زوجي بسافر اوروبا مع زوجته راح اختنق

عزيزتي سوسو. ادري إن الموضوع يقهر ويحز بالخاطر.
بس صدقيني
إنتي الأولة وماله غنى عنك. حبيبتي عيشي حياتك ولاتبينين له إنك منجنة ولا مقهورة ولاتعاتبينه ولاااااااا شي
بالعكس حسسيه إنك إستقليتي شوي عنه او بالاأصح ارتحتي منه

لايشوفك الا وانتي مبسوطة. واشغلي نفسك. وانبسطي انتي وعيالك
إذا يسمحلك بالطلعات خذي العيال واطلعي وارجعي وسوي نفسك مبسووووووطة وغيرتي جو.

ترا موت الرجال لما يحس ان المرة بدت تستغني عنه وانها عايشة حياتها

لاتقوليله انا مبسوطة وانا انبسطت اليوم ومن هالحكي لاااااااااااا. خلي افعالك هي الي تدل. لاترمين نفسك عليه خلية. ولاتطلبينه اي اهتمام او رعاية لاااااااا.
بس خليك لينة بالكلام والافعال. يعني انسي تمام ان فية وحدة بحياته

لبي طلباته بكل حب ووجهك مبسووووط. لا تتنكدين ابد.
وبتشوفين كيف يرجع يدور عليك.

وبعدين توه معرس الحب الي براسة ما انطحن وانا اختك

لاتزعلين ولا تكدرين عمرك
اهتمي بنفسك ولبسك وتكشخي على الاااااخر ولاتنتظرين منه مدح ولا اطراء. عشان اذا طنشك ماتزعلين.
حاولي دايم اذا دخل تكونين في جو ثاني مو تنتظرينه. مثلا يشوفك تقرين مجلة. او يشوفك تقرين بالنت.

واهم نقطة واكررها. خليك داااااااايم مبسوطة الله يعينك على التمثيل. بس الرجال يكرهون شي اسمة نكد.
يخليه يكره البيت بالأضعااااف
مدري قدرت اوصل فكرتي؟؟؟

والله الله بالأستغفار والدعااااااء. دواء لكل داء

والله حزنت عليك شوفي اختي لاتلصقين فيه ابد ولا تعرضين نفسك عليه لانه كذا بيستانس وبيقول انك ما تقدرين تعيشين بدون خليه يطس من زين اوروبا ما تدرين يمكن سفرتهم تنكد

روحي لاهلك وانبسطي او اجلسي في بيتك وعيشي العطله بمزاج رايق وتكفين لاتتصلين عليه ابد وحتى اذا اتصل لاتردين واذا اضطريتي للرد خليك ثقيله واوهميه انك مشغوله ومانتي فاضيه له حتى لو ماعندك شي وحتى اذا جاء خلي استقبالك له اقل من عادي ولاتكثرين هرجه ابد بالعكس خليك مع اعيالك لاعبيهم وسولفي عليهم وهو يشوف ترى ينقهر تطق حبته لان هم انانيين كل شي يبونه لهم

بالله وش ردة الفعل الضعيفه يأختي خذي حقك كامل وقولي في وجهه الله لايهنيك على قد الظلم الي تظلمني فيه ويا عيالي
وحسبي الله عليك ونعم الوكيل اذا انت مستقوي فيه الي اقوى منك ولا تظن ربي غافل عن سواتك
وربي حرم الظلم على نفسه يبال بشر مثلك خليه يحس انك قويه بالله وقولي جعل كل خطوه تخطيها بذنب ويسلط عليك من هم اقوى مني اذا مستظفني ويا عيالي وماراح ابيحك في اي شي تعطيه غيري وتحرمني
وعندك الليل لاتنسين الذعاء فيه والذكر ابكي الله واذا زادت عليك الهموم اركعي لرب العباد
واتركي الي يقولون انسيه ليش مالها حق فيه ماهي حياتها اجل ليش تتزوج عشان تنحرم
تعرف عليها اربع سنوات وبعدها تزوجها وينك طول هالسنين
لو كنتي تدافعين وربي ماكتب لك الفوز لا تيأسين وخليه يشوفك القويه مش الذابله الحزينه
والله يسخر لك ملائكة السماء وجنود الارض

والله ماااااادري وش اقول لك ياقلبي اكيد هالشعور يوجع اهتمي بنفسك من جميع النواحي مو عشااااااااانه عشان لاتحسين انك ذبلتي بسببه

مالك الا عيالك وانا اختك والصبر انسيه او حاولي تتناسينه الرجل مو محور الحياااااااه اشغلي نفسك بأي شي عن التفكير فيه وانتبهي تروحين بيت اهلك عشان عيالك


الرجال اغلبهم كذا ينسون العدل ياويلهم من الله يخليك تكرهين شريكتك حتى لوماسوت لك شي لانه ماعدل


ادعي ربك انه يعوضك بالجنه اخير من الدنيا ومافيها والله يصبرك ويأجرك ع صبرك وبقول لك شغله ممكن تفيدك في اماراتيه اسمها ناعمه الهاشمي انسانه مبدعه كثير حلت مشاكل حريم مع ازواجهم اقري قصصها معهم واستفيدي من نصايحها واذا تبين رقمها ابحثي عنه بقوقل اذا ماحصلتيه ارسلي لي خاص واعطيك اياه