كل شي عن السياحه في (( مـالـيـزيـا )) من الالف الى الياء دمج مواضيع ماليزيا

الله ييسرلك سفرك ويسعدكم يارب ويهنيكم ..

انا توي راجعة من ماليزيا يمكن قبل شهر ..

أولا أنصحك ما تجيبين معك ملابس كثيرة أنا كانت شنطتي صغيرة وسحب أهم شي تكون بعجلات عشان تقدرون تسحبونها وتسهل عليكم ..

أهم شيء ملابس قطنية ترى عندهم الجو مشمس يعني شوي حر رحنا في ابريل لكن كوالالمبور يازينها يوميا مطر ..

حتى قمصان النوم لاتكثرين .. لان الواحد يجي وهو تعبان كم مرة نمت بنفس لبسي من كثرة التعب وتراه مشي كثير هناك ..

لازم تاخذين معك جزمة مريحة وأنت بكرامة ولازم شراب لآن كم مرة ما لبست الشراب تجرحت اصابع رجولي ..

عبايتين جدا ضروري ..

خذي معك بندول وبخاخ النامس وخافض حرارة ماتدري وش يصير لان صار لنا موقف لا يحسد تعب زوجي وارتفعت درجة حرارته تقريبا 40 وصار يهوجس انا خفت عليه وماعاد يقدر يقوم فرحت اللوبي وطلبت دكتور ماهو موجود فطلبت تاكسي ووديناه مستشفى .. لكن والله ماشاء الله عليهم اخذوا مني 50 رنقت بس وهم سووله تحاليل للدم وأعطوه 2 مغذي وعلاجات من مضادات حيوية واكياس ملح عشان للجسم وخافض للحرارة ..

ماشاء الله وديناه المستشفى وهو مايقدر يمشي على رجوله وماشاء الله رجع من المستشفى والحرارة انخفضت وصحته صارت أحسن شوي ماشاء الله وكل هذا ب50 رنقت ماتقولي انهم غشونا لاننا اجانب ووقتها كنا في لانكوي ..

الشيء المهم لازم تطبعين من جوازات سفركم .. وتحطين نسخة منها في المحفظة اللي تشيلونها دايم ..

لاننا يوم رحنا المستشفى نسينا حكاية أن لازم جواز السفر ومن إرادة ربي تذكرت النسخة اللي بالمحفظة والحمدلله عد الامر على خير ..


التسوق / تقليد ماركة في السوق الصيني اما الماركات مثل قالوا الاخوات في شارع العرب ..

وفيه سواق في بينانج يقول تبي تتسوق اتسوق في كوالالمبور يعني خذ منها الشنط والساعات خصوصا أما بينانج خذ منها بعض الاشياء ..

لكن سوق الليل في بينانج حلو وممكن تكاسرينهم على السعر ..

التسوق في لانكوي أحسه غالي لان تذكار التوأمين اللي في لانكوي أشتريناه ب 38 او 28 رنقت لقيناه في سوق الليل ب 10 رنقت .. طبعا بعد ما كاسرنا ..

وعلى فكرة لازم تكاسرين السعر في السوق الصيني وسوق الليل وخصوصا الصيني أخذت من السوق الصيني شنطة تقليد ماركة بيربري قالي ب 170 رنقت على ما اعتقد وكاسرته ومارضي قلت له 50 رنقت اخذها قال لا صعبة فمشيت شوي إلا ناداني وقال خلاص خذيها ب 50 تخيلي ..

لكن اهم شيء تشترين إذا كاسرتينهم ترا تحسين بعضهم شوي جلفين ولو أعطوك بالسعر اللي حددتيه لازم تشترين ولا يحقدون عليك حقد ..

بينانج اشترينا من عندها التذكارات برج التؤام .. لكن اهم شيء يالغالية خلي التسوق في أخر مدينة تروحينها .. لان العفش الكثير ترى ممكن تدفعين رسوم إضافية لان من بينانج لكوالالمبور دفعنا زيادة على العفش الزائد ..

وياليت تعطيني جدولك ع الخاص يعني وش هي المدن ووش الاماكن عشان أعرف وين بتروحين اولا إذا ماعندك مانع ..


التكاسي الليموزين اغلى من التاكسي .. كنا في لانكوي نستأجر ليموزين في اليوم 8 ساعات ب 200 ..

لكن أخر يومين صرنا نستأجر تاكسي عادي للمشوار اللي نبي نروحه ونكاسر ولو عجبنا السعر نركب معه طبعا اخذنا من مطار لانكوي مثل الخريطة للانكاوي واماكن السياحية فيها احسها جدا ضرورية انا لقيتها هي ورقة كبيرة شوي لقيتها بالعربية..

لكن حلو انك في البداية تستأجرين باليوم يعني 8 ساعات وهو أدرى بشعابهم يعني يوديك المكان المناسب ..

عموما لو لقيت رقم السواق في لانكوي أعطيتك اياه لانه يتكلم اللغه العربية وماشاء الله عليه سيارته مريحة ومكيفة وكبيرة شوي ..

وأظن لو تبي تزيدين الساعة ب20 او 30 مدري نسيت ..

في بينانج عشرة ساعات ب 200 بس ودانا تقريبا اغلب الاماكن في يوم واحد صراحة حلو لكن هالسواق أخذنا رقمه من واحد قاعد يوزع اوراق في سوق الليل على فكرة سكنا في فندق بارك رويال في بينانج كنا ننزل من الفندق وسوق الليل تحته بالضبط وهو عبارة عن مثل البسطات لكن فيها اشياء حلوه وفيها اشياء عادية ..


أمم اش بعد .. طبعا احسن شيء تحددين هدفكم ولازم تخلون شوي فلوس على جنب للطواري ..

هناك ممكن في بعض الصرافات تصرف عادي وفيه في المطارات وبعض الاسواق صرافات الراجحي ..

أنت تسحبين الفلوس ويخرجلك الرنقت عادي يعني مو ريال سعودي ..

لازم يكون بجيبكم مبلغ معين حنا كنا يوميا ناخذ 500 رنقت احتياط .. + بطاقة الصرافة او الفيزا ..

يعني الفيزا تحتاجينها لما تشترين حاجة من مكان وماعندك كاش ..

ترى كل الفنادق اللي رحتها يجهزون لنا فرشاة ومعجون وصابون وحتى روب الحمام 2 ومناشف احجام وكل شيء

يعني جبنا معنا منشفة متوسطة وما أستفدنا منها حتى لما رحنا الصن واي لاقون عشان زوجي يسبح اخذنا منشفة الفندق عشان كبيرة شوي ..

انتبهي اهم شيء لما ياخذون الفنادق التامين لازم تاخذون ورقة من عندهم لآننا في لانكاوي الرجال ما عطانا ورقة ووقتها ماندري وش السالفة حسبنا أنه كتبها في الجهاز لما خرجنا الحرمة تقول لازم ورقة قلنا طيب اخذوا مننا 100 رنقت تأمين قالت انا اسفة بس مانقدر نرجعها إلا بورقة ..

وتركناهم وما أخذنا ال 100 ..

عموما طولت عليك لكن أحس ودي اعطيك نصايح أكثر وحاليا ماني متذكرة لكن إن شاء الله خلال هاليومين أسوي تقرير عن ماليزيا وإن شاء الله تشوفينها حتى لو رحتي هناك ..

ولو تحتاجين شيء أمري ..أنا في الخدمة ..

على فكرة أنا بعد كنت أول مرة أروح ماليزيا وكنت خايفة ومتوترة ما قد خرجت خارج الحدود ..

لكن الحمدلله ..

وترى اغلبهم ناس طيبين ..

نصيحة يالغالية أنت سفيرة بلدك لاتنسين حجابك كما يرضي الله ..

والافضل أنكم تسجلون انفسكم بالسفارة عشان لاقدر الله صارت مشكلة ماتتورطون ..

السلام عليكم

كيييفكم بنات

بما إن الاجازه قربت تنتهي وجااااااء وقت السفر

ياليت نستفيد من بعض خصوصا الأماكن في ماليزيا

لاني بطلع لها ولا أعرف عنها شيييئ


وأكييييد في مثلي كثييييير

نبغى حمااااس

انا مثللك بقى ع سفرتي اسبوع بعرف ارخص الاسواق للفساتين والشنط الكشخه وتكون رخيصه لاني باخذ هدايا زوجي يقول الميزانيه ياددوب

مشكوره اختي

ان شاء الله البنات يفيدونا