الله يرحب بج على فضله يا اختي... الموصف يقول: جديم الصوف ولا يديد البريسم) يا امواج غنااااج الله عن هالبلاد لي ما تحصلين فيها غير الجلاب عزج الله عيل عياييز اعمارهن 3000 سنه قبل الميلاد يظهرن الفجر الساعه 5 يتمشون ودرجة الحراره تكون 2 ومرات 1 تخيلي ليش؟
عسب تمشي جلبها اونه يستوحش اذا ما ظهر من البيت يختي ونحن عيالنا تقولين سبلان معلقين في البلكونه يوايجون على الخلق تحت ما نظهرهم غير في الاسبوع وديه... وخلق الله مغتره في باريس والله انه شارع السطوه احسن عنها... لكن شو بتقولين الله كريم... انا فديتج من دبي واتشرف اكون في اي ملف فيه بنات البلاد ... ومن اي اماره كانوا .. وعلى فكره طول فترة الغربه في بعض البلدان اكثر بنات وحريم تعرفت عليهن من راس الخيمه واعليهن متشحططات شراتي... وعلى قولة الموصف حشرن مع الناس عيد يخويتي ... والسموحه منكن:)
(^_^) ملف بنات رأس الخيمة (^_^) الجزء الثاني
متابعة النقاش، صفحة 174