ماذا نشتري من تركيا (دمج مواضيع التسوق في تركيا)

السسسسسلام عليكم أخواتي


أنا حاليا في اسطنبول جداً رائعه

والأجواء ارووووع تسوقت في بازار السلطان وسوق البهارات

واشتريت منه كاسات الشاهي الي ما تنكسر

وفيها كرستال والي تبي تشتري تفاصلهم بالسعر

وكمان اشتريت صينيه الشاهي المميزة عندهم الي لها

مسكه زي العلاقة يقدمون فيها

الشاهي وكمان راح اشتري منهم

الإبريق المميز عندهم .. وفيها الحلى طعمه روعه صحيح أغلى من عندنا

بس الطعم مافيه مقارنه البقلاوه وعش البلبل .


وكمان اشتريت ملابس لبنتي فساتين حلوه الخامه ممتازه

واشتريت قدر طاجن نفس المغربي والي حابه

استفسر عنه من منكم سبق واشترت منهم لأني

حابه ارجع وأخذ منه كذا حبه اذا فيه احد منكم جرربه

بالطبخ لانه قالي انه ماينكسررر من النار اثناء الطبخ

وماني عارفه صدق كلامه ياليت أحد يفيدني ولكم مني جزيل الشكررر

وأي سؤال أنا حاضره عن اسطنبوووول ..

ماشاء الله رحله سعيده تتهني
بكم اشتريت الصينيه والكاسات وايش يعني ماتنكسر والاسعار لو سمحتي
وان شاء الله البنات يفيدونك عن القدر
وكيف المواصلات واسعارها
واي المناطق سكنتي. وكيف الاوضاع
وبكم الحلويات
ههههه اسئلتنا كثيره لكن انتي كريمه واحنا نستاهل
انا حاجزه ف منطقه فندقزاده وان شاء الله لمن نرجع ابحكيكم عن تجربتي الاولي الي تركيا

من اربع سنين الكيلو كان ب 20 ليره بس اكيد السعر ارتفع
موجوده في كل مكان بس انا افضل اشتريها من هذا المحل
http://www.karakoygulluoglu.com/

اللهم امين اختي ..

بالنسبه للصينيه مقاسات وفيها نقوشات

مختلفه والسعر على حسب المقاس انا اشتريت

وسط قالي ب40 ليره واخذتها30 تقريبا

60 ريال سعودي والكأسات عندهم انوااع واشكال

مميزه فيه الوان ورسومات ونقوشات اسلاميه وفيه نوع

ماينكسر يعني يطيح منك ماتنكسر صاحب المحل يضرب

الكاسات على بعض مايصير فيها شي تحتاري في الاختيار

السعر من 30 الي 60 ليره بس الله الله في المفاصله

يعني اخذت ثلاث اطقم اول شي قالي في 60 وصلنا

معه الى 40 يعني تقريبا 80 رياال سعودي ..


بالنسبه للسكن حجزنا من موقع بوكينج فندق مرمره

في منطقة التقسيم على شارع الاستقلال وقريب جدا

للاسواق والمطاعم شارع جدا حيوي مشي طبعا ..


بالنسبه للمواصلات تكاسي عبر العداد لكن لاتاخذي


من التكاسي الي توقف قدام الفنادق لانه يكون

فيها لعب بالعداد اطلعي من الفندق وامشي شوي

وقفي تكسي وفيه عندهم مترو وباصات ..


واذا بتروحين لجزيرة الاميرات لاتاخذي هالرحله

عبر الفندق لانه راح يحسبونها لك بالدولار والسعر

مضاعف اركبي تكسي وقولي كاباتاش وراح ينزلك

وتركبي سفينه ب 5ليرات يعني 10 ريال سعودي

اهم شي لاتروحي يوم السبت او الاحد لانه مزحومه

وفي كل وقت يكون فيه سفن تنقل الركاب

مدة الرحله ساعه ونص تقريبا ..



اتمنى لكي وللجميع رحله موفقه ان شاءالله ..