مرحبا
الف مبرووك للي خلصو وفالكم التعيين ان شاء الله
وللي ماخلصو اتمنى لكم التوفيق يارب
حبيت اوضح لكم شغله بالنسبة للمناطق القريبة للرياض
اولا انا سالت وحده اعرفها في شؤون المعلمات اللي يسوون فيه المطابقة عن الرغبات المكانية
طبعا تعبيها بعد ماتجيبين الكشف الطبي
واللي راح تعبيها خمس مناطق كل وحده يندرج تحتها قرى هذا بالنسبة لرياض الاطفال
مادري عن الاقسام الثانية اتوقع بس اربع مناطق
المناطق اللي راح تعبينها هي
شقراء
القصب
مرات
لبخه وحويته
الداهنة
طبعا كل وحده منها يندرج تحتها قرى بس ميزة هذي القرى مهيب بعيدة عن المنطقة وبنفس الوقت شقراء واللي حولها مافيها قرى نائيه تخافين منها
راح اتكلم عنها من ناحية مسافتها للرياض بما ان غلبكم جايين من هناك
لبخه وحويته راح تجينها من خط مكة السريع مسافة تقريبا 150 كيلو بعدها تفرقين وتمشين تقريبا 25 كم وتجيك
مرات تبعد عن الرياض 170 كم وتجينها من طريق ضرماء وهي تخدم اللي ساكنين غرب وجنوب الرياض
القصب نفس مسافة مرات وتجينها من طريق حريملاء وتخدم اللي ساكنين شرق وشمال الرياض يعني اذا كنتي ساكنه بالشمال انصح فيها
الداهنة الى الان ماعندي خبر اذا كان فيها طريق مستقل من الرياض لها على طول لانها تبعدمسافة 80 كم من شقرا باتجاه المجمعة لكن اذا حصلت خبر ابخبركم
هذي المعلومات اجتهادات شخصية بحكم اني ساكنه بشقراء
بس حبيت افيدكم عشان لما تكتبون الرغبات تصيرون على بينه
مرشحات شقراء
متابعة النقاش، صفحة 17