اذا الزوج زعل زوجته تزعل شوي ولا تتصرف عادي ولا كانه شي حصل؟؟؟

اذا زعلني زوجي اقوم بكل واجباته بس مااسولف الا اذا سال ارد عليه بختصار وطبعا مااحط عيني بعينه

انا اشوف على حسب نفسية الوحدة ومزاجها
انا اذا كان لي مزاج في الزعل زعلت
واذا مالي مزاج فليتها بس مع نفسي ومااعطيه وجه ههههههههههههه مدري كيف اوصف لك
بس على حسب مزاجي
لاني اكتشفت ان الرجال السعودي في البدايه يتعاطف معاك في الزعل بس لما يكون فيه عشرة ماعد يهمه يتركك ترضين لحالك ولا تنفجرين بكيفك بالعكس يقول نكديه عشان كذا قررت اكون على حسب مزاجي اذا نكدت اتنكد وانكد عليه وبعد كم يوم افرفش من نفسي وبكيفه اذا بغى يفرفش معاي وه بس فديتني بس

الحل التطنيش وخاصه اذا عشان شي تافه مثل خرجه او طلبات للبيت والاولاد لان برايي اذا المراءه كل ماقال لها شي زوجها وتزعل هو يتعود ويقول نكديه ولا يحاول يراضيها بعكس اذا زعلت المراءه من زوجها لسبب قوي فهنا يراضيها لانه ماتعود على زعلهاااااا وانا على حسب الزعله بعضها لابد يكون منك موقف قوي

اذا زعلني ازعل واتنح لحد مايجي يراضيني
وانا مشكلتي حساسه يعني اي شي يزعلني احيان امور تافهه مره تلقيني مديت البوز شبرين
وفيني خصله لازم اذا زعلت افصق اي باب بوجهي ومن قوه الصفقه كل جدران البيت تهتز لدرجه عيالي صاروا مثلي والرجال جته عقده مني
وكل شوي يشيك على بيبان البيت ههههه
فحاولت اغير من نفسي شوي واثقل واوزن الامور واكبر عقلي عشان الحياه تمشي