كيف أكسر روتين حياتي .. معدل

:icon10:صباح الخير الله يسلمكم عندنافي بيتنا وقت الاجازه ممل طفش ضيقة خلق سموها مثل ما تبون بما انا ساكنين في منطقه مافيه منتزهات ولا اماكن تمشيه دايما نطفش مانطلع من البيت خلقه امي مقعده علي سريره الله يعافيها يارب ويخليها لنا مانطلع بس روتينا في البيت ممل احنا ثلاث خوات من الطفش وحده تنام وحده تصحي ما ادري حياتنا ملخبطه ولو تقولون خل بنات قرايبكم يجونكم اقولكم علاقتهم معنا سطحيه يعني انتن تعرفون بعض الاحيان يصير بنات الخوال احسن من بنات العمام انا صادقه صح ولا غلطانه اللي ابيه منكن تساعدوني انا وخواتي وشلون نكسر روتينا في البيت وكل وحده تقول جدولها اليومي في الاجازه علشان نستفيد هذا اللي حبيت اقوله الله يعطيكن الف عافيه

11 تعليق 2,131 مشاهدة

شاركي في النقاش

سجلي الدخول لإضافة تعليق.

التعليقات

11
  1. @dhk_hm

    سبحان الله كنك اتكلمين عنا
    وين ساكنه انتي ههههههههه شكلك من نفس ديرتي

    والله ياقلبي كلنا نفس الروتين لانطلع ولانروح ولحد يجينا
    يانكون ع التلفزيون يالكمبيوتر ولامنقطين بالغرفه
    احيان اخوي يتلطف فينا يودينا السوق ونرجع

    الله يعين بس يعوضنا الله بالجنه ان شاء الله
    نفسي اسافر والله
    ودي اروح لستراليا اوامريكا
  2. @ksh_sbr

    مممم ادخلو المطبخ وكل وحده تسوي لها طبق واحلى طبق تفوز صاحبته

    واللي تفوز اسبوع تعيشه ملكه ممم يعني اسبوع الملكه

    في هذا الاسبوع الملكه راح تتامر و طباتها مجـآبه

    مثلا ابي قهوه في الوقت الفلاني مع حلى
    ابي العشاء وتختارلها صنف

    تغيير ثاني اخترعوا العاب ...

    مممم غيروا اثاث البيت اللي في الصاله حطيه في المجلس بدلي اماكنهن تتغير نفسيتك

    مممم يوم كل وحده تدخل غرفتها وتسوي تسريحه تضحك ولبس يضحك والمكياج يموت ضحك

    والله احسها وناسه

    هذا اللي في مزاجي الحين ...
  3. @am_shmokh_7

    شوفي حبيبتي بصراحه ماعندي حل بس عندي كلام امكن يغير من روتينكم

    اول شي خصصي لك ورد كل يوم تقرينه لو صفحه من القران طبعا وبعدين ادخلي النت اقري كتب وطوري ثقافتك اشتغلي على نفسك لان نفسك زي ماتبغينها تصير وادخلي مواقع تعرض تقارير سفر للاشخاص اللي سافرو للطبيعه والاماكن الزينه منزلين صور للدوله اللي رايحين لها صدقيني بتستانسين وبتعيشين معاهم جو وحده من صحباتي تقول كل ماضاق خلقي شفت من هذي التقارير
    وانصحك نصيحه لوجه الله استغفر استغفري وكثري من الاستغفار وقول حسبي الله ونعم الوكيل بالطريقه اللي تعجبك سبحه ولا خاتم استغفار ولا بيدك وصدقيني الملل هذا بيتغير وبتشوفين حياتك انقلبت للاحسن طبعا وبتدعين لي واقرو على امكم اي شي من القران واخلصي نيتك لله ومايضيع الله خلقه
    والله يستر عليك وعلينا وعلى جميع خلقه

تابعي تجارب أخرى من هذا القسم.