التهاب غدد الحليب في الثدي الايمن يعني ارتفاع في الهرمون الحليب

اختي الحلوه ريووم

مافيك الا العافيه باذن الله

وابي اقولك شي عن تجربه لا تدققين ع كل شي وكلي امرك لله واعرفي ان اي تأخير هذي خيره لك باذن الله .. لاني اعرف انك تحاتين الحمل .. انا نفس الشي لي سنتين من تزوجت وماحملت .. وكنت كل شهر احس باعراض غريبه واوسوس واقول يمكن حامل واخر شي تنزل الدوره واقول الحمدلله خليني انبسط بحياتي وان شاء الله ربي بيرزقني بس توني باول سنه لسا بدري .. ولما مرت سنه بديت اخاف وقررت اني اسوي تحاليل وكذا وكنت خااايفه جدا وحاسه ان السبب مني ولما حللت هرمونات طلع هرمون الحليب مرتفع شووي بس ومايمنع الحمل لكن زوجي طلعت المشكله عنده انو ماااااااااااااااافي حيوانات منويه نهاااااائيا .. حسيت بضيقه بصدري لكن بنفس الوقت حمدت الله وطمنتني الدكتوره وقالت في حلول في اطفاال انابيب وحقن مجهري وكثير سووها ونجحت معاهم بس قالت لاتتاخرون .. لكن المشكله عملية زوجي في الخصيه سببت لي خوف وتوتر لانه لازم يسوي عمليه خزعه عشان يتأكدون ان فيه حيوانات في الخصيه ولا لا .. رمضان اللي فات رحنا مكه ودعينا ربي باتيسير وسواها بعد رمضان ويارب لك الحمد طلع فيه وهذ اكله بفضل الله سبحانه .. وبدا مشوار البحث عن مركز جيد لعملية الحقن المجهري ..ووقع الاختيار ع مر كز ذريه في الرياض .. وتخيلي يااختي اننا كنا بنسويها من شهر 11 اللي فات والان مانسويها .. خيره الحمدلله ..كل شهر يطلع لنا شي ومانسويها .. سبحان الله انا محسنة الظن بالله انها ماتأخرت العمليه الا فيها خير لي ولزوجي باذن الله .. وانا احتمال ماسويها الا بعد رمضان في شوال او ذي القعده حتى لو رحنا وتأخرت لاي سبب ما اقول الا الحمدلله وانتظر الفرج من الله .. فأنتي تيقني من هالشي انه ماتخر الحمل الا انه فيه خير لكم باذن الله وعليك بالدعاء ثم الد
عاء ثم الدعاء وطبعا مع الاخذ بالاسباب من علاج وادويه اذا كان فيه شي يحتاج ..وخلاااص وكلي امرك لله وربي بيرزقنا لانه بيده كل شي سبحانه

اسفه ع الاطاله لكن حبيت اواسيك واقولك ع تجربتي عشان ماتحزنين او تتضايقين من تأخر الحمل وتتوكلين على الله هو حسبنا ونعم الوكيل

اااب