مخططاتكم لرمضان 2012 [ سيتم اغلاق اي موضوع آخر يحمل نفس الفكرة ]

يا حلوكم ويا حلو سواليفكم
والله انا عمري ما خصصت لرمضان مقاضي يعني رمضان له مقاضي وشعبان وشوال ما لهم مقاضي ههههههههههه
الفكرة انو هذا شهر صيام بس حال السوق في اخر شعبان تحلفين بالله انو احنا راح ندخل في مجاعه لعدة اشهر
حنا يا قلبي اول يوم برمضان اكلم السوير ما ركت اللي جنبنا واطلب حاجتنا اليومية فقط
ما نقول الا الله يبلغنا اياه غير فاقدين ولا مفقودين ويبلغنا فيه العمل الصالح

نصيحة لاتقضون كثير والله حرام
خليها كل اسوع احسن

يسلموووا ع الموضوع
ماابي افرزن لانو ماراح اقضي رمضان كله في بيتي راح اروح لاهل زوجي
وناويه اشتري قلايه مااعرف الاصليه والهالبان كيك وبلاستيكات لانو الخدامه ماخلت شيء مارمته بزباله الله يعينا عليهم
وكل عام وانتم بخير وصحه وعااافيه قبل الزحمه

فيه ناس ما يحبو الشوربه الا برمضان
وعصير المفمتو برضو
عادي كلن يصرف من جيبة
ليش الانتقاد على الطالع والنازل
لاحول ولا قوة الا بالله
دائما في المنتدى لازم تلقين احد يقلب الموضوع
البنت تبي مخططاتكم ووش بتسوون لرمضان
ردو على قد السؤال وخير الكلام ما قل ودل
بعدين الواحد لاجاع طبيعيا يتشهوى الاكل كل شوي
يطرا على باله اكله عادي من جيبة ومن حلاله
خلوه يتقضى ويستانس سبحان الله حتا الفرحه بالمقاضي و
وبرمضان لازم تنتقدون
ما قول الا الله يهديكم بس
واللي تقول الناس يخمون السووق كنهم مجاعه
يمكن انتي متعوده تنغلقين على عمرك في رمضان
بس فيه ناس تحب تفطر الصيام وتعزم وتجتمع مع
اهلها وجيرانها واصحابها في رمضان
يعني نقدم بس سنبوسه لالا
لازم نقدم لكل شخص الشي اللي يحبه علشان كذا
نكون في السوق ونختار وناخذ
فيه ناس اعرفه الفطور عندهم كل 3 ايام لرجال وحريم
شوفي التعب والشقاء ولا كل اللي يتقدم والكميات اللي تنحط على السفره
واللي يبقى يتسحرو عليه عادي ولا يرسلو منه مع ضيوفهم ياكلوه سحور
ما في مشاكل
بس صفو قلوبكم وفكونا من التريقه والتعييب على الخلق

انا بحكم اني مع اهلي ان شاء الله بقضي رمضان لاني جايه زياره لهم وبقضي معهم شعبان ورمضان معاهم فمافيه الاانا وامي واخوي بس فمايحتاج فرزنه وزحمه كل شي بيومه واذا احد من خواتي او اخواني جو ماراح يجو فاضين اليدين فالحمدلله يالله تبلغنا شعبان وتلحقنا برمضان يارب وتقبل منا اعمالنا وصيامنا اما الاكل اصلا مايشتهي ابد الصايم اكل شربة ماء وتمر تحسي انك اكلتي ذبيحه ههه الجوع يبدى بعد منتصف الليل اما الفطور افضل خفيف عشان صلاة القيام ياااي متحمسه لرمضان ياربي ترزقني قيامه وصيامه وجميع المسلمين يارب


انصح اللي يفرزنون انهم مايفرزنو شي قبل رمضان بشهر لانه تسمم وغلط اصبرو لمين يبقى اسبوعين على الاقل وفرزنو الي تحبو بكميات تكفي اسبوع فقط وبعدين راح تخف الشهوة للاكل وراح تحسو انه كميت الاكل صارت تجلس على السفرة فحاولو ماتكثرو والله شي يبي يبنات تفكير عشان لااسراف ولاتبذير والله كله سهل الطبخ مايحتاج فرزنه قبل بشهر الا للضرورة القصوى مثلا الاشخاص كثيرين او انك تسوي فطور للمسجد وتفطري صايمين مثلا فبذلك اويدك على التفريز بكميات اما شخصين مثلا انتي وزوجك تراة والله مسئله سهله بس نظمو وقتم وان شاءالله ربي يرزقنا طاعته يارب