قعدنا قريب 13 يوم .. الفنادق + الطيران الداخلي اخذ مننا 9000 ريال تقريبا وقد دفعناه هنا للشركة وهي حجزت ودفعت للفنادق وللطيران ...
طبعا كل فندق سعره يختلف وممكن يكون ارخص لما تروحين عندهم مدري لكن الواحد يخاف يضيع عليه الايام ...
نسقنا للرحلة قبل السفر ..
يعني تعاملنا مع شركة تحجز لنا الفنادق والطيران الداخلي اما الباقي على راحتكم ..
صراحة تروحين ونصف الهم راح عنك لما تحجزين الفنادق والطيران الداخلي من قبل ..
طبعا سافرنا يوم الجمعة بالليل الساعة 11 ونص تقريبا لكوالالمبور وصلنا هناك الساعة 1 ظهرا بتوقيتهم ..
طبعا الرحلة أخذت مناا 9 ساعات لكن لا تنسي تحسبي الفرق بيننا وبينهم 5 ساعات عشان كذا وصلنا في الظهر ..
ومن المطار الدولي رحنا بليموزين إلى مطار اير اشيا ( طيران اسيا ) ورحنا على لاناكوي ما قعدنا في كوالالمبور خليناها أخر شيء ..
وأنتظرنا ساعتين تقريبا بالمطار وكان موعد الاقلاع الساعة 4 او 5 نسيت كم بالضبط وكان عصرا ..
وصلنا لانكوي خلال ساعة عليها ووقتها كان عصر باقي ما غربت الشمس ..
واستأجرنا تاكسي والفندق تبعنا كان بعيد شوي بس يستحق البعد أسمه منتجع برجايا وصلنا هناك على المغرب ..
أروع من الرائع هالمنتجع تحسين بالفعل انك غيرتي جو ..
لكن حنا أخذنا غرفة مطلة على البحر وعلى الغابة وهو على هذا الترتيب ( مطل على الغابة ارخص شيء او مطل على الغابة وعلى البحر زيادة 200 أو مطل على البحر مباشرة عاد اغلى مدري كم ومكان فطورهم خاص مو معنا )
لكن موقعنا كان ممتاز جدا منها على البحر ومنها على الغابة ومنها قرررررررررريب من موقع اللوبي ..
يعني إن شاء الله لو رحنا لانكوي نروح لنفس الغرفة ...
قعدنا من يوم السبت إلى الخميس في الصباح رحنا المطار وكانت رحلتنا لبينانج ..
وقعدنا في بيننج من الخميس إلى الأحد .. ومن يوم الأحد رحنا كوالالمبور وقعدنا فيها إلى يوم الخميس ..
خلال قعدتنا في كوالا رحنا سلانجور ( صن واي لاقون ) وهي عبارة عن ملاهي منوعة مائية وكهرباء وحديقة حيوان يالتاكسي وفي المغرب رجعنا الفندق
ويوم رحنا جنتنغ بالتاكسي ورجعنا بنفس اليوم ع العصر وهي بعد ملاهي منوعة داخلية وخارجية ...
نعتذر عن الإطالة لكن للفائدة ... شكلي سويت تقرير في المشاركات خخخخ ولو تحتاجي شيء ثانيي أمري انا في الخدمة ..
كل شي عن السياحه في (( مـالـيـزيـا )) من الالف الى الياء دمج مواضيع ماليزيا
متابعة النقاش، صفحة 316