نزلت المساعده حقتي 13000 وانا مطلقه وعندي ولدين اشرايكم اش اسوي فيها كل وحده تقول را

أنا لو مكانك
3000 ريال بأخذ فيها أغراض لي ولأولادي لرمضان والعيد

و10 آلاف احطططها في محفظه أستثماريه في البنك الأمريكي لأنه أفضل شيء

خليها تتضاعف خلال سنه بدال ماتطير في ملابس ومقاضي
والله يطرح لك فيها البركه يَ رب

يارب بارك لها في كل ريال تصدقي منها ولاتنسين اهلك دعوه منهم توفقك باذن الله الله يسر لك ويعوضك يارب

خليها لك ولعيالك ابسطيهم وعوضيهم عن كل شيء
ولا تنسي الصدقة

صاحبة الموضوع.. الله يرزقك رزقاً حلالا واسعاً من حيث لاتحتسبين..

وعندي ملاحظة بسيطة لأختي اللي اقترحت ايداعها في البنك الأمريكي..
حبيت أذكرك باتفاق العلماء على عدم جواز ايداع المال في البنوك الربوية حتى لو بدون فوائد لأنه فيه اعانة لهم على الإثم والعدوان..

اذا اهلك محتاجين ومديونين مافيها شي ساعديهم لو بألفين او ثلاث خاصه لو كنتي عايشه عندهم انتي وعيالك ويأكلون ويشربون معهم
وخلي مبلغ خمسه الاف لا تصرفينه للحاجه لان الانسان مايضمن الظروف في اي لحظه
وخلي جزء لرمضان والعيدوالمدارس واستغلي فتره التخفيضات هالفتره واشتري لهم للعيد من الحين قبل رمضان والمدرسه بعد لان فتره ركود والاسعار نازله بس بعد العيد ترتفع ومقاضي رمضان هذا كله مايكلفك 2-3 الف والباقي خليه لاحتياجاتكم اليوميه اذا ماعندك دخل ثاني واذا عندك نصيحه ارفعي اكبر قدر من الاعانه لوقت الحاجه او لين يكون عندك مبلغ يستاهل وتسويه فيه مشروع صغير تستفيدين منه
ولا تنسين الصدقه عشان ربي يبارك لك