عاديه وخطبك وسيم

هو شافني شوفه شرعيه بسسسسس

انا مو ذاك الزود هو احلى مني وانا داخله ع سنقه عشره تخيلوا يصبح ع وجهي بدون ميك اب

مااا ادرري اشياء كثيره صعبه اقولها لكم :(

ياعمرييييي مبروك ،، ولاتسوين مثل كثير أجلت زواجها تقول إنها غير مؤهلة للزواج وكبرت وهي كذلك لأن مجتمعنا مايسمح للبنت تنفس إلا بالزواج ،، واعرف كثير مثل كلامك تزوجوا وقالولي يابنت افلحي ترى الموضوع مايحتاج حتى البصل مانعرف نقطعه وأمانة ترى الرياجيل حبايب ويقدرون صغر سن البنت وكل شي منها عسل ،، واسمحيلي الرجل إذا ماعليه كلام ويشرى لكن المشكلة الوسامة أقولك على حسب الزوج ولاتظلمين نفسك ،، يعني بعضهم إذا حبك وشاف منك كل خير صرتي بعينه ملكة ومايبدلك بثانية ، وبعضهم يهمه اهتمامك بنفسك وبأدق التفاصيل عشان يحس إنك انثى لأنه هو عملي ويبي اللي تفرق عنه طبعا هذا إذا جينا على الشكل ،، وانتي لاتكبرين الموضوع إذا الولد أهله أجاويد ويحبون سعادته بيخلونك على راحتك وبيغضون البصر عن سيئاتك وبيتعذرون لك وطبعا يهمهم مرة ولدهم تكون كبيرة وعاقلة وفاهمة لكن الاهم سعادة ولدهم .
واستخيري وأنا احكيلك وارد على الافكار اللي براسك ماني اللي اقنعك ،، يعني شوفي الولد من جوانب ثانية واقعدي مع نفسك وخوذي وقتك بالتفكير وكلام اللي حولك كله اوزنيه ماهو تمشين على رايهم لا ، امشي على اللي تشوفينه صح واستخيري استخيري استخيري.

ياربيييه ماعندك سالفة ومن قال اطلعيله بدون ميك اب ،، وإذا مسحتيه مو شرط تمسحينه كله أقلها الكحل ،، والشعر اضبطيه دائما ،، المهم ماتكونين بشعة وتخرعين حتى بالمكياج والولد حلو ومتعود على حلاوة يصبح عليها في المراية ،، عموما الجميلات جمال حقيقي تعدينهم بالاصابع ويتشرطون ومايعرسون إلا قد طلع الشيب بولد وش حليله ولا ليتهم يبردونةالخاطر سخيفات وغبيات ،، وكل اللي طايرين فيهم العالم عاديات لكن يعرفون يلبسون ويكشخون ،، وفيه اللي ينظلم واهله يعرفون هالشي لأنهم حاقرينه او راحمين البنت- وفيه وشفت- ويلصقونه بقبيحة وهو ليته عادي جميل لكن حالته المادية عادية ، يعني لاتأثرين بالقصص اللي تسمعينها عن كراهية الزوج لزوجته لانها شينة.

مو هاذي مشكلتي انا ماحبيت نفسي ولا وثقة فيييييها ودايما اشوفها تستحق الدوون

ويبون يزوجوني حتى يمكن لو قال انتي حلووه بقول في نفسي اييه الله يخلي الميك اب لان حقيقي شكلي بدونه غييير تماما

ودايما اشوف المشاهير اللي احلى من زوجاتهم واتمنى ثقتهم اخخخ ماقلت لكم ياليت الثقه تنشرى
واحاول اتشجع

وترا هالشيء مو وليد اللحظه يعني تخيلي تسرحين شعرك بطريقه معينه ويجي احد يقولك لا ماتناسبك رجعتي فلانه الشينه
الشينه اااااه ياكودها ع النفس

ومريت بمواقف تبين لي ان شكلي متواضع