امي صعبه وبرها جهااااد ساعدوني جزاكم الله خير

بسم الله الرحمن الرحيم

اسمعي يا اختي الكريمة , انتي تعانين من عصبية أمج الظاهر وطبعها مثل ماتقولين عنه حاد , أنا اقوللج يمكن بحكم كبر سنها وكبار السن يعصبون ابسرعه , فهمتي يا اختي , وانتي مهما كان مالج الا ان مثل ما اشووف انا انج تصبرييييييييييين عليها وكلما تكلمت اسكتي ولا تردين عليها ةفاجئيها بالردووود الطيبة مثل من عيوني وان شاء الله يمكن تكسبينها بالكلمة الطيبة واذا هي ماهي من هالنوع حاولي تبينين لها انج تعبانة ماهو بالكلام لاء كذا انفخيي يدامها بينج وبين نفسج وقولي انا تعبانة واجلسي كانج مرة تعبانة وانتي يحليلج فعلا تكونين تعبانة وماتقدرين من كثر الشغل في البيت وقولي آههه كذا يعني واجلسي وانتي رافعة شوي ثيابج وكانج مبهدلة في التنظيف وكم جلابيتج مرتفع و وجهجج معررق كذا خليكي معرقة احسن كمان وقولي انا تعبتت بمووت بمووت كذا خليكي خليها تحسس انك تتعبين من زود الشغل في البيت ويمكن نخف عليكم شغل واجلسي فاتحة فمك وكانك تب تموتين وبعدين اشربي قلاص ماي باردد وسوي نفسك مرة تعبانة يا اختي وانتي فعلا تعبانة مهب تكذبين عليها يمكن يرق قلبها عليج لان صراحة يعني عندكم خدامة انا ماني فاهمة ليه تكرفك امك بس الله يهديها واذا مانفع معاها ااعتبري نفسج فتمرين انج تمرنين نفسج على قوة التحمل و تشوفين اشكثر انتي قوية و اشكثر تقدرين تكتمين غيظج وتمرنج هي في الحقيقة ان شاء الله وبتصيرين قوية بعدين وماتعصبين بسرعة في الحياة بشكل عام ان شاء الله يعني شوفي الامر بايجابية وبالنسبة لحركتج الزايدة قولي الحمد لله لعله خير وان التحرك الزايد رياضة لي و الرياضة صحة وحتى تقاوم التجاعيد وبالنهاية انتي المستفيدة كذا يعني كله فكري بايجابية عشان فعلا هذا هو نصيبج وفعلا يمكن هذي الاشياء خير لج ودايما ادعي وقووولي الله يحنن قلبها علينا وتخيلي انها أنتي يوم تكبرين وانج البنت اللي تجيبينها في المستقبل ان شاء الله واش بترضين بنتج ترد عليج وكذا يعنيي يا اختي كلها فوائد ان شاء الله وترتاحون نفسيا بالحركة و كذا صح يمكن صعب وكذا لكن اش تسوين بعد الله يعينج

الله يكتب أجركم ،،،، عندنا نسخة منها !!! أم زوجي الله يصلحها ،،، أنا وبناتها نتحملها وما نشيل عليها ،،، بس المشكلة بناتنا !!!! والله طفشوا منها !! ومن تحطيمها لهم ،، والمشكلة ما تطلب المساعدة من أحد !!! يعني لما نحط سفرة القهوة نسولف ونندمج بالسولاف وما نقوم من ع السفرة ونلمها ع طول !! لا نطول مزح وسوالف وكذا !! هي تشيط غضبا !!! وتقوم تلم السفرة بعصبية حتي ما تخلينا نلم معاها !! عاد البنات يطنشون !! ونقوم حنا يالامهات ،،

مالك الا الدعاء انا مجربه وذايقه المرار بس من الاب جربت كل الطرق والحين صرت رسميه واادعى له ياليت لى ام احس ارحم من قسوة الاب بردى اعصابك وحاولى تجلسين معها بوقت هى رايقه وسولفى معها واحظينها واهديها كل فترة ترى انا طبيعتى حاره وعصبيه واحاول اهدى من نفسى عشان عيالى ترى صفه متعبه لصحابها قبل الناس وادعى بصلاتك ان الله يولف بين قلوبكم

حبيبتي حبيت أقولك ماراح أبالغ وأقولك كل الحريم الكبار كذا راح أقولك اغلبهم الا النوع الباااااارد منهم
وهذا طبعا قليل لان يا قلبي يا حبيبتي الحريم الكبار تعودو على الكرف والشغل وصارن يبن كل الناس مثلهن
واقسم لك بالله ان اغلب مرض والدتي نفسي ما تحب احد يوصخ شي وتحب كل شي يكون على ما يرام
ودائما أقولها وانصحها ياميمتي لا تدققين بكل شي تمرضين نفسك وتتعب نفسيتك والدنيا تغيرت ياميمتي
مو مثل اول
وأتكلم يا حبيبتي ياميمتي صحتك اهم شي الي يخرب يتغير
وبعدين ترى الحريم الكبار عانن من حياتهن اول والله وربي أني ارحمهن
وبعدين ثقي ثقه مايستانس مع الجلسة مع امه الا اذا كانت امه باااارده
هذي تنبسط حيييل ليش عشان أمهم مريحه باله ووسع صدره ماشاء الله الله يزيدهم
والمراءه الكبيرة الحاره أعرفي انها هي اولا ماهي مبسوطه ولابناتها بعد
ورغم هذا الكلام كله فهي تحبكم وتخاف عليكم
بس انتم أعذروها ياقلبي لا تصيرون انتم والدنيا عليها
تراها وربي ضاره نفسها قبل تضركم
وهذا طبع لايتغير ولاتحسسونها أنكم تتضايقون منها
باالعكس تعالي لها بالكلام اللين قولي لها مثلا ياميمتي والله الدنيا ما تسوى
تمرضين نفسك عشانها والله اننا تحبك وتخاف عليك من حرارتك طنشي ياميمتي
والي تبينه ابشري به
وأخيرا الله يعينكم على برها يارب
فديت قلب أمي وعسى الله يشفيها ويطول بعمرها يارب والله الدنيا ما تسوى بدونها
مهما كانت وصارت
وأخيرا تقبلي مروري غاليتي