شاركي في النقاش

سجلي الدخول لإضافة تعليق.

التعليقات

421
  1. @dlo3t_fawaz

    انا كنت مدلعة في بيت اهلي لاني الوحيده
    وحاااولت ماما فيني قبل الزواج ابد يدخل من هنا ويطلع من هنا
    وكنت اقول لزوجي ايام الملكة اني ماعرف اطبخ
    قال عادي شوي شوي تتعلمين
    وبعد زواجي بشهرين طبخت اول كبسة لي طلعت حلووه ماشالله
    قاال زوجي انتي تعرفين بس ماتحبي تعلمي
    حتي خوالي واهلي وجرتنا انهبلو وتحمست هههه
    بس الي حست فية القهوه تبهذلت فيهاااا
    واياااام نسيتهاااا ع نار وحالتي حالة معهااا
    الحين الحمدالله زوينة ههههه

    انا الحين متبهذلة مع راس الذبيحة احس صعب اسويهااا
    كلهم يقلون زي الحم بس مو قاااادره
    شكلي بحوووووس فية ونشوف وش يطلع

    بس عااادي الحياه ماشيه مو لازم اكون عارفة كل شيء
    الرجال اذا دلعتية ينسي كل شيء
    الله يحفظة ويخلية لي ولا يحرمني منة
  2. @shyl_alkhyl

    ألم وعشناه
    سبحان الله وبحمده هووووووووووووووووووبا
    اهلييين حوائيات
    النفسيات رجااااءً ستوب..
    اناااا
    مثال يحتذى به في الرفاله
    كنت مخدومه في بيت اهلي زي
    اغلب بنات المدن
    وتزوجت وانا لسى ادرس وحملت
    وزوجي كان يتغاضى كثيييير لهالسبب
    المهم الحمام تكرمون في السنه الأولي
    غسلته 10 مرات فقط...
    تقريباً
    الحمدلله ماكان عندي عيال يوسخون
    والقدور نصها بالزباله
    والمواعين كل 4 ايام تنغسل
    والفرن مصييييبه
    وملابس زوجي عند الغسال
    والداخليه هو الي يغسلها
    الصاله تنكنس مره في الشهر
    كله كوم ومره دخل علي زوجي في المطبخ
    لقى كل البصل في الزباله
    قال ليش قلت خربان كل ما اقشر وحده
    القى لون اسود
    قام طلعهم من الزباله وغسلهم وراح الاسود بكلللل بسااااطه
    ومره ذبيت 7 دجاجات في الزباله لانها منتهيه
    بعدين علمني انها في الفريزر مايضرها
    طبعاً ماصدقته الا لمن سألت امي وقالت صح
    طبعاً الآن وبعد 10 سنوات زواج خلااااص
    الغسيل في البيت
    الحمام نظيف
    الصاله يوم ورى يوم تنكنس
    المواعين دااايماً نظيفه والطبخ جيدجداً..
    الحمدلله
    الفضل لله ثم لعالم حواء
    من 8 سنوات وانا اتابع واطبق لحد ماتغيرت جذرياً
  3. @somyth

    صهيل الخيل
    اهلييين حوائيات النفسيات رجااااءً ستوب.. اناااا مثال يحتذى به في الرفاله كنت مخدومه في بيت اهلي زي اغلب بنات المدن وتزوجت وانا لسى ادرس وحملت وزوجي كان يتغاضى كثيييير لهالسبب المهم الحمام تكرمون في السنه الأولي غسلته 10 مرات فقط... تقريباً…
    واذا بليتم فاستتروا تفتخرين بوساختك يوم تسنعتي كتبي السناعه مو القذارة:3_13_12:
  4. ههههههههههههههههه

    الله يعين ع الهوشات 

    حبايبي انا لا استقبل ردود تهاوش من الحين اعلمكم


    انا كانت امي حاااارة وتحب كل شيء على مزاجها ماتتحملني وجا هذا مو من صالحي ماتصبر تسوي الشيء بنفسها
    وتزوجت قبل رمضان بشوي ولا رجعت بيتي الا برمضان
    طبعاً عروس وابي اتدلع بس قهر رمضان الله يشرفه مافيه دلع

    الملابس ماكان عندي غساله
    ماشراها الا بعد اربع خمس شهور
    واول غسله تمام ثاني غسله جبت العيد صفرت ثيابه وازارير الثياب واخذت علقه محترمة من الهواش لين حرمت اغسل الييين عرفت استخدم هالغساله العجيبه اجل عمركم شفتو غساله تغسل ست ساعات متواصله .. بس طبعاً تعلمت في الملابس الداخليه والحين عرفت لها

    النظافه تعببببت لاني كنت في رمضان ماعرفت اوفق بين نظافه وطبخ وتشيك للعريس غير ان بيتي مو صغير كنت ارتب ع السريع والحمام وانتم بكرامه بالمويه بس كل شيء ع السريع

    الطبخ كنت امشي الحال
    بس لازم احرق الاكل اقل شيء مرة مرتين بالاسبوع لاني يقالي ابيه يجهز بسرعة للمحروس وأعلي على النار قبل يجي بشوي فيما اتشيك والبس واكتشف اني جبت العيد ويدخل على ريحة الحرق وكم مرة الرز محروق او فيه ريحة حرق بس اللحمة تبقى سليمه  

    اجل الله يسامحه سوا عزيمه في رمضان وانا ماكملت شهر انواع الابداع ذيك العزيمه اجل اقوله ماعمري سويت رز كثير جب رز من مطعم وعيا قمت سويت المقالي حالي ومالح وشوربه وفاكهه بدون رز ههههههه عزيمة بزران


    والحيييين بعد سنتين
    صرت اقول الحمد لله اني ماانكرفت في بيت اهلي بس كان نفسي اني باره بامي من هالناحيه
    صرت اتفنن في الطبخ واحبه
    التنظيف ثقيل علي بس لازم اقل شيء كل يوم ترتيب ويوم بالاسبوع تنظيف ودورات المياه اكثر من مرة بالاسبوع
    طبعاً لسه ماعندي اطفال ربي يجيبهم على خيييير ..
    غسيل عرفت الحمد لله والكوي كل ماله في تقدم الحمد لله صرت انافس المغاسل بالكوي هههههههههههههه امزززح

     وسلاااامتكم
    بس نصيحة الزواج في شعبان متعععععب لان شغل البيت بيغاله تدريب على الاجهزة والفرن والغساله وغيره ورمضان الله يشرفه له طقوس غير عن الايام العادية رمضان شغله اكثر والمطبخ ياخذ الوقت مافيه وقت تتعلمين على شغل البيت
  5. @somyth

    ~ * رفيف * ~
    ههههههههههههههههه الله يعين ع الهوشات  حبايبي انا لا استقبل ردود تهاوش من الحين اعلمكم انا كانت امي حاااارة وتحب كل شيء على مزاجها ماتتحملني وجا هذا مو من صالحي ماتصبر تسوي الشيء بنفسها وتزوجت قبل رمضان بشوي ولا رجعت بيتي الا برمضان …
    الله يوفقك ياااااااااارب

تابعي تجارب أخرى من هذا القسم.