاح وعنده خير تلقين هالقريشات يبي يوفره حق اعياله الي بيعيشون بزمن قحط وسنين عجاف يبي ينيلهم مساكن ويوفر لهم امهور


ياختي الخدم شر لابد منه
والحرمه لما تكون ربة بيت وعندها 3 بزوره برضوا تحتاج حق خدامه شغل البيت مش سهل
واعرف حريم كثير ربات بيوت ومتفرغين حق بيوتهم بس تلقينها ماهي قادره على التواصل الاجتماعي
وصلة الرحم ماعندها احد يمسك اطفالها



وتقولين لي ليش الاهل مايمسكون اعيالك اذا عندك مشوار

ياقلبي يمسكونها ساعتين وبعدين يطفشون ويقلون لك تحملي اعيالك اعيالك شياطين
خربوا البيت كسروا البيت وخربوا

صراحه انا اشوف الخدامه اذا اكرمتها وعاملتها بالحسنى فا هي نعمه من نعم الله
زوجات الرسول عليه الصلاة والسلام كان عندهم خدم

السلام عليكم
اختي أكيد كلامك موجه للحريم الي يبجبون الشغاله وما عليهم الا العافيه نايمه طول النهار وفي اليل في الاسواق والسهرات هذه إيه
أبرك لها الجلوس ومقابلة عيالها وزجها
لكن
الموظفه
ظروف الحياة لا تسمح لها بالاستغناء عن الوظيفه خصصوصا في هذا الزمن متطلبات الحياة الله المستعان صعبه ومكلفه
الأهل
وين توديهم الام والأب والأخوات كلا لاهي في نفسه ولا الوالدين يبي يوفر لهم من يخدمهم
اهل الزوج
لا اعتقد الجميع يرحب بي الفكره ونفس الشي هم كمان عندهم مشاغلهم
الحل
شغاله تستقبلهم من المدرسة او تحضنهم في البيت في أوقات الدوام
بس أكيد بعد الدوام هي تتولي البيت وتشرف عليه من جميع النواحي


والله يعين ويصلح الامور

انا ماني ضد الوظيفه الا للي محاتج "
واللي تتعذر وتقول اساعد زوجي اعرف ناس راتب ازواجهم مايتعدا الخمس الاف وعايشين احسن من عيشة الف موظفه "
ورمضان ليه تحطون في بالكم انه متعب ولازم خدامه توكلاو على الله وابدوا يومكم باسم الله توكلنا على الله والله بيخلي يومك سهل وخفيف "



الله يعين بس دايم الواحد يفكر لو مافيه اختراع شي اسمه خدامه وش بتسوي ؟؟؟

اعتقد بتدبر امورها :2thmup:

انتي بكلامك حكمتي على العالم بنظره وحده
ولا فكرتي ان في ظروف ووجهات نظر مختلفه واسباب متفاوته
اختي اللي موظفه وهي مش محتاجه الوظيفه على قولتك الزمن ما حد يدري وش فيه
تترمل تتطلق لاسمح الله
اللي لازم تعرفينه الوظيفه ضمان للي يحتاج واللي ما يحتاج
اما على وجود الشغاله
حتى لو ما ني في حاجتها على اني موظفه
بس احتاجها لان بيتي كبير وعندي ثلاثه اطفال وابغى اعيش حياتي بالطول والعرض وطالما اقدر اجيب خادمه ليه ما اجيب
بس اللي احب انبهك ليه
السؤال مش ليه ما نستغني عن الخدم
السؤال الصح ليه الخدم شايلين كل شي والام غير ترقد وتاكل هنا اقول كلامك صح ميه ميه
الخادمه معينه فقط
الخادمه معينه فقط
السمنه اللي تتكلمين عنها اللي حتى فنجان الشاي ما تشيله
اتمنى انك فهمتي قصدي