اختي ارقي نفسك بنفسك
لاتستخدمين حبوب استخدمي القرآن راح ينزل الهرمون وراح تحملين بدون ادويه بإذن الله
انا وحده كذا
سويت تحليل قبل الزواج باسبوع عشان اخذ حبوب منع الحمل كشفت على الدكتوره سونار قالت كل شيء سليم
وحللت لي دم والغده قالت الغده سليمه لكن هرمون الحليب عندك مرتفع 50 عندك مانع طبيعي
قلت كذب ماعندي اي اعراضه له وبحثت بالنت لقيت له اعراض مو فيني ابد
دورتي منتظمه كل شهر تجيني بنفس التاريخ ونفس العدد
شعر جسمي وراسي وجهي خفيييييف يعني مو مشعره
صدري مو متحجر بس يتحجر اذا قربت الدوره واذا نزلت الدوره راح يعني صدري مايتحجر طول الوقت ولا ينزل منه شيء
ولا فيني صداع ولا شيء ابد ابد ابد
قلت لها هالكلام وبدت تخربط ولا اقنعتني السبب قلت تكذب عشان اتعالج عندها لانها قالت تبين اعالجه ولا تخلينه وتعالجين بعدين قلت استشير وقولك
تزوجت جلست 3 شهور ماحملت مانستخدم موانع ابد
بعدها الشهر الرابع رقيت نفسي بنفسي بالايات والادعيه الموجوده عندي لو تدرين كم يوم رقيت نفسي
رقيت نفسي يوم واحد كانت مناسبه ومن فرحتي لاني كنت لحالي بالبيت قلت ارقي نفسي بهاليوم من فرحتي
رقيت نفسي ونفثت بكوب ماء وشربت منه ومسحت منه على بطني وظهري وصبيته بكل جرات المويه اللي بالبيت عرفتي البراده الجرات حقاته صبيت فيهم شوي من الماء اللي قريت فيه
وحتى بالعصير اللي اسويه اصب شوي اشرب انا وزوجي منه
اقسم بالله جاني وجع فجئه بمبيضي اليمين فجئه قعد 5 دقايق وراح قلت بنفسي برد من الماء لفحني الهواء
وراح
بعد ماصحيت اليوم اللي بعده الصبح الا ماسكني نفس المكان وجع ماراح ولا تحرك جلس اسبوع بالتمام والكمال
لدرجة اني تدهنت وتكبيت كبو دخان على بالي داخلني برد ماطلع برد ماتغير ولا خف الوجع ولا تحرك البرد يقولون يتحرك عن مكانه هذا لا جلس اسبوع كامل وراح من نفسه بدون ادويه او اعشاب اشربها
دورتي كانت ب15 والوجع جاني بيوم 29 ومسكني بيوم 30 كان يوم رمضان وفرحتي هي ان رمضان كمل وكنت لحالي بالبيت وحبيت اسوي شيء من فرحتي قلت ارقي نفسي بهالمناسبه بهاليوم وبعدين راح احدد لي اسبوع او شهر ارقي نفسي فيه يوميا
الوجع استمر اسبوع وراح من نفسه
ونتظر دورتي بشوال ب15 ماجت مع انها تجي بنفس التاريخ تاخرة اسبوع وزيادة كم يوم
حللت اول ماصحيت من النوم طلع لي خطين الثاني مررررره خفيف على وردي باهت
سبحان الله حملت وجبت بنوته ربي لايحرمني منها ولا يحرمك منهم يارب ياكريم
لذا اختي انا رفضت استخدم ادويه من حاريم او من دكاتره قلت ابي من الله وكنت واثقه من الله انه راح يرزقني وكنت ادعي بصلاتي وستجاب الله لي
لذا اختي ارقي نفسك بنفسك ابدي اليوم
الله يرزقك ماتتمنينه ياقادر ياكريم
هرمون الحليب عندي 679 بليز ادخلواا#يوجد تجمع لهرمون الحليب
متابعة النقاش، صفحة 2