مخططاتكم لرمضان 2012 [ سيتم اغلاق اي موضوع آخر يحمل نفس الفكرة ]

اللهم بالغنا رمضان
انا احب كل شي طازج فقط السمبوسه افرزنها لان شغلتها طول

روز طلبك شفته في دايسو

السلام عليكم ورحمة الله وبركاته

اللهم بلغنا رمضان والامه الاسلاميه بأفضل حال ياااارب العالمين

طبعاً رمضان سيد شهور السنه واحلاها وله خصوصيه عند المسلمين بكل شي ننتظره على احر من الجمر ونستعد له صغار كبار من كل النواحي انا قبل رمضان بأسبوعين عندي حالة استنفااااار بالبيت ههههههههه اول شي احب اجهز بعض الشغلات المطبخيه ابتداء من البهار لحمس القهوه للفرزنه اللي احبه ابدي افرزنه واخفف الشغل علي برمضان وبعدها امسك البيت عميييييق من قلب مطبخ صاله نوم مجالس كل شي لازم انظفه واحط بعض اللمسات اللي تونسني ببيتي واجهز العود والفحم يومياً مع صلاة التراويح ابخر زوجي وولدي والبيت بالعود وبعد انا من النوع اللي اقضي اغراض المطبخ بنص شعبان مااحب الزحمه واستفيد صراحه من العروض اخذ كميات تكفيني كذا شهر قدام مو بلازم كلها استهلكها برمضان هذا طبع عندي وعند زوجي اي شي عليه عروض وتاريخه طويل عادي اكثر منه فرصه ليش لا ودام فيه مستودع الحمد لله زين والذبيحه لابد منها قبل رمضان بأسبوع وبعد مطبخي حبيبي ماانساه احاول اجدد فيه كم شغله طقم صحون ولا زبديات للشوربه واكواب الحلا وان كان ناقصني جهاز كهربائي شريته ناويه هالسنه بعون الله على عجانة كينوود وقلايه بعد ام ملعقة زيت الله يسهل بس واخر شي ماانسى امي وام زوجي افرح قلوبهم معايه بهالشهر بشي للمطبخ مواعين او مبخره وسجاده وعلبة عود او طقم عطور احب اونسهم معاي والحمد لله اعزمهم برمضان للفطور واتبادل انا وجيراني من فطور بعض الله يديمها علينا نعمه يارب ولايغيير علينا والله يجعل هالرمضان كله خير علي وعليكم يابنات حوا والمسلمين

فعلا يابنات رمضان فرحة المسلمين لازم الواحد يستعد له ويعبرعن فرحته بالصيام ويشتري الي نفسه فيه مو الواحد اذا بيسوي عرس وفرحة عمره يجهز عرسه احسن مايكون احنا كذا يالمسلمين نعبر عن فرحتنا برمضان نتسوق نفرزن نسوي حملة تنظيفات وغيره كل الي نفسنا فيه نسويه الصوم مره في السنه ماتنعاد ولي رجعه إن شاءالله واعلمكم وش باسوي لرمضان الله يطول باعمارنا على طاعته