قصيت شعري من سنه وماطول ,,, ساعدوني



السلام عليكم ورحمه الله

بنات انا شعري من النوع اللي يطول بسرعه ماشالله عشان كدا السنه اللي راحت تشجعت وقصيته
قصير مره حبيت اسوي نيولوك والله لايوريكم ماطووول ابدا

انتظرت 6 شهور ورحت كوافيره ثانيه قالت لازم اقصه عشان يطول قلت لا قص ماابغا
قالت مافي حل ثاني

وسلمت امري لربي وفعلا قصرته وطول لما وصل الـ حد اللي قصيته اول رجع وقف ثاني !!

نفسيتي تعبت الله لايعيدها من قصه

دلوووني الله يجزاكم خير تعبت من النصايح اللي مامنها فايده

ابغا شي مجرب ومضمون

ولكم دعوووه بظهر الغيب

وشكــــــــــــــــــــــــــــرا

11 تعليق 26,697 مشاهدة

شاركي في النقاش

سجلي الدخول لإضافة تعليق.

التعليقات

10
  1. @ana_lltyb_mnbaa

    مادري بس اللي اعرفه انه يقص اطرافه مع البسمله ذكر الله لا فيه ناس يدهم فالقص توقف الشعر ممكن تكون مهي طاهر

    انا مره قصيت شعري وجلس سنه ماطول بعدين انا مسكته وقصيت اطرافه والحمد لله مشاء بس مهو زي زمان

    كثير ينصحون انه الشعر الطويل لاتقصينه مرررررررررره وحده قصي شوي شوي
    ربي يفرجها عليك
  2. صاحبة الموضوع
    جزاك الله خير

    فعلا الكوفيره الثانيه سمت بالله قبل القص وسميت انا معاها
    وطول ورجع وقف عند حدود القصه الاولى

    انتظر ردود الغاليات وشكرا لك
  3. @akht_almgnonh

    مدري والله بش جربي تزيتينه يمكن يطول
    دابر املا الاخضر انا قصتي اللي قبل ما طال ابد وعاد كنت قاصه قرب اذوني وبعد ما استخدمتة حسيت انه طال شوي مو كثير
    بس احسن من قبل
  4. @roh_alfrh_2

    لا تقولي انو خلقة خفيف لا يمكن يتغير اختي شعرها خلقة خفيف بعد ما استخدمت زيت اشترت من تاجرة واستعملت خلال سنتين وشعرها بسم الله ما شاء الله لو تشوفيه تقولي خلقة وتركت الزيت ولها سنة وازود وشعرها ما تغير وكل مرة يزيد طوله والكثافة مثل ما هو
    شوفي يا قلبي افضل شيء تستعملي هذي زيوت
    شوفي هذا الرابط ما شاء الله مرة روعة للتطويل ويمنع التساقط
    http://forum.hawaaworld.com/showthread.php?t=3629891
    وهذا المنقوع مرة روعة اللي شعرها ما يطول باذن الله راح يطول ويوقف التساقط جيبي قددر صغير وحطي كوبين ماء واغليه وبعد الغلي طفي النار وحطي فيه ملعقتين اكليل جبل وملعقتين آس يكون مطحون وملعقة حب رشاد يكون حب وغطيها بكيس ولما يبرد صفيه وخذي المنقوع وحطي شويا منه في علبة رشاش ورشي بشعرك وهو نظيف وقفليه بكيس نيلون وخليه ساعة ساعتين على راحتك وبعدين غسليه بماء فقط وماء الباقي حطي في علبة ماء صحة واحفظي في فريزر
    مرة نتائجه مذهله
    واذا تبغي كثافة مثل زراعة شعر استعملي هذي الخلطة وتقدري تسعملي الزيوت والمنقوع وهذي الخلطة وتخصصي لنفسك جدول وموفقة
    خلطة مضمونة من ثاني استعمال توقف التساقط ومن شهر راح يبدء طول وكثافة و لما تستمري الخلطة لمدة 6 شهور راح توصلي الطول اللي تبغيه وكثافة بس ألزمي الصبر ثم الصبر ثم الصبر والاستمرار
    وباذن الله ما راح تندمي استعملي هذي الخلطة اولا اذا انتي خايفة جربي في خصلة وحدة وحطي فوق الخصلة كيس واتركي ساعتين او 3 ساعات وشوفي اعملي 3 مرات في الاسبوع وراح تعرف زاد التساقط ولا نقص انا اي شيء اجرب في شعري بس احط خصلة واشوف النتيجة في الخصلة ان راحت مااندم عليها ولا شيء بس نصيحتي استخدمي هذي الخلطة جرجير جيبي حزمة جرجير واذا كان شعرك كثير جيبي حزمتين او 3 وغسليها وحطي معاه نص كوب ماء وواحد فص ثوم واخلطي في الخلاطة الكهربائي وصفيه بصفاية وحطي الزيت ملعقة او ملعقتين حسب طول شعرك قصدي زيت اللي انتي تستعمليه او زيت زيتون افضل شيء وحطي في شعرك وسكريه في كيس نيلون وخليه لمدة 3 ساعات واذا كان اكثر عادي ما يضر مرتين في الاسبوع ومن ثاني استخدام باذن الله تشوفي النتيجة
    بعيونك انو تساقط وقف وبعد شهر تشوفي نتيجة بعيونك طول وكثافة ولمعان
    شوفي انتي صعب عليكي كل مرة تخلطي في طريقة صديقتي تستعملو اولا تغسل 3 حزمات جرجير وتحطو في قدر صغير وتحط 2 كأس ماء وتغلي 10 دقايق ولما يبرد تحط في علبة رشاش شويا من ماء الجرجير وترش في شعرها والباقي تعبي علبة ماء الصحة او اي علبة وتدخل الفريزر وما يخلص منها شهرين وهو نفس النتائجة نسميها طريقة الكسالة ومو مكلفة وسهلة جدا
    توكلي على الله وخلي دايما اطلبي من الله انه يكثف واقرئي رقية الشرعية واسماء الله الحسنى على الخلطة او المنقوع او زيوت
    ودعواتك ان الله يحقق لي كل اللي اتمناه

تابعي تجارب أخرى من هذا القسم.