صباح / مساء الخيرات
حبابي مرة محتارة راح اقولكم ع الموضوع وان شاء الله الاقي الحل عندكم
انا متغربه واتعرفت ع وحده متزوجه وعندها بنت بالثانوي طبعا هيا مقيمه لوحدها بدون زوجها ولا اولادها لانها مبتعثه
وانا وهيا زي الاخوات وبنتها كانها بنتي وتنادي زوجي بخالو دائما دخلاتنا وخرجاتنا مع بعض يعني بالعربي مااغار منهم نهايا وعادي هيا او بنتها بيضحكو مع زوجي
وزي ماقلتلكم نخرج مع بعض ودحين افكر اروح مكان يوم السبت اول مرة اروحله هو عباره عن العاب مائيه وابغ اروح انا وزوجي وبناتي لوحدنا ابغ انبسط واسبح انا وزوجي وماابغها تروح معايا
المشكله لو جاملت وقلتلها تروحي معايا مراح تقول لا لو روحنا منغير مااقولها راح تاخد بخاطرها مني
هيا لما زوجها يكون فيه وبيخرجو اي مكان بتتصل عليا بعض الاحيان نروح معاهم وبعض الاحيان اقولها لا ماتاكد عليا خلاص من اول مااقول ماابغ اروح تقول براحتك
وهيا مشكلتها من اول ماتقوليلها يالله معانا تقول طيب
وللمعلوميه هيا لو راحت معانا راح ننبسط بس حابه اخرج مع زوجي وانا عارفه تقولولي طيب خليها تروح مو كدا كدا في ناس في المسابح لما نسبح مع بعض
بس حاسه لو راحت مراح انبسط مع زوجي انه يشيلني في المسبح او يعني عارفين حركات المتزوجين
ايش رايكم
كيف اصرفها من غير ماتزعل
وسامحوني ادا في اخطاء املائه اكتب من الايفون
الموضوع مغلق