ابي معلومات اكثر عن حايل يابنات

جاء تعيني في حايل وانا مااعرف عنها شيء مثلا هل فيه سكن للنعلمات انا والله افكر وش اسوي عندي طفل رضيع وين اخليه وابي اعرف وش اسواقهم ومجمعاتهم واسعار فنادقهم وشققهم وافضل المطاعم هناك ياليت ماتبخلون علي بالكلام عنها وخاصة بنات حايل في نتظاركم

5 تعليق 2,842 مشاهدة

شاركي في النقاش

سجلي الدخول لإضافة تعليق.

التعليقات

5
  1. الله يسرلك امورك... واناكمان جاني تعين بحائل ..انتى من فين وايش تخصصك؟؟؟ مافي خبر عن المدرسه اللى نباشر فيها؟؟ ياعمري كترت عليك بالاسئله بس بجد طووووولو علينا ........ربي يزفق الجميع
  2. @asbab_hby_1

    اهلا بيك في ربوع حائل ونا معاك انا بعد جا تعيني بحائل وانا من المدينه تخصص لغه عربية وعلوم أجتماعية انتي لاروحتي خذي لفه في حائل مدينه كبيره بس التعين راح يكون بالقرى انا عن نفسي بأذن الله راح اسكن بنفس القريه الي بتعين فيها مافيا لأهوال الطرق الله يكفينا شرها
  3. @am_brhomy_8

    صاحبة الموضوع
    الله يسهل علينا يارب ويعينا على الغربه والبعد عن اعيالنا واهلنا ماعندي اي خبر قطرة ندى عنهم انا من الشرقيه اساسا
  4. @rytan_albdr

    ام برهومي.
    الله يسهل علينا يارب ويعينا على الغربه والبعد عن اعيالنا واهلنا ماعندي اي خبر قطرة ندى عنهم انا من الشرقيه اساسا
    أختي أم برهومي

    أولا : ألف مبروك تعيينك ..
    ثانيا: أهلا بك في حائل وراح أعطيك المعلومات اللي تبينها ,,

    حائل منطقة ويتبع لها ثلاث محافظات كل محافظة تبعد عنها 100 كم
    المحافظات هي الشنان باتجاه القصيم ومحافظة الغزالة على طريق
    المدينة المنورة ومحافظة بقعاء شمال شرق جائل

    ويتبع لكل محافظة مجموعة من القرى أبعدها ممكن يصل 270 كم عن حايل

    مدينة حائل فيها أسواق ومجمعات تجارية لكن ماهي مثل المدن الكبيرة
    مثل الرياض وجدة والشرقية

    لكن هي مقبلة على نهضة مستقبلا وفيها مشاريع تجارية ما خلصلت

    والأسواق الموجودة هي :

    برزان ــ الجامعيين ( أسواق شعبية مثل السويكت بالخبر )!

    مجمع سماح سنتر فيه عدد قليل من الماركات

    وفيه 4 فروع لبنده 2 منها هايبر

    بالنسبة للفنادق والسكن :

    فيه فندق قولدن توليب 4 نجوم وفندق الجبلين 3 نجوم

    وفيه عدد كبير من الشقق المفروشه بعضها راقي جدا وبعضها أقل من المتوسط
    الشقق اللي سمعت إنها جيدة .. البازمين ..تولينا ..برلنت ..وبعضها ما اعرف اسمائها

    المطاعم :
    فيه مطاعم الوجبات السريعة مثل ( ماكدونالدز ــ هرفي ــ كودو ــ برجر كنج ــ صب واي )

    وسمعت إن البيك راح يفتح بعد كم شهر ...

    المطاعم الشعبية فكثيرة جدا خاصة اللي تقدم الأكلات السعودية المعروفه
    منها ,, التراثي ــ الوليمة ــ بلدي ــ وغيرها كثير

    المواقع الترفيهية ..

    ملاهي في سوق سماح سنتر والبقية مواقع قديمة وألعابهم بعد قديمة ولا أنصح فيها



    أتمنى لك ولكل الأخوات اللي تعينو بحايل إقامة سعيدة ..

تابعي تجارب أخرى من هذا القسم.