مخططاتكم لرمضان 2012 [ سيتم اغلاق اي موضوع آخر يحمل نفس الفكرة ]

السلام عيكم الله يبلغنا رمضان وحنا باحسن حال يارب العروس اللي تسال عن الخضار طبخ اقولك طريقتي فيها ماءشاء الله حلوه وسهله حطي بالمقلاه بصل والثوم والزيت لين يذبل البصل وقبل تحطينهم جيبي المبشر وبشري فيه الخضار مثل جزروكوسه وبطاطس وي شي يبشر ولاتنسين حطي مع البصل فلفل رومي مقطع صغروخليه وحطي الخضار لين تذبل ولاتحتاج ماي لانه مبشوره فتستوي على طول وحشي فيهم ام اللقيمات تعبت وانا سوي وماتزين معي اخر شيء قريت طريقه لوحده من زمان بس تبي منك وقت بس مدامك انتي وزوجك تكفيك كم حبه والطريقه حطي الزيت على نارهادئه وخليه مده شوي وخمري العجينه تقريبا ساعه وجيبي صحن صغير وحطي فيه زيت بارد من العلبه وجيبي ملعقه صغيره وغمسيها بالزيت البارد وحطي بيدك اليسارعجينه شوي تكفي الربع حبات وخذي بالملعقه بعد ماتغمسيها بالزيت ورمي بالزيت الحاروبعدكل حبه اغمسي الملعقه بالزيت الباردانتبهي موالزيت الحار وهكذا والعجينه لازم تكون سائله نوعن ما وحطي مع العجينه شوي سمسم *****الله فهمتي واذا مافهتي لايردك الالسانك. وبي السوي ا المعجانات وقليه نص قلي وكذلك الفطاير هل تصلح ام لا لاني السنه الماضيه فرنت بدون قلي وطبخ وما عجبني اللي عنده خبره ياليت ترد تكفون الدعو مايجي رمضان الا انا راجعه مثل قبل واحسن وان الله يكتب لي الشفاء

هواي لقصيم
المعجنات والبيتزا انا اعملها كاملة وجاهزة للاكل وافرزنها
وبرمضان اطلعها قبل بوقت حتي يروح الثلج وممكن اسخن الرن وبعدين اطفيه واحطها جوا عشان تتسخن
لو عندك ميكرويف ترتاحي من هالناحية

العروس ابدي من الحين اذا كان عند الثانيه تفنني في شي
جربي تسوين القيمات وشوفي شلون تطلع معك
جربي سوي فطاير وفرزنيها وشوفي شلون تطلع معك
جربي سوي حلويات سهله وحلوه وبسيطه بس اهم شي
ما يكون زوجك فيه علشان تاخذين راحتك في التجربه
وغير كذا اهتمي بترتيب السفره مثلا جيبي طقم حلو
ولا موشرط طقم سفره جيبي سحون ملونه ورتبيها بشكل
يفتح النفس ترا العين تاكل قبل الفم
سوي شيره من بدري وعبينها في علب العصير الكبيره وحطيها بالثلاجه
اعصري طماط وفرزينه على قد كل اكله
افرمي ثوم وحطيه في علب
والزنجبيل برضو
جيبي مبخره كهربائيه ولا جمر صناعي وركبي الجمر قبل لا ياذن بشوي
وال ما ياذن او بعد ما تاكل شي حطي البخور خليه يحس بجو ثاني في رمضان معك انتي
وخلي بخور الفطور يختلف عن البخور الي تحطيه باليل او وقت الرواقه
غيري في البيت شوي في رمضان مو الحين لالا تستعجلين
القيمات فيه اكثر من طريقه لها في المنتدا جربيها وشوفي اكثر وحده عليها مدح وسويها
جيبي اهم شي بهرات حلوه وممتازه علشان الاكل يطلع له نكهه
وسوي سمبوسه من الحين وفرزينها وبعد كم يوم اقليها وشفوي طعمها ولا قدميها له
وشوفي رايه
ولا تمدحين نفسك في الاكل قولي دائم انك ما تعرفين علشان لما تسوين يحس انك ابدعتي مع انك
اصلا على كلامك له ما تعرفين وانك تحاولين علشانه
اهم شي جهزي الفطور بدري شوي بعدها خوذي شور وغيري لبسك وخليك كاشخه قدامه مو حوسه علشانك صايم
لالا افتحي نفسه بشكلك الحلو
والله ييسر امرك ويوفقك والبنات مراح يقصرون معك ابد

ودي أفرزن السمبوسة وغيرها بس الأهل ماياكلون إلا الطازج وهل ينفع أفرزن خضار مثل الملوخية والبامية

السلام عليكم اللهم بلغنى رمضانبخير وسلامه
واللهم اشفي والدك من السكر ياحي ياقيوم واللهم ان لايحل هلال رمضان الا شافيته اللهم امين ياحي يا قيوم
انا ***** الله راح افرزن السمبوسه بالحمه والخضار والدجاج ومحشي خضار وافرم الدجاج ***** الله