السلام عليكم اخواتي
اسمحولي على العنوان اللي ابدا ما يتماشا مع الموضوع انا كتبته بالعمد عشان الكل يدخل وحتى لو قريتي وما رديتي المهم توصلك المعلومة و تستفيدي
حبيباتي انا ادري ان بهالدنيا ما في احد مرتاح و معظمنا عندنا مشاكل مع اهل ازواجنا لكن بنظركم ايش هو الحل ؟؟؟
الحل من وجهة نظري وما ادري اذا في احد بيأيدني على اللي اقولة
الحل انه تحملي و اصبري وثقي من الله ان كل هذا لك الخير فيه ومن البداية هذا الزواج وهاذي الحياة لكي الخير فيها ولا ما كان ربي بيرزقك اياها
يا اخواتي نحن نتضايق و نزعل و نشتكي من فلانه و فلان وام زوجي وغيرهم و غيرهم بس فالاخير نحن ايش مستفيدين غير وجع الراس
وخليها براسك و احفظيها زين الزوج عمرة ما يعق امه او اهله عشان زوجته وحتى لو سواها لابد انه ينمد ولو بعد حين وخلي ام زوجك بنفس مكان امك انتي ترظين ان زوجة اخوك تحرض اخوك على امه و تجبرة يكرهكم و يكرة امه طبعا لا ما ترضين وحتى لو انتي عارفة ومتاكدة ان امك او انتو الغلطانين علشان كذا يا حبيباتي خلونا نتفق ونعيش حياة شعارنا فيها كبر دماااااغك :mex:
ودايما قابلي السيئة بالحسنة و ادفعي باللتي هي احسن يعاملوكي بالسيئة عامليهم بالحسنة ولا تزعلي ابد لا تزعلي لان الله يرى اعمالك ويرى اعمالهم وكوني واثقة بأن الله راح ياخذ لك حقك اذا كان لك حق وربي له عدة طرق ياخذ حقك فيها اما بالدنيا ولا بالاخرة
ممكن يبارك لك فعيالك ف زوجك ف صحتك ف بيتك ف اهلك اللي ربوك المهم راح تشوفين التفريج من الله اشكال انواع
وربي ممكن يرزقهم باللي يخلص ذنبك منهم وانتي جالسة مكانك
اهم شي اللي بغيت اوصله لكم عامليهم بالحسنى حتى لو غلطو فيكي ولا تتعبي وعليكي بالدعاء و الاستغفار
والله خير موفق :mex: