عزمته على العشاء وعرفت انه يكرهني << قديم + تم الرد <<

حبيبتي كل الكلام الي قلتيه عن زوجك عاادي وعنوان موضوعك غريب عزمته عالعشاء ورفض وعرفت انه يكرهني هههههههه يعني ليش اذا رفض يكرهك ياساتر , الغريب في موضوعك نقطه وحده اذا دخلتي الغرفه يطلع هذي مالها داعي بس اسلوبه عادي هذا طبع ونمط شخصيه زوجك شمااااالي ويمكن شمالي شرقي او شمالي متطرف يحب يعطي ماااده بس انتي سوي كل شي وما يحب المسئوليه تجاه بيته بإستمرار لانه سريع وحركي وما يحب يرتبط فيكم ولو عطاك وجه بالملاحه والسوالف خشيتي في عينه عشان كذا مسوي حِمش ودفش ويوم كان اعزب كان كذا مع اهله هرووووب من المسئوليه .. لاكن الشمالي اذا حب زوجته يحبها بصدق بس ما يقول لدرجة تحس انه ابدا ما يحبهاا لاكن لو صار شي يبعدكم او مشكله كبيره لا تستغربين لو شفتي دموعه وانهياره هووو كذا سبحان الله كاائن غريب هههههه

عاد شوفي انتي الي عليك خليك خفيفة ظل وجودك مثل النسمه مو لازم تسولفين طول الوقت وبذات اذا صوتك حاد ترا يفجر مخ الشمالي ما يتحمله وانتبهي تثَقلين عليه يعني مو تقولين انت تحبني ؟؟ انت ما تحبني انا احس كذا او تفرضين نفسك عليه بطلب الجنس صحيح هو يحب المبادره بس مو كل مره هو عطاؤه الجنسي محدود لان تركيبة جهازه العصبي كذا فلا تلصقين مره يكررره الإلتصاق اتركيه اجلسي معه احترميه يحب يكون شيخ المجلس بس لا تطلبين يعطيك مشاعر وحركات ولا تقربين منه خليك قباله او قريبه منه بدون التصاق ..واحيانا يحب الرياضيه الي تقلبها كارتيه وتكوندوا ومضاربه خخخخ بس مؤقت .. وانتبهي لشكلك ترا ما يواطن الشعر الشوشه واللبس المبهذل يحس انك تهينينه اذا ما اهتميتي بعمرك وما تشوفينه شي .. واقري المعوذات اذا دخلتي عنده وبعدين عيشي لنفسك وبس واحسبيها صح فيه حريم اجنبيات يتزوجون السعودي عشان فلوسه وبس وانتي جاحده للنعمه الي انتي فيها .

واهم شي تقوى الله والله اعرف وحده قريب وضعها منك لو زوجها حبها ودلعها كان ما تكلم الحريم الا من طرف خشمها وتحب تتكلم في العالم وتحش في حريم خلق الله وتوسخ اخلاق اخواتها ودائماً تفكيرها ونوايها سيئه وووو.... فإذا ربي سخر لك زوجك حافظي على هذي النعمه ولا تتتعالين على احد واعذريني انا اتكلم بشكل عام وما اعرف تفاصيل حياتك.

اجلس معه.وكلمي وش حاسه فيه وش شوفي رده

صدقيني الدنيا علمتني الرجال ما يصرف على حرمه ما يحبهاااا والله مرا زوجيقالي ابوي أحسه ما يحب أمي (ابوه متزوج على أمه) قلتله أنت رجاااال وتعرف هل فيه رجل في هذا الزمن يصرف على حرمه ما يحبها ام ما يعزها قال طبعا لااااا قلت له ها هذا انت جاوبت ابوك مايقصر معها بشيء ماشااء الله لو كان يكرها كان طلقها من زمان وحرمها من عيالها..

احمدي ربك تراك في نعمة عظيمة ماشاء الله

لو مايحبك كان ما اسخى لك فلوسه بس يمكن طبعه شين او عنده نقص وما يحب يوضح لك ضعف شخصيته لذا خلي كثر التدقيق واذا دخل الغرفه اطلعي وتثقلي عليه الرجال مايحب الخفيفه ولا يحب القرقره الزايده