
سوولي الكيف وأرهولي من الدله=البن الأشقر يداوي الرأس فنجالـه
كيفٍ لنا نحرقـه بالنـار ونزلـه=وليا انقطع لو ورى صنعاء عنيناله

بدوٍ تنفّد غالي البن تنفيد= بدلال وارفافٍ طويل ظلاله
عليك ياللي طبخته نصفها هيل=اللي سعى بالطيب من غير قوه

كم مرةٍ وقيّت أنا الكف بالبيز=من دلةٍ ريح العويدي ذعرها

أحمس ثلاث يا نديمي على ساق=ريحه على جمر الغضا يفضح السوق
إياك والنية وبالك والإحراق= واصحى تسير بحمسة البن مطفوق
ليا اصفر لونه ثم بشت بالأعراق=صفراً كما الياقوت يطرب لما الموق
وعطت بريحٍ فاخرٍ فاضحٍ فاق=ريحه كما العنبر بالأنفاس منشوق
خله تفوح وراعي الكيف يشتاق= ليا طفح له جوهر صح له ذوق

جر الفراش لنا وهات الدلالي=أربع مغاتير على النار تدنا
ترى حلاة النار دوم إشتعالي=وسوقة فناجيل عليهم من أدنا
فنجال أشقر مثل دم الغزالي= ليا نقص شيء من الكيف زدنا
أتعب لها بالسوم لو كان غالي= لو كان زود بالثمن ما نشدنا
نشري لها المثلوث هو شف بالي= لو كان سوقه نازح عن بلدنا
ياما دفعنا بالثمن من ريالي=غير القرا نسهر لهم ما رقدنا

قم سو فنجال ٍ ترى البال منداش=لعيـون من قرنه على المتن مرجود
فـي دلـة ٍ مربوبـة ٍ كنها شاش=وبـهارها مقدار خمسة عشر عود
والهيل حطه لا تداني ولو جـاش=ومـن الزباد اقنع على شذرة العود
يا سليم شب الضو مالك مهانه=يجي لها ضوحٍ يقود السراتي
وأشغل بفنجال وزيّن زيانه=وإحذر من الإحراق وألا النياتي
ريح وطعم راعيه ينشع لسانه=أطرف حمر لونه كما دم شاتي

قم سو فنجال ونظف أدلاله=ريحه لراعي الكيف يجلي اعماسه
اشعل ولونه مثل دم الغزاله=لاذاقه الراقد يحارب انعاسه
في مجلس تدله الى جاء مجاله=اللي عن اللجات يقصر حساسه
والا ترا بعض المجالس عذاله=لا معشر طيب ولا فيه اناسه

يا محلا المجلاس بارض خليه
في روضة فيها الخزامئ مزاهير
وهبت عليك النود تالي عشويه
وشربت فنجال ا لدلال المباهير
فنجال ما صبوه من زمزميه
ولا صلحنه راعيات المناكير
امصلحن في دلة شاذليه
من وارد الرسلان خلف الدناقير
وان سقت شوفك للرياض الفضيه
شفت الخزامئ والنفل والنواوير
والارض مثل الزل خضرا طريه
لا شفتها تزيل عنك التفاكير
سمعتو يا راعيات المناكير الي تبي قهوتها تزبط لا تتمنكر
من اسمه سموه جدانا مناكير جمع منكر
ولا تسوين القهوه بالزمزميه الي هي الترمس
سويها بدلة شاذليه ولا رسلان والي ما تحصلها
الله يسلم السيف و ترامسه و دلاله
امنيه لي من زمان والحين بتتحقق
كل مره خاطري اكتب بنات لاحد يرد للموضوع بقيه
والي بترد :024:




























