تحذير من عروض بنده

السلام عليكم خواتي

حبيت أحذركم من عروض بنده

أنا ساكنه في الجبيل الصناعية وما فيه عندنا سوبرماركت غير بنده والمزرعة وانا اشتري من بنده لان المزرعة مقاطعه عندي

المهم اكتشفت بعد فتره من اهتمامي بالعروض اللي كل اسبواع اختار وش راح اشتري للبيت وكنت ألاحظ بعض الاشي مثل وانتم بكرامه البامبرز حق بنتي كان عليه عرض واشتريته وصار اذا جيت احفظها ينقطع الشريط على طول او يصير تسريب فا استغربت منه قلت أكيد شركة بامبرز صارت اي كلام
المهم بعد فتره صار فيه عرض على جف اشتري واحد والثاني مجان واخذت كميه منه المهم كل ما استخدمه على الفرن او حق المغاسل ماكني حطيت شي ونفس الشي الفيري رغوته على طول تروح وماينظف زين وغير المناديل فاين وكلنكس وهي شركات معروفه بجودتها
احصلها تنقطع وجا ذاك اليوم مسوين عرض على اكياس الزبالة ومن زمان استخدمها وهي قويه ماتنقطع وانا في بنده فتحت الكيس حق الزبايل واحصله خفيف مره وأخذه معي للبيت
علشان أقارنه باللي عندي ولقيت انه يختلف بالمره عن الاول فاعرفت الغش اللي صائربالعروض يحطون عرض وباتفاقيات مع نفس الشركة
بس الجودة تختلف وهي فتره وينتهي العرض وماحد يحس والرابح الاكبر بنده واحنا الخسرانين والله يابنات ذاك اليوم زوجي راح يجيب رز عنبر كلاسيك واللي جرب هالنوع من الرز يعرف انه نظيف وما عليه كلام والله أني اول مافتحت الكيس انه مليان حشرات وقلت لزوجي من وين جبته قال من بنده مسوين عليه عرض قلت ماحذرتك من عروض بنده
طولت عليكم بس حبيت أحذركم من العروض الوهمية