شاركي في النقاش

سجلي الدخول لإضافة تعليق.

التعليقات

82
  1. @roaa_alalmas_2

    ياقلبي عليك والله مافيك لاعيب ولا شي إلا انتي
    اروع انسانه وبامكانك تسوي 
    الكثير ماعليك إلا ان تعزمي.. وتتوكلي على الله
    وتنظمي وقتك ..عزيزتي إذا احببتي منزلك اكيد
    راح   تعطيه كل طاقتك وجهدك ..والتجديد ف المنزل
    له دور كبير ف اعطائك
     الحماس والحيويه .. اطلت عليكي تمنياتي لكي براحة 
    تملأ نفسك وبيتك ..موفقه غاليتي .
  2. @aamry_fdoh_lzogy

    انا عندي غده وعندي نقص فتامين دال وعندي فقر دم وكل شي يجيب الخمول والكسل وضيقة الصدر

    شوفي حبيبتي لايزعلون بنات المنتدى علي هم صح ينزلون مواضيع بيتوهم تلق لق مشاءالله بس صعبه طول عمرهم كذا تلق لازم تجي ايام نظيفه نظافه عاديه هم بس اذا نظفو ورتبو نزلو مواضيع انا والله اذا اشتغلت من قلب فبيتي مثلا المطبخ اجلس اسبوع اغصب نفسي اطبخ وكل شوي اطل عليه مو مصدقه انه يلمع

    وبيت وعيال وزوج لايمكن يصير دايم مرتب لابد تمر ساعه ساعتين باليوم محيوس شوي انا ماقول وصخ لا بس محيوس صعب تربطين ولدك لايطيح الخداديات لاينطل نعاله صعب لاتربطين ابوكم لايشرب بكيسان المويه كلها واحد واحد ولايطلع كل ثيابه اللي بالدولاب بيومين بس
    ولازم الملابس كل يوم غسيل وان خليتيها بتتراكم انا والله ماعندي بزران تنظيف البيت كل يومين ومرات اسحب على السراميك اسبوع لانه مايتوصخ بسرعه
    وعندي حوسه بالهبل لعنبو بليس مايخلصون كل رميت شي يطلع شي

    اول شي لازم تتخلصين من كل شي زايد عندك خصوصا المستودع اكياس فاضيه كراتين فاضيه كرتون خلاط محتفظه فيه للذكرى كلهم كبيهم واي شي تطولين ماتستخدمينه اذا يعطى اعطيه واذا لا ارميه زيوت لك ولبشرتك اذا اخذتي ست شهور ماقربتي لها انطليها
    جيبي اللي تحتاجينه بس وتستخدمينه دايم لاتكثرين شراء خرابيط
    انا اشتري كريمات وزيوت ياخسارة الفلوس يذبحني العجز لين اكبها
    خذي اول الليل شغل انا والله جربتها وارتحت لاتنامين الا البيت نظيف تقومين بس تفطرين وتفتحين النت وانتي مرتاحه
    حتى حقات الغدا كلها نص ساعه قطعي الدجاج واغسليه وحطيه بالثلاجه
    قطعي بصلك وطماطك بعد بالثلاجه لبكره تنظيف سريع وانتي تمشين نظفي شي طايح شيليه
    وابو الشباب ياهو يربيك يا انتي تربينه يحط ملابسه بسلة الغسيل ويشيل قراطيسه ومناديله من مكانه قبل يقوم
    على انه صعب تربينه انسي ابو الشباب
    ولدك خليه يتعلم من الحين بالقوه يرفع العابه يشيل زبالته ينظف معاك قوليله حط هذا هنا وشل هذا وده هناك
    طيعيني بكره يكبر على عصايه وتصيرين بدال مانتي بواحد اثنين الابو والولد
    اذا تقدرين اتفقي مع شغاله بالساعه كل بعد اسبوعين هاتيها تغسل الستاير وتنظف الشبابيك وتمسح البيبان مو تجيبينها تغسل مواعين لالالا انتي اغسليهم خلي عليها الشغل الصعب بس
    اذا الماديه مو ذاك الزود حاولي تجمعين فلوس لغساله اتوماتيك ومجفف حراري للملابس مريح مريح مريح كنهم شغاله تعطينها الملابس ترجعهم جاهزين
    بس تطبقينهم وبالدولاب
    بعدين ارجعي اجمعي وهاتي غساله صحون ياما تمنيتها بس مافيه مكان
    ممسحة السراميك هاتي االمدوره بثمانين سعرها مره مريحه وتخليه يلمع ولا فيه مويه
    حمامك حطي فيه علب لمنظفات فاضيه اخلطي فيهم منظفاتك اللي تستخدمين ربعه والباقي مويه مع مكنسه صغيره بكل حمام
    بس كل يوم تشطفينه وتغسلينه بهالمنظفات ولاتكثرين فيه تحف خلي تحفك لاجا يجيك احد حطيها

    والمطبخ الشكوى لله يوميا كرف فيه حطي لك سطل يشيل كيسانك وبيالاتك وفناجيلك حطي نصه مويه وكلوركس سقطيهم فيه اللي تستخدمينهم
    وخليهم بالليل طلعيهم وبسفنجه وفيري بسرعه ينظفون ويلقون لق
    المطبخ مرتين بالاسبوع اغسلي الارضيه ويوميا تمسيح
    انا زوجي دقيق مرررررررررره بالنظافه ومهما اشتغلت يطلعلي شي مادري من وين يجيبه

    تعرفين الرياض جوها صحرا يعني تفتحين الدريشه تعيشين بالبر من الغبار انا اسكر درايش هو يفتح
    مجلسه سكري دايم مخلي الدريشه مفتوح كل ما اسكرها يفتحها قلب الكنب بيج تنظفين ولا ماتنظفين تغلغل الرمل فيه
    ويقول وصخ

    المهم نظفي على قدرتك لاترهقين نفسك وخلي اشيا يوميا تنظفينها واللي الغرف اللي ماتستخدمونها خصصي لك يوم لكل غرفه نظفيها صح وهاتي قماش اللي المتر بخمسه وغطي الكنبات واكياس المغسله حقت الملابس غطي فيها الفازات الكبيره وغلفي الفازات الصغيره وسكريه
    اذا جاي بيجيك احد بس فككيهم وشيلي القماش واكنسي الارض وامسحي السراميك

تابعي تجارب أخرى من هذا القسم.