سلفتي تعرف شخصية زوجي اكثر مني !!!قهرررر

قبل لا ابدا بكلامي بقول الله شاهد على ما اقول
قصتي اهي مع سلفتي فالاساس هي صديقتي من ايام الطفولة الله اراد و تزوجت انا قبلها وبعدين صارو اهل زوجي يبحثون عن زوجة لولدهم اللي اهو اخو زوجي وخطبو له بس ما صار نصيب قمت انا وعرضت عليهم صديقتي و ليتني ما سويتها :44:
اول ما ادخلت حياتنا تغير كل شي وبدت شوي شوي تقارن بين زوجي و زوجها مع انهم اخوان بس الحمدلله والشكر لله زوجي افضل بكثير صرت الاحظها تراقبه بكل شي يسويه معي او مع غيري تلاحظ تعاملة مع الكل وايش يحب و ايش يكرة و تقارنه بزوجها لحد ما فيوم صدمتني وهي تقولي وبالصدفه بأن لا انتي زوجك يحب كذا و يكرة كذا لدرجة ان والله العظيم تعرف اشياء عنه انا ما اعرفها وربي شاهد على ما اقول
وتقول ليت زوجي مثل زوجك لدرجة ان حتى امها تقولي دايما اقول لبنتي تقلدك باللي تسوينه وصرت الاحظ انها تقلدني حتى بكلامي بافعالي
هالشي كثير مزعجني والله كم و كم سبب خلافات و زعل بيني و بين زوجي
اشتكيت لناس كثير والكل يقولي طنشي
بس هالكلمه ما عادت تنفع
ابيكم تنصحوني ايش هو التصرف الصح اللي اتصرفه بدون ما اسبب زعل فالعايلة ؟؟؟:09:

40 تعليق 8,056 مشاهدة

شاركي في النقاش

سجلي الدخول لإضافة تعليق.

التعليقات

40
  1. @ksh_sbr

    مثل معروف ...الحقرآآن يقطع المصرآآن ...

    احقريها ما تدري ع ايش انتي ناويه او في ايش تفكرين

    ولو قالت اي شيء عن زوجك خليك عاديه ولا تهتمين

    لان لو حطيت سآآلفه راح تعرف

    انه يقهرك وراح تتونس فيك

    خليها تسوي اللي تبي مردها بتطفش

    الله يفرج همك


  2. @am_ayhooomy

    صاحبة الموضوع
    والله صدقتي اهي فعلا تتونس لو انا انقهرت واكثر تزيد في مرة راسلته من وراي واهو خبرني وقمت انا وقلت لها لا تراسلينه بتلفونه انا ما يعجبني لو بغيتي اي شي خبريني وانا بقولة والله انها ازعلت وتزاعلني سنه
  3. @am_ayhooomy

    صاحبة الموضوع
    ايه والله انها راسلته ع اساس انها تبيه يكلم امه ف موضوع بينها و بين عمتي ع اساس ان عمتي تحب زوجي و تسمع كلامه وانا ازعجت كثييييير وقلت المفروض و الاصول تقول اانها تكلمني وانا اللي اخبرك

تابعي تجارب أخرى من هذا القسم.