هل ارفض وظيفة جداره ساعدوني؟؟؟

الله يخليكم كل اللي ردوا واعطوني من وقتهم
فعلآ كان خطأ من إني وضعت الرغبات البعيده ووضعت هذي المنطقه رقم ٨ تقريبآ سبحان الله
يمكن حنين للوطن لأنها مكان ولادتي ودراستي وتخرجي طلعت منها مع زوجي على طول للرياض..
كملت الاجراءات تحت ضغط اجتماعي ونفسي شديد لأن الكل يقولوا تعيينك بذا المنطقه زي الحلم عند اهلك وبين جماعتك وانا بعد اقوله لنفسي ..
الرد اللي برد قلبي شوي الأخت ليندا لما قالت رددي اللهم أجرني فيها واخلفني خيرآ منها..
لأن والله والله ماهمني الا زوجي وبيتي خايفه صراحه اشيل اثم زوجي بتشتيت بيته وهو دايم يقول اذا قصرت عليك دوري وظيفه
لأنه حريص على استقرار بيتنا رغم عواصف عاتيه مرينا فيها الله المستعان..ايضآ ولدي بيبعد واخته بيبعدون عن ابوهم بدون سبب
وجيه جدآ..
راح استخير واستخير والله يكتب الخيره يمكن ربي يغير مجريات الامور وينتدب زوجي لنفس المنطقه اللي تعينت فيها وارتاح من التأنيب لفتره عالاقل..وربي يسهل لكم جميع. والله دعيت لكل وحده طلبت مني الدعاء..ودعيت للبقيه براحة البال وصلاح الحال وحسن الختام..

اختي الكريمة قرار صعب جدا اكيد
انا صح مو متزوجة بس نصيحه لوجة الله
انه تتمسكي بوظيفتك مهما كان
النقل سار سهل ولازم الرجل يضحي شوية
لازم يعني يكون مدلل ياما يجينا منهم يصبروا
والله بالزمن هذا الامان الوحيد هو الوظيفة لازوج
ولا أولاد
فيه بنات اعرفهم كانوا عايشين زي الاميرات وبلمح البصر
انقلبت حياتهم اللي تزوج عليها وماعاد سال واللي طلقها
وبعدين الله لايقدر لو سار لك شي من يصرف عليك واولادك
تطلبي اهلك واخوانك ولا الضمان الاجتماعي
الرجال مهما كان طيب وكويس بس مالهم امان ابدا
انا اكثر وحده مابغا الوظيفه وماحبها بس بنفس الوقت
اقول اصبر وهذا رزق ولااكون بيوم احتاج لاي شخص
ولا احد يمن عليه

استخيري واستعصمي بالله وربي يكتب لك الي فيه خير لك

استخيري اكثر من مررررره واذا الوظيفة شي ضروري في حياتك ضحي وحطي في بالك نقل الرياض حاجه مستحيلة الا اذا معك واسطة قوية...اكثير اعرفهم يقدمون نقل الرياض وحده الحين لها 15 سنه وماجاء نقلها الى الان وزوجها بالرياض والثانية لها 6 سنوات والى الان تقدم وماصار شي

اختي نصيحة اذا انتي مرتاحه مع زوجك ومو مقصر عليك لاتخربين على نفسك وش تسوى حياتك اذا راحت منها الالفه وتفرقو عيالك وفتحتي مجال لشيطان بينك وبين زوجك ....اقولك اختاري زوجك وعيالك وعدلي بياناتك على حسب ضروفك وتوكلي على الله ....اذا الله كاتب لك رزق بيجيك ...وانا اقولك لاتخربين على نفسك الالفة وراحة البال ماتعوضها ملايين الدنيا ..