عمليه الليزك لتصحيح النظر

بستشيركم بموضوع مصيري ومقلقيني كثييير وهو عن عمليه جماليه وطبيه
وهي تصحيح النظر
ودي اعيش بحريه وانطلق تعبت من العدسات وسلبياتها الكثير بس كثير متردده من موضوع العمليه ومشكلتي عندي خوف من العمليااات ومااحبهم
وخاصه انها بالعيون وهي منطقه حساسه واخاف من مضاعفات العمليه وسلبياتها
فحابه استفسر
من سوت العمليه من قبل

وين سويتيها ..؟؟ وهل كانت ليزك او انتر ليزك ..؟؟ وكم كان سعرها >> طبعا السعر راح يختلف من شخص لأخر .. على حسب كم النظر ناقص 

هل كنت تستخدمين عدسات او نظاره ..؟ ومن متى ..؟
ومقاس نظرك قبل العمليه كم??
قبل لا اتسوين العمليه شوه قالج الدكتور .. مثلا تتركين العداسات او النظاره لمده او ما اتحطين كحل ..؟

لما سويتي العمليه اول ما فتحتي عيونج كيف كانت الرؤيه .؟؟ ومتى قدرتي اتشوفين بوضوح ..؟؟

واذا فيه وحده قالولها ما اتقدر اتسوي العمليه .. ياليت اتقولنا السبب ..؟؟؟
واهم سؤال
بعد العمليه تحطي مكياج او لا
وهل تقدري تلبسي عدسات ملونه او لا

18 تعليق 8,926 مشاهدة

شاركي في النقاش

سجلي الدخول لإضافة تعليق.

التعليقات

18
  1. @bnt_mnybrh

    هلا اختى ميدو
    انا اكثر من مره اكتب ردود للي يبون يسوونها
    سويها وانتي مرتاحه بقولك قصه حياتي خخخخخخخ
    احنا عائله عندنا ضعف نظر وراثي يعني احنا تسعه إخوان واحد بس الي نظره سليم
    خمس بنات كلنا سوينا عمليات تصحيح نظر
    الكبيرة سوتها قبل ١٥سنه ليزر ب١٠٠٠٠ ريال في المغربي في جده
    الثانيه سوتها في مستشفي العيون بالرياض مجانا قبل تسع سنوات
    الثالثة سوتها بمصر ب٣٥٠٠ريال قبل خمس سنوات
    انا سويتها قبل سبع سنوات قبل زواجي بشهر في مغربي جده ب٦٥٠٠وكانت ليزك
    الصغيرة سوتها في الحج الي فات قبل زواجها بشهرين عند نفس دكتوري بس سوت انترليزك ب١٠٠٠٠ريال
    عني انا كان نظري ضعيف جداً وحده كانت ربع والثانيه نص قبل العمليه بأربع شهور تركت العدسات لانها كانت تجيب لي حساسيه ورحت المستشفى الساعه ١١ وبدأت الإشاعات والتحاليل الساعه٣وانا في غرفه العمليات
    طلعت بنظاره شمسيه وماشوف كثير كان فيه غباشه وثاني يوم كل شي تمام طبعا بعد اسبوع كان كل شي مسموح بعدها بثلاث أسابيع كنت عروسه وتعرفون وضع العروسة كيف مكياج وعطور وكل شي
    طبعا مالبست عدسات زينه بعدها أبدا خفت وقلت الحمد لله ليش ارجع للعذاب مره ثانيه بس العام في العيد جربت واشتريتها لبستها ولله الحمد ماشوف شي طلعتها ورميتها وسالت اختفى الكبيرة قالت جربتها ونفس الشي ماشوف بس تحمدين ربك اذا أرتحتي من العدسات والنظارات والقلق كنت كل وحده أشوفها في السوق لابسه نظاره اقول ودي امسكها وأنصحها تسوي عمليه
  2. @habo0ob

    مرحبا خيتوو انا مثلك نفسي اسويها بس احس مافي وقت وراي تجهيز وزواجي بأول شوال
    يعني وقتي محدود مره
    ماقصرت اختي بنت منيبره وعندي سؤال لك بعد إذن صاحبة الموضوع؟

    هل يمديني اسويها مع اني احس مافي وقت ابد وسمعت انه تحاليل قبل وقطرات
    وبعد العمليه صعب احط كحل او عطر وانا وحده احب العدسات الملوونه كتغيير
    فمدري متى تنصحيني اسويهااا ؟
  3. Habo0ob
    سويها يمديك ان شاء الله

    أنا سويت ليزر ماتناسبني الليزك
    مرره تعبت اول الايام > سوتها اول ببداية السنه طبعا النفسيه لها دور
    بس الحمد لله الحين مرتاحه.سويتها بمستشفى الحرس بالرياض عند د.طارق الدباسي ب 5 وشوي او 6 ناسيه بالضبط طبعا هو يحدد لك ليزر او ليزك خواتي صلحوا ليزك
    اخف تعب من الليزر

تابعي تجارب أخرى من هذا القسم.