اعرف وحدة طلب منها ولدها انها تخطبله
والولد موظف ووضعه الظاهري ممتاز بس ما يحافظ على الصلاة ويدخن
ويسافر برا
الام طبعا رفضت وبقوة
تقول انا ما اخطب للي ما يحافظون على الصلاة ويدخنون
رهيبة هالام عجبتني
وسفرياته الام ما تدري هي على حق ولا باطل بس تقول ان شاء الله انها سياحة بس
المهم يحاول الولد منا ومنا ما فيه امل احد يساعدة لا امه ولا خواته
خخخخخخخ
سبحان الله جا بباله وحد من اقاربهم من بعيد وسأل عن رقمهم وكلم امهم
والله وخطب بنتهم
سبحان الله الام هلت ورحبت فيه لانها تعرف اهله من بعيد وسمعتهم زينه
بس قالت لازم اشاور ابونا وتمت الخطبة رسمية من ابو الخطيب وابنه
بعيدين قالت ترانا محنب موافقين الا اذا كلمت امك علينا اخاف انها ما ودها فينا
طبعا الام عرفت الموضوع وما كان ودها يوم قالها ولدها كلمي على الناس رفضت اول شي وبعد الحاح وافقت
بس ما مدحته ولا قالت ولا شي زين فيه
ما شاء الله الام فيها دين وتخاف الله
بالعكس سبت ولدها شوي وقالت لهم عن كل شي تعرفه بس ما قالت لا توافقون تراه ما يصلح
سبحان الله
وافقوا مع ان البنت صغيره وما يعيبها شي واهلها ناس محترمين
بس صدق لا قالوا المملك بالسماء
مكتوب انه ياخذها
وكانت الام على اعصابها خايفة يكون مشاكل
بس الحمد لله توفقوا
بس ما ادري هو صار يحافظ على الصلاة ولا لا
ما ادري عنهم
بس الي اعرفه ان البنت فيها خير ودين
لكن في بالي سؤال
هل الي ما يحافظ على الصلاة يعتبر عقد زواجه صحيح؟
الله يستر على اولاد وبنات المسلمين
قبل فتره انخطبت اختي
والي كلم على اهلي اخت الخطيب
تقول ان امي رافظه تكلم لان اخوها يدخن وهي ما تبي تخطب للمدخنين
جا ببالي سالفة ام الولد الي قلت لكم عنها
واقول لامي لو فيه خير كان كلمت امه
حنا نبغا رجال اهله يفتخرون فيه
مهب يدارون عن عيوبه
واللله يسهل امر بنات واولاد المسلمين
اذاعندك اخ من هاالنوع .........
متابعة النقاش، صفحة 10