°•.• تجمّع الأمل 59 للمقدمآت والمنتظرآت نَتِيجَة أطْفآل الأنابيب والحقن المجهَري •.•°

تطمني ان شاءالله خيرا. الله يثبت لك اجنتك ويفرح قلبك بالحمل يارب ويمكن الافرازات البنيه عشان كنت شاده نفسك وقت الترجيع اهم شي ريحي بالك ولا تفكرين في اي شي. والايام بتعدي وان شاءالله ربي يرزقك بالذريه الصالحه.

بنااااااااااات المرجعات الاجنه تفااااااائلو والله حاولووو تطلعو فكره مابتنجح العمليه من ر ااااااااااااااسكم حتى مجرد الشك ان مابتنجح لاتشكو المرء أسير افكاره الا تفكري فيه هووووو الا يصير

توكلو على الله حق توكل وبتشوفو كيف الرزق بيجيكم
لاتقولي انا خايفه بس متوكله

المتوكله مو خاااايفه ولاتشك ابدا ان العمليه بتفشل هذا سوء ظن مو توكل على الله

اسال الله ان يرزقكم من اوسع ابوابه

مساء الخير حبيباتي
اول مشاركة لي وياليت تضيفوني مع المنتظرات للحمل ..
اليوم لي ثالث يوم من الترجيع واحس فترة الانتظار مرا صعبه لكن الله يسهلها وتمر بسرعه ..
انا سويت العمليه عند محمد البقنه وحسيته كان جدا متفاىل بالحمل ورجع لي ثلاث اجنه من الدرجه الثانيه ..
من يوم الترجيع وانا احس بالم في اخر ظهري وبطني مدرى يمكن من العمليه ..كمان صرف لي الدكتور ابرة مثبته وحده وكمان صرف لي حبوب دفاستون حبتين صباحا لمده 14 يوم وتحاميل سايكلوجيست مدة 14 يوم ..
طبغا هذي ثالث عمليه اسويها اول وحده سويتها في الحرس عند السلمان وحصل حمل ضعيف لكن انا من اول ماسويت الترجيع وانا اطلع وانزل درج واروح واجي يعني مارتحت ابدا كانت تجربه اولى وماكان عندي خلفيه ..
وسويت العمليه مرة ثانيه في الحرس عند دكتورة سمر لكن للاسف فشلت مع اني كنت جدا مرتاحه لاخر درجه ..
واتمنى الكل يدعي لي بالحمل الثابت والتوام السليم المعافى لان خلاص هذي اخر فرصه لي لاتنسوني من الدعاء ...الله يرزقني ويرزق كل محرومه

الحمد لله على كل حال
ربي آجرني في مصيبتي واخلف لي خيرا منها
التحليل سلبي
يوم قالت لي الممرضة جلست أضحك لأني عارفة النتيجة المتوقعه ( جاني نزيف ) شديد وشفت الأجنة نزلت
ما ابي أفكر في الموضوع كثير لأني كل ما أفكر تجيني الصيحة ويضيق صدري كنت أحلم إني أجيب توأم حتى اخترت أسمائهم إذا بنات ايش واذا أولاد ايش وتخيلت كل شي بس الحمد لله
بترك الموضوع على الله حصل حمل خير وبركة ما حصل بكلمهم بعد رمضان هم كذا قالو
عاد ياليل ما أطولك مادري متى يقبلوني