اخذت معرف صديقتي لدقائق فقط

الله يصلح الاحوال ياربي ياكريم

اساسا اول ماره اشوف سالفه الفصل بين الاخوات

ايش اللي حقك ادفعيه وحقي بادفعه

حاولي تصلحين من نفسك وصدقيني الا ماتكوني سلبيه معاها بشئ

الله يصلح بالكم

يااختي الله يهديكم

انا بتكلم معاك على اساس انك تبين حل مو للفضفضه ...
لان الفضفضه مامنها فايده

شوفي ياحبيبتي لو انك يوم شفتي الحلى اثنيتي عليه وشكرتيها على الي سوته (ويمكن يطلع حلاها احسن من حلاك بعد )...

تخيلي كيف بيكون موقفها ؟؟؟؟ اكيد بتستحي منك وتتمنى انها ماسوت هالشي

بما انها قويه قولتك فعامليها زي الطفله ولا تكبرين الموضوع ... ترى الاقوياء قدام الناس هم اضعف الناس قلوب..


احس من كلامك فييييييييييه حقد وغييره بينكم

والدليل انك قاعده تكتبين ان كل وحده شرت بلحالها ودفعت بلحالها ؟؟؟بامكانك تكتبين رحنا وشرينا الاغراض

ياحبيبتي ترى الابتسامه والكلمه الحلوه تذوب الصخر ومافي احد اقوى منها اقري سيرة الرسول اللهم صل وسلم عليه كان يتعامل مع اشد الناس كفر وجبروت وباخلاقه استطاع السيطره عليهم وماكان الرفق في شيء الا زانه ..

وانا بصراحه لمست في اختك الخير لانك قلتي انها طلبتك الكريمه من الليل لو انها قويه وفعلا تكرهك كان مااستأذنت اصلاً
وانتي بعد فيك الخير والله لانك مافتحتي موضوع الا من قهرك على الي صار..

ترى هالاشياء السخيفه بتكبر بكره... والشيطان وراك وراك لين تتقاطعون صدق ...

وبالنسبه انها تتكلم عليك قدام الناس الحل هو ...

امدحيها ... !!
ايوه امدحيها قدام الناس الي هي تتكلم عنك قدامهم والله ان تستحي على دمها ... الغيره الي بينكم ممكن توصل مواصيل اكبر

لازم تنهينها من الحين والله يهديكم ويصلحكم على فكره ترى هذا الشيطان قاعد يشغلك بهالاشياء ...

واتمنى ماتزعلين من ردي .. ولا تقولين ليش ماتكلمتي الا فيني ؟؟؟
لان ياحبيبتي انا قاعده اكلمك انتي وماحد بيقرا الكلام غيرك انتي ولو هي موجوده كان قلت نفس الكلام لها ...

لارح ندعي ولا نتحسب على احد .. لان السالفه ماتستاهل

كلامي نابع من قلبي لا اعرفك ولا تعرفيني بس والله ماودي ان هالاشياء تصير بين الاخوه بكره مابينفعك غيرها بعد الله..

ليش تخربينه هونعمه وحرام تلعبين فيها
انا لو بدالك با خذ منه واحلي ويا دار ما دخلك شر