ساااعدووني بشرتي حساسه بموووت من الحكه والالم بسبب خلطه سويتها ابغى حل وعلااااااااااج

الله يرزقك جنه عرضها السماوات والارض ويفتحلك ابواب الخير ويعطيك لين تقولي رضيت ربي رضيت

بس حبيت اقولك شي والله مو بكيفي لكن انا ابدا ماتقبل الاعشاب وعلى طووول لو استخدمتها استفرغ وانتي بكرامه ماما حاولت فيني بالنفاس لكن ابدا ماااااقدرت يعني الشي الوحيد اللي ممكن استخدمه اللي هو قشر قهوه مع زنجبيل وقرفه وكمان رشاد وفلفل اسود لكن باقي الاشياء الكمون واليانسون وباقي الاشياء وخصوصا السمنه مااقدر ابدا حتى ريحتها ماقدر اشمها الله يديم النعمه ماما كل يوم كانت تحاول فيني اكل عصيده بس ماقدر ابدا


طيب يعني ماينفع استخدم قشر قهوه مع زنجبيل وقرفه واحط في الفنجان رشاد واشربه واسوي حليب واحط معه فلفل اسود ؟؟

واكل تمر وبس ؟؟



وبخصوص اخت الاربعين معليش تعبتك معي بس وش هي وكم تقعد وانا ع بالي انها دوره وما اصلي هل هي زي دم النفاس او الاستحاضه يعني لازم اصلي ؟؟

نسيت اقولك من يوم كنت بالنفاس وانا اشرب غازات والى اليوم وانا اشرب :44:

انتي بكريه صح؟
ممكن تستغنين عن السمن بزبده اتذوبينها على النار .. وتراها زينه للرحم اتنظفه واتقويه
وممكن تستخدمين الأشياء اللي قلتها بالطريقه اللي تبين لكن لابد من استخدامها ممكن تستخدمين نص المقدار علشان يخف الطعم
لكن السنع والنظافه وراي زوجك فيك بعد الولاده أكيد أهم من لوعة كبدك صح؟ وترى مع كل دوره تتغير عند أمور اذا ما اهتميتي بعنايتك داخليا لاحظي قلت داخليا .. يعني مو تتروشين وتكشخين وانتي من جوا يعلم الله ( اسمحيلي شبيت عليك ) بس والله من حرصي عليك وانا ما اعرفك لكن الوحده منا أحيانا تحتاج للنقد علشان يدفعها قدام.. صح؟
ليش انا قلت تمر مع سمن .. ودي أسهل عليك الأمور ماودي أعقدها واقول اطبخيه وسوي ونظفيه ..
ولازم اتحطين في بالك انك بعد ولادتك محتاجه في كل دوره شهريه لنظام أكل معين وعنايه مثل النفاس ولا تبين زوجك يعايرك بعدين؟
والغازيات وقفيها كم يوم يعني ما بتموتين اذا خليتها على جنب
وترى انا عطيك أسهل طريقه وأخف طريقه للتنظيف وطعمها جداجدا رائع .شيلي اليانسون خففي الكمون الشاي بدل ملعقه كبيره على كاس خليها صغيره على نفس الكاس وراح تشوفين بنفسك
وياحلوه اخت الأربعين هي نفسها دورة الأربعين اخر فرصه عندك اتصلحين بعض من اللي خربتيه وتأكدي ما يصلح النفاس الا نفاس غيره
دوسي على نفسك وشوي شوي بتتعودين حطي سكر خفيف ولا عسل بيطير الطعم
ولا يهمك انتي زي اختي يسعدني اني اساعدك باللي الله يقدرني عليه

هلا اختي من ناحية الحساسية ماعندي خلفيه عن الكريمات بس الدلكة تقشير المفروض انك تستخدمينها مره بالاسبوع وبعدها تحطين كريم مرطب ع كل الجسم ،والخياطة يمكن الالم من الامساك والبواسير ،حطي ع مكان الخياطة مرهم ميبو ممتاز يخفف الوجع والشد اللي تحسين فيه والوجع بفتحة الشرج ممكن تكون بواسير وانت اهتمي باكلك يكون فيه اشياء ملينة وعصائر واستخدمي تحاميل نيوهيلار مره ممتاز حطيها كل يوم بالليل ونامي وراح تحسين بتحسن باذن الله ،وعادي لايضيق صدرك كل الحاريم يتغيرون بعد الولادة وتواجهم مشاكل وتعب انت مع الاهتمام راح ترجعين مثل اول

ربي يسعدك دنيا واخره اختي
لابالعكس والله كلامك عسل وانتي صادقه لازم اهتم عشان زوجي لايتغير علي وانا بكريه نسيت اوضح لك معليش

خلاص ان شاالله راح احاول قد ماقدر استخدم الاعشاب وبخصوص الزبده اهون بكثييير من السمنه خلاص ان شا الله راح استخدمها بإذن الله

الله يعطيك الف عافيه يارب

اختي ام روان الله يوفقك ويسعدك ماقصرتو كلكم ونعم والله بأخوتكم