تجمـــع للمملكــــــــات

آلله يوفققكم كلكم

الله يهدييييييك هذي كلها وساوووس شيطان لاتخلينه يخرب عليك فرحتك وعمرك

خسااااااااره اتمتعي وانبسطي :32:

ترا حتى انا تجيلي وساوووس وخوف من الزواج ثم اتعووذ من الشيطان واستغفر والحمدلله

يالله انبسطي وعيشي حياتك خلي الشيطان ينقهر :icon19:

الله يوفقككككم ويسعدكككم ويرزقنا يارب ونجي نسولف معككم ونكثركم يارب

.،



(ردي طويل اللي بتقراه تجيب معها علبه كولا تمخمخ عليه :biggrin2:)



زوآجي بإذن الله في شهر ( 8 )


بنات بما اني مملكة من 6 شهور ولي خبره نوعية خلال ال6 اشهر اللي قضيتها :rolleyes:

في بداية ملكتي كلمني وكان يطفش أهلي من كثر المسجات الغزل الحب السوالف
وكنت مو متقبله الموضوع واحس اني كارهته وماحبيته و و و و ....


مع الأيام حسيت إن قلبي بدا يرقع سامري اذا شفت رقمه مادري وش يسمون هالحاله
بس الوكاد اني بديت أحبه وأتقبله وكذا :hearts:

المهم أنا صرت ادق واقلق اهله اتصالات سوالف وضحك وتحقيق
وينك فيه ومن معك وين رحت وين جيت وكذا .....


وهو نفس الحاله ...

ومرت الأيام وهذا حالنا وبدت تخف اتصالاته ورسسسايله بقوووه وصار
اذا دقيت عليه يعطيني اقرب مخرج 13 على اليمين :icon30:هههههههههههههه

وأحيان كنت اصيح وابكي واحترق وش سالفته وراه قلب لايكون يكلم لايكون
وعشعش الشيطان براسي ومواضيع عالم حواء ماتقصر ف هالناحية :humm:

وتعبت وانا الاحقه وادق وارسل وهو يوزعني حفظت مخارجة من كثر
مايقولها وكثرت مشاكلنا من ناحيتي ومن ناحيته ....


وبينما انا على هالحال قررت أجتمع مع نفسي جلسسسه مغلقة بيني وبين
نفسي علشان اناقش المشكلة والاسباب والحلول واستعنت بالشيخ قوقل
وماقصر معي هع



وطلعت من هذا كله ب التطنيييييش قلت هين أوريك وأنا بنت أمي وأبوي
مسوي توم كروز على هالثقل يا أنا يا أنت...


وخففت إتصالاتي ورسايلي بنسبة 95 %

ودق ألووووو
انا : هلا
هو : هلا أخبارتس وين الناس
انا : طيبه مشغوله بالبيت ، الدراسه
هو: اها الله يعينتس
انا : امين ( كلمة ورد غطاها ماكثرت هرج )
هو : ايه انا مشغول مع الربع يمكن ماقدر اكلمتس اليوم
اخاف نتأخر وكذا
أنا : خذ راااااااااحتك فل أومها لو ماتجي الا الصبح أهم شي
ونااااااااستك
هو : هاه :huh::confused: ( ماستوعب من الصدمه لأني كنت انشب له ليه ولماذا وواي خخخ )
انا : عدت له نفس الكلام
هو: الله يسلمتس وانا تهمني وناستك و و و ايه وترا يمكن مايكون عندي شبكه
علشان خبرك البر تفصل شبكات ورسالتك يمكن ماتوصلني لو ارسلتي و و و ...

انا :لاعادي ماراح ارسل اصلا بس اهم شي انت اذا رجعت طمني برساله
( بالعاده عشر طعشر رساله ارسل له )

هو : كني به علامات التعجب تدور فوق راسه ايه طيب الله يسلمك يالله اجل
مشغول بيجوني الربع بجهز اغراض الطلعه ..
انا : الله يعينك انا بعد مشششغووووله اسمع صوتك على خير
( وانا ستذوب طقيت لي علبه باااارد واتسدح عند التلفزيون )

طوووووووووط طووووووووط



جلست شوي جاتني رساله منه ...
واستمريت في هالاسلوووب لين وقتنا هذا احيان اشد
واحيان ارخي وتحسسسن بكثير الحمد لله
صار يدق يسسسأل الهواجيس قامت تلعب به يبي يثبت نفسه لي
شافني مطنشششة (يعني لاني مهملته ولاني أجري وراه) :rolleyes:

صدق من قال الرجاجيل مايحبون البنت تجري وراهم ..
ومع ذلك للحين نتهاوش ههههههههههههههههههه
بس هذي هي الحياة ملح وبهارات

اذا تهاوش وياه ندمت على اليوم اللي شفته فيه واليوم اللي وافقت اني
ارتبط فيه واليوم اللي وقعت فيه بعقد الزواج واتمناه يختفي كأنه ولا شي :hahaha:

واليوم اللي نكون راضين اتمناه يبقالي ويخليه لي وماشوف بالدنيا غيره
وأحس انه اكوس نفر مر بحياتي :icon30:



بربرت كثير بس توي عطلت وحطيت حرّة الاختبارات بالرد
ههههههههههههه/..

والله صصصدق الرجآل اذا عطيناهم وجهه قامو يثقلون
واا شافو البنت ثقيله قامو يركضون وراها

ف أحسسن شيء اذا حسيتو محاريسكم مطنشينكم اقطعو عنهم وشوفو النتيجه :S_45: