๑๑●• εïзالتجمع الجديد لأحلى حوامل التوائمεïз •●๑๑

بنات الي حامل بولد وبنت كان طبيعي ولا مفعول ابر تفجيريه وكذا ؟

هلا والله حبيبتي .. ايه ياقلبي متذكرتك بس ماشلت اسمك عشان كنتي معانا ومومعنى فقدتي واحد ماصرتي مننا .. الله يخليلك الباقي ويبارك لك فيه وتشوفيه قدامك بصحه وعافيه ..

:
:

بنان: الين معناه المرأه الجميله:mex: .. ورياااااااان احلى اسم .. ولد اختي فدييييييته اسمه ريان .. كل واحد اسمه روني يطلع قمر سمالله عليه << برا :biggrin2:

:
:
فدودا: عاد سولفيلنا وش شعورك اول ماشفتيهم .. وكيف صغاااااار؟ ياناااااسو الله يحفظهم

:
:
ياربي لك الحمد اليوم آخر ابرة تثبيت .. ربي فكني منها كل اسبوع وانا اضربها لدرجة صرت منخل الحمدالله على كل حال .. وامس كانت اخر جرعة من ابرة الرئه.. الله يسهلها يارب

مولان ماله دخل في طبيعي وبنت وولد وفي بعملية او تنشيط ابر وبنت وولد

ام لمى
ربنا يعوض عليكي ويجعله في ميزان حسناتك ويباركلك في التاني

فلونا
الصداع في الغالب من الجوع او من كتر البكا بما اننا كلنا نفسيتنا تعبانه والله انا اخده قرصين بنادول من شويه

مولان
أنا حامل بيهم بس طبيعي الحمد لله

فدودااااا
الف الف الف مبروووووووك
والحمد لله على سلامتكم ربي يرجعهم لحضنك
باقرب وقت يااارب
انا ولادتي كانت الاربعا يعني انا واياك بيوم واحد

طبعاً تذكرون كانت مراجعتي الاربعا وقرر لي
الاستشاري قيصريه وحدد لي يوم الاحد العمليه
رجعت للبيت تعبانه من الفرفره بالمستشفى عشان
التحاليل وموعد طبيب التخدير وتعبئة هالاوراق
نمت بعد ماصليت العصر ساعه واقوم عالموووويه
انفجرت معي واروح الحمام اتشطف وامسح
واطلع اكلم دكتورتي بالخاص اقولها معي مويه
وافرازات بخيوط حمرا بس مامعي طلق. صرخت
فيني وقالت علطول للمستشفى هاي ولاده
قلت والقيصري قالت انتي روحي وشوفي شو بيعملوا
المهم دخلت ملابسي الغساله لاني مااحب تجيها
الشغاله وقلت لها انتي طلعيها وانشريها. طارت
عيونها وهي تشوفني متعفطه وماسكه المنطقه
قالت مدام انتي يجيب بيبي الحين !!!!!
واضف عيالي معي ونروح المستشفى
وتبدا معي الطلوق بالسياره ومعي مويه بالزعفران
مقري فيها اشرب منها واقرا من كتيب الافاده فيما
جاء في ورد الولاده واشم من كسرة حلتيته لافتها
بقصدير معي وصارت الطلوق كل خمس دقايق
وتزيد علي بكل مره. ولما نزلت من السياره ويصير
انفجار ثاني للمويه وتنزل علي بالشارع وانا
امشي لبوابة الطوارئ تفشلت مررره وانقرفت
وعجزت امشي من الالم بس عاندت زوجي وقلت
ماابي كرسي متحرك ابي امشي احسن
المهم كشفوا علي وقالوا فاتح ٦ سم مايمدي عمليه
الا اذا انتي مصره قلت لا انا عكلام الاستشاري
خايفه اخاطر قالوا حرام مدام الولاده قريبه
وتوكلت على الله وقلت يلا طبيعي.
الحمد لله مستخيره ربي
ويارب لك الحمد تسهلت من رب العالمين الممرضات
يهبلون ودي ماخذتهم معي للبيت هههههه
ودخل علي دكتور وقلت لهم ماابيه وقالوا مافيه
غيره سالني تبين مسكن قلت اكيد شكله رحمني
وانا اتلوى بصبر وصمت وذكر لله
وعطوني ابره بفخذي وبالمغذي وكمام اللي ما
انصحكم فيه لانه خدرني لدرجه ماقدرت ادفع
احس اني صرت اتصنع الدفع مع تجيعهم لي
ياحبي لهم. طبعاً الدكتور ماشافني ابد بس
شاف الاوراق وراح وجت باكستانيه عسسسسل
الحمد لله كنت ادعي ربي يسترني وتولدني حرمه.
المفاجأاااااااااااااااه
طلعت عندي مشيمه واحده مو ثنتين !!!!!
مع انهم كانوا يقولون مشيمتين. سبحان الله
طبعاً الحكومي مايوسعون لذلك مافيه خياطه
الا الشق اللي يسويه طلعة الراس وهي غرزه
واحده داخليه. وللأسف طلعت معي البواسير.
فعلاً ولادة التؤام سريعه مابين نزول المويه والطلق
ونزول الاول وبعدين يتوقف الوقت وتحسينها
ساعاااات لين ينزل الثاني خاصه انه راسه فوق
حطوا السونار يتاكدون اذا غير وضعيته
وشكله غيرها لانها قالت ادفعي اذا جتك الطلقه
ويدينها الثنتين جوا كانها تحركه بس انا ماادري
وش السالفه كنت زي السكرانه اصلاً من الكمام
وادوخ واغمض عيوني ويصفقوني مدام مافيه نوم
الحين بيبي برا بووووش بووووش
الحمد لله لما طلع ودي انزل من السرير اسجد شكر
لله انها انتهت المعاناه>>>> تخيلوا اقدر اسويها
بعدها طلعت المشيمه وقعدوا يرعصون بطني شوي
وبعدها قالت بنخيط غرزه واحده. خلصت وطلعت
واخذوا وليدي التعبان اللي طلع الثاني وتركوا
عندي الاول بعد ساعه جا زوجي بعد ماودا عيالي
لاهلي وقعد معنا بغرفة الولاده نفسها لانهم خلوني
فيها ساعتين عشان يتأكدون مافيه نزيف.
وتوته توته خلصت الحتوته
وهذا اكشن ولادتي بالتفصيل الممل. هاه مليتوا ؟!