الموضوع مغلق

الشغالة حامل!!!!// استوفى الرد

مساء الخير
بنات بدون مقدمات أنا عندي شغالة لها سنة تقريبا ومتزوجة وعندها بنت (الشغالة بفيزا طبعا)
الحكاية أنا كيف عرفت : عندنا عامل في البيت فجأة ما لقيناه اختفى( من هنا العامل مو فيزا) ونتصل عليه كم يوم قافل جواله وبعدين هوا اتصل وقلنا بانه صار له علاقة مع الشغالة وأنها حامل
طبعا أنا مارضيت اصدق على طول قلت لازم أتأكد علشان ماظلمها !قلتها أبغا أسافر الصيف وأشي لك معايا بس لازم تحليل عشان الفيزا وسحبو منها دم وانا طلبت تحليل حمل بدون ماتعرف وللأسف طلعت النتيجة إيجابية
والآدمية حاليا ماتعرف انه أنا عارفة وطلبت من جوزي يجهز أوراق تسفيرها وناوية اقلها قبل السفر بكم ساعة
الحاصل انه أنا متلخبطة لما افكر فيها وفي موقفها لما ترجع لأهلها وزوجها بالمصيبة قلبي يعورني
لكن بس أشوف شكلها او اسمع صوتها دمي يفور واحس أني أبغا اقوم أعطيها كفين وجع قاهراني غبية خربت على نفسها
فمدري أنا ليه كاتبه الموضوع بس حابة افضفض وما أبغا احكي احد يعرفها من باب الستر عليها
وفي شي تاني هيا عادة حسب مااشوفها تصلي بس من امس تقولي مافي صلاة مدري هيا نزلته ولا ايش الله اعلم

98 تعليق 15,426 مشاهدة

شاركي في النقاش

سجلي الدخول لإضافة تعليق.

التعليقات

92
  1. الله يعينكم على هالخدامات .والله صراحة ما اقدر اتصور في بيتي خدامة والله المستعان
    اختي سفريها وخليها تتصرف بمصيبتها انتي ما لك دخل .اهم شيء تطلعي من المصيبة دي
    لو ولدت تصير فيها علوم
    احمدي ربك انك عرفتي قبل .

    صراحة ليش كل وحدة ما تخدم زوجها وبيتها وتكون في امان من مصايب الشغالات ؟؟؟
  2. @smtk_thbhny_thbhny

    يختي هي مو بزر واجهيها وقولي لها انك ماتبين قعدتها بالبيت حسيت انك تتعاملين مع طفل مره قهرتيني هههههه
    كلميها وشوفي رده فعلها وبكذا تنتهي كل الامور

تابعي تجارب أخرى من هذا القسم.