خوي زوجي وأمه وخواته (وزوجي)

السلام عليكم...........

متضايقة من موضوع صار امس وحابة اقولكم عنه........

زوجي ماشاء الله مرة مرة وسيم ....صحيح انا ماعلي قاصر حلوة وجسمي حلو......

بس ماشاء الله هو احلى مني بمليون مرة ودايم اشوف نظرات الاعجاب من اللي حوله

وانا الحمدلله مرة واثقة من نفسي وماابين غيرتي عليه ابدا ابدا ابدا وهو الحمدلله من النوع

اللي مو حاس ان شكله حلو .........

من تزوجته عادي عنده اللبس عادي عنده الكشخة ملابسة تنعد على الأصابع عطر واحد يعني من النوع

اللي اخر همه شياكته وشكله .........

وانا من غبائي او مدري تصرفي غبي او لا بس غصب عني انا احب كذا احب الرجال اللي يكشخ يبين

نعمة ربي عليه مو خلاقين طول الوقت .......

قمت انا ياطويلات العمر رميت كل ملابسه القديمة وحطيته امام الأمر الواقع وقلتله راتب هالشهر مخصص لك ملابس وعطور وبجامات وكل شي جديد......

احب اذا اتمشينا نكون متشيكين بشكل راقي المهم خذيته للسوق وأخذ بدل جديدة كثير وكلها على ذوقي وبجامات وجزم وعطور وغيره .......

وهو انبسط مرة والملابس طلعت عليه جنان ........ واشوف رجلي الا اتغير وصار يحب يشتري ملابس كثير :08: يتشيك كثير كل شوية يجيني سويلي سنفرة لوجهي حمام زيت لشعري خخخخخخ

لأني علمته على هالأشياء .......... وانا عادي انبسطت بس قلبي قرصني شوي مدري ليش ههههه

الا ويجي ذاك اليوم قال تمشين معي للسوق بختار بدلة وساعة بكرا في حفلة في الشركة هو يشتغل بشركة بترول

قال ابي اكون اشيك واحد قلت اوكي رحنا وشرينا بدلة روعه وكشخ وراح للحفلة من بكرا ........

جاء من الحفلة منتفش يمشي بافتخار قال تعالي شوفي الصور واطالع الا زملاؤه الله يستر عليهم

اشكالهم عادية جدا قال تدرين شيقول هالشيبة يقصد اللي بالصورة قال يقولي تصلح من هالاتراك اللي

ذبحونا الحريم فيهم .........قلت خير ان شاء الله وينك ووين الاتراك صدق انت احلى اخوياك اللي بالصور بس عاد مو يعني ان الجمال عندك مقطع بعضه :booo:

الا وناخذ شوي الا وزميله يدق عليه ( زميله هذا متزوج واهله في نفس مدينتنا وزوجته حاولت تتعرف علي هي وخوات زوجها وزوجها يتلزق بزوجي وزوجي مايحبه كثير يقول خبيث وراعي كلام )

المهم دق على زوجي والا يقول الوالدة تمدحك تقول وش خويك هذا ماشاءالله الله يحميه لأهله
المهم مدح كثير على ان والدته هي اللي قايلة هالمدح وتسأل عنك متزوج والا لا

شكل أمي ناوية تدورلك عروس :08: :mad: ( خويه مايدري ان زوجي حاطه على السبيكر قام قاله خويه قلتلها ايه يمه متزوج وضحكوا ) انا تنحت وعصبت حيل قام زوجي تلخبط

قال خويه ترا بكرا أمي عازمتك على الغدا عندنا ( :mad: انا هنا عصصصصصبت اكثر عاد خويه عنده خوات كثير )!

لما سكر منه قال شفيكي انتي قلت وش اللي شفيني وين شايفتك هالعجوز قال هو ركب معاي ووصلته لبيتهم وكانت العجوز راجعة من برا قال خويي انتظر شوي بخلي امي تسلم عليك وسلمت

علي وبس..........

قلت لايكون ناوي تتغدى عندهم قال لا لا خلاص مو رايح وانا طول امس زعلانة ومقهورة

وانقهرت اكثر اني بينت له خوفي عليه وهو يضحك علي طول الليل ؟؟؟؟

شرايكم بموقف هالعجوز :mad:

12 تعليق 3,382 مشاهدة

شاركي في النقاش

سجلي الدخول لإضافة تعليق.

التعليقات

12
  1. @mlkny_ghrory_1

    وسعي صدرك ماصار شي اهم لاتحاولين توضحي غيرتك عليه وخليك واثقه من نفسك
    وممكن امه ماتكون نااويه شي بحسن نيه
  2. @rgipsjedzdz_1

    آلله يهديك وليش مكبرة السالفه ولو يبي يتزوج زوجك عليك كان من زمان تزوج
    مو من كلام ام صديقه بيتزوج !! بعدين لاتصيرين حساسه مرا يمكن امه كانت تمزح
    وخلك واثقه من نفسك كثير لاتوضحين له غيرتك عليه كذآ رآح يشوف نفسه عليك

    وبآلتوفيق حبيبتي ..
  3. @htan_alroh

    صباح الخيرررر
    شوفي عيوني

    اهم حاجه اذا اتعرفتي على زوجته واهله لا تتكلمي عن زوجك بخير والا بشر ولا تقولي سوا لي وفعلي

    اذا ماشاء الله زوجك جميل وتمدحينه يكبر براسهم زوجك

    وزوجك اهم شي تكون واثقة من نفسك مرررررررة ولا تجيبين له طاري زوجة صاحبه او اهله



    اتصدقي وحده من صحباتي شكت بزوجها وقالت لي ابحث بالنت من وراه لان اعرف فالنت اكثر منها لقيت زوجة صاحبة متحرشه فيه وصار بينهم علاقة

    والسبب ان زوجها دايم متكشخ وزوجته دايم تمدح وتذم عن زوجها قدام زوجة صاحبه وعرفت كل تفاصيل حياتة واعجبت فيه


    انا ما اقول زوجك حيسوي كذا بس انتبهي وخليك واااااثقة

    والله يسعدك
  4. انا مثلج زوجي وسيييييييييم حيل ماشاء الله بس عمري مالمحت له انه احلا مني

    والله من وسامته البنات يرقمونه بس الحمدلله يقول انا اخاف الله قبل لاخاف منج

    بس يااختي تصرفج غلط علمتيه على الكشخه وهالحركات وراح يلفت النظر زياده

    مالج الا الدعاء انه يحفظ قلبه لج وحاولي ماتهاوشين معاه كل شي يصير ترا هو ماله ذنب وعشان مايطفش
  5. والله احترسي منها مدام حطته براسه تقعد تمدح بنتها قدامه لين الشيطان يحوس راسه

    نصيحه حاولي تشغلينه عن هالناس ما يروح لهم طلعي لك مليون شغله
    مودتي

تابعي تجارب أخرى من هذا القسم.