شاركي في النقاش

سجلي الدخول لإضافة تعليق.

التعليقات

38
  1. @lalyaa_alamgad

    وعليكم السلام ورحمة الله وبركاته


    أسأل الله تعالى ان يشفيها شفاءا عاجلا ..

    يالغلا لا تحكونها يمكن يضر زيادة ...


    طيب وش أعراضها بالضبط ؟!!


    تحسينه مثل النعقز لكن أسوأ يعني الحبوب متداخلة على بعض وفيها مثل الشعر داخلها وإحمرار شديد في المنطقة ؟؟

    ألم شديد في عضلة الجسم تحت هذي البقع ؟!!

    ألم فظيع لايطاق وحرارة ؟؟ الحبوب تكبر بعد فترة ؟؟ ما تقدر تلبس ملابس عليها من شدة الحرارة ؟؟


    يمكن والله العالم حزام ناري ... أنا جاني بعد الاسقاط الاول من حملي وكان ألمه شديييييييييييييييد ..

    لكن الشيء المبشر أنه فترة وتزول ... ولله الحمد ..

    جدة زوجي جاها هالحزام الناري ومسكينة طولت شوي وما أحد عرف العلاج قعدت كم شهر ..

    أنا ولله الحمد والمنة قعد معي في حدود 10 إلى 15 يوم وأنتهى بفضل ربي أولا ثم العسل الطبيعي الأصلي ...

    أهم شيء عسل سدر أصلي 100%

    والله كان له مفعول السحر يكفي ان ربي ذكره في القرآن .. وهو اقوى مضاد حيوي .. + أخذت حبوب من الصيدلية يخفف ألم الحزام الناري والله كان ماشاء الله تبارك الرحمن أكبر نعمة من ربي ...

    جاني من ظهري إلى صدري إلى قريب من الرقبة إلى تحت الابط وكان أسوائها ..

    كان زوجي وامي يمسحون المنطقة بمعقم وينظفونها وبعدين يكثرون عليها العسل ويحطون عليها قطن طبي من الصيدلية ويلفونها بشاش ... وبعدها أرتاح فترة مع اخذ الحبوب .. جربي هالطريقة حتى لو ما كان حزام ناري لان العسل فيه فوائد عظيمة خصوصا لامراض الجلد ..


    وجدة زوجي قعدت كم شهر أخذت مراهم خففت شوي من الألم لكن لما أستخدمت عسل السدر قعدت 10 ايام وتعالجت منها ...


    على فكرة الحزام الناري مو كل واحد يعرفله من الاطباء رحت عند طبيبة وما عرفت وحولتني على صاحبتها في مستشفى ثانية اخصائية جلدية وتقول انها ممتازة ...

    وعاد هذيك على طول عرفت انه الحزام الناري ...

    إذا كان الحزام الناري لا تحكونه أبد ترى الحالة تزيد وتتعب أكثر والشفاء يتأخر ...


    وسب الحزام الناري نقص في مناعة الجسم في ذيك الفترة وتجي عادة لكبار السن وأنا جاني لأني كنت حامل في بداية الشهور الاولى ومعروف ان مناعة الجسم وقتها تكون ضعيفة .. وجدة زوجي بسبب كبر السن مناعتها ضعفت شوي ..


    وترى هذي صورتها .. يمكن هذي قبل ما تتطور وتصير دموية .. وممكن يكون في اي منطقة بالجسم ...




    وممكن يكون أسوأ من هالصورة ... كل إنسان على حسب جسمه ... ولازم تعرضونها على استشارية جلدية ضروري وقريب ...

    ولاتنسى تشرب الزمزم بنية الشفاء ..
  2. @am_yzn_1425

    مي زيادة
    ودوها لدكتور جلديه زين لاتتاخرون عليها
    اللهم رب الناس اذهب عنها البأس أشفها أنت الشافي لا شفاء الا شفائك شفاء لا يغادر سقما

    ارجوك حبيبتي لا تتركون امكم كذا ودوها اكثر من طبيب
    وشربوها زمزم وادعوا الله انه يشفيها ولا تنسون الأستغفار والصدقه بنيه الشفاء
    الله يشفيها ويشفي امي ويشفينا وجميع مرضى المسلمين

تابعي تجارب أخرى من هذا القسم.