مشكلة تلعب في كل جمال المرأة .. لكن بأذن الله هنا الحل
السلام عليكم ورحمة الله وبركاته .....
في البدايه احترت كثير وين اكتب الموضوع بأي قسم .. لكن الله سبحانه قدر اني اكتبه في هذا المكان لأن مشكلة عدم انتظام الدوره الشهريه تأثر على كل جمال المرأه من بشره لشعر لسمنه واحتباس سوائل وغيره من الاضرار الظاهره او الباطنه
ابقولكم قصتي عشان ماتتحطمون .. في البدايه كانت تجيني الدوره ولاكنت اهتم وقتها فاحتمال كبير انه صار عندي تكدس للدوره وسدد من عدم الاهتمام وكانت خبرتي في هالشئ قليله فرحت للمستشفى وسلمت نفسي لهم اللي تعطيني حبوب منع حمل واللي تقول خذي حديد هذا فقر دم وضعت بينهم .. والحمد لله على كل حال الله يكتب الأجر ويعجل بالفرج ... المهم وحده منهم اعطتني حبوب اتوقع اسمها كليمن او كلايمن .. بالمناسبه يابنات والله مازاد الشعر في جسمي الا هوه ... وقالت استمري ثلاث شهور وراجعيني واستمر وارجع لها وتمد المده وارجع كمان الين كملت سنه وست شهور ومجرد ماتركتها نفس المشكله ترجع .. فقررت اني اتركها واتوجه للطب البديل ....
والعلاج كان (عشبة البردقوش )او المردقوش ..اضن تعرفونها ومنتشره بكثره خاصه في جنوب المملكه ..
والله يابنات من استخدمته وانا الحمد لله مرتاحه واذا نزلت ترتاحين وتعدل كل هرمون ملخبط في جسمك والله اني ما اكذب عليكم
وهذا كلام الدكتور جابر .. عبد الباسط السيد ... وهيا آمنه ولا لها اي ضرر ..
طريقه استخدامها :
طبعا تستخدم ثلاث اكواب في اليوم .
حطي مقدار ملعقة صغيره في كوب وصبي عليه ماء مغلي وعلى طول غطيه لأن فيه فيتامينات طياره ..
بعد ربع ساعه اشربيه .. والله يكتب لنا الشفاء قريبا عاجلا ..
مده الأستخدام : تستخدم متى ماحبيتي اهم شئ وقت الدوره لاتشربينه .. مثلا خلصتي من الدوره عادي اشربيه لين تجي الدوره الثانيه واقطعيه مدة نزول الدوره ...
طبعا العلاج في الاستمرار شهر شهرين ثلاثه الين تتشافون ..
ملاحظه : اللي عندها الظغط يهبط تشربه بين الوجبات يعني مثلا بعد الغدا بساعه عشان مايهبط الظغط ...
وفيه كمان خلطه حلوه للتنظيف تستخدم اول ثلاث ايام من الدوره طبعا الله يجزاها خير اللي كتبتها والله ما ادري اخذتها من اي منتدى اتوقع هالمنتدى الرائع ..لكن المهم نفيد ونستفيد وهيا عباره عن ...(-المكونات:ملعقة صغيرة كمون مطحون/ نص ملعقة صغيرة رشاد مطحون/ 7حبات حبة سودة مطحونة/ 7حبات حلبة حب لا تطحنية علشان ماتطلع ريحة/ كسرة مر قد حبة الحمص مطحونة/ ملعقة كبيرة عسل.وهذة المقادير تكفي لمرة واحدة فقط.
2_طريقة الاستعمال:تعجن مع بعضها وتؤكل مع كاس ماء دافئ (ملاحظة:الافضل ان يكون مع ماء ويجب ان يكون دافئ)وتؤكل على الريق في الثلاث الايام الاولى للدورة
ويارب اكون بثيت في قلوبكم الأمل بعد اليأس من كثر الخلطات بدون فايده وننتفع سويا بهذا البرنامج السهل جدا ..
ملاحظه 2 : طبعا يصلح للي تتاخر عنها الدوره لأسباب اخرى زي العين المس السحر لكن مع الرقيه والدعاء بالحفظ من كل شر .
وارفقت الصوره للي ماتعرف شكلها تتعرف عليها ونشتريها من عند عطار امين مجففه .. او نشتريها خضراء واحنا نجففها ..
وللأستزاده عن فوائد البردقوش اكتبيها بقوقل ..