ساعدوني بمشكلتي الي مظيقه صدري
بنات انا كنت ساكنه ببيت ملك شقتين مقابل بعض شقه لام زوجي لحالها وشقتي ثلاث غرف صغيره كبروا اولادي الاولاد يبيلهم غرفه والبنات غرفه
طلعت ام زوجي من شقتها من سنه تقريباً وسكنت مع ولدها الثاني
بعد محاولات سنين ووافق زوجي وطلعنا من الشقه نبي غرفه زياده كنت احلم بشقه خمس ست غرف لاكن عشان ظروفه استاجر شقه اربع غرف قلت يالله الحمد لله اهم شي اكبر من شقتي الاولى وغرفه زياده للبنات
قبل نستاجر بكم يوم قلت لزوجي كلم امك اذا بتسكن معانا نصير ندور شقه خمس غرف تكون لها غرفه رد علي لا بتجلس مع ولدها فلان
سكنا بيتنا اليوم الثالث زارتنا ام زوجي اعجبتها الشقه لانها بالدور الاول وماتتعب من طلوع الدرج وتقول انها ارتاحت وتعافت عندنا
المشكله يبنات الشقه اربع غرف غرفة نومي وغرفة البنات وغرفة الاولاد وصاله جلوس ومجلس لضيووف
البنات طايرين فرح لان حلمهم تحقق وصار لهم غرفه خاصه
السؤؤؤؤال وين تجلس ام زوجي وين تنام وين تاخذ راحتها نامت مع البنات بدون مكيف ولايمكن يشتغل وهي موجوده وبهالصيف مستحيل البنات يناموا دون مكيف ومن الفجر تصحا تشغل الراديوووا
اليوم الثاني صحيت من النوم وبناتي نايمين معي
طبعالايمكن تنام مع الاولاد مايريحونها هواش وتلفزيون وسهر
المجلس ماتبي تنام فيه تقول لضيووف وين احط اغراضي
يشهد الله علي يابنات مابينت لها شي ولايمكن ابين لها انا او بناتي لانا كلنا نحبها ونعزها
ونا مقتنعه وجودها ببيتي بركه وخدمتي لها ااجرعليه
اليوم راحت وجابت كل اغراضها
كنت دايم احلم بمجلس للحريم مرتب نضيف منسق لحد الان مافرشته المجلس طول اليوم مفتووح لام زوجي لان عيالها يزورونها وعيال عيالها وحريمهم وياكثر اقاربها من الرجال وصارت ريحة المجلس معطره بالدخان 24 ساعه والباب مفتوح طول اليوم لزواررر لان هي محبوبه من الكل
لو كان لها غرفه خاصه مثل مقلط تنام فيها وتاخذ راحتها فيها وتستقبل ضيوفها كان انحلت المشكله
كله من ولدها الي هو زوجي لواستاجر خمس غرف كان ماهاذا حالي
سامحووني طوولت عليكم بس وربي تعبت من التفكير ومدري وش السووواه وش الحل
تكفون ساعدوني وين تنام ام زوجي وين تحط اغراضها من تلفزون صغير القناه الاولى طبعاً وثلاجتها الصغيره وسريرها بدون ماااجرحها وريحها وانا ارتاح
شاركي في النقاش
سجلي الدخول لإضافة تعليق.
التعليقات
6- يؤ مافي مكان اذا غرف مافيه
الله يعينك - ليش ماخذتو دور كامل
- ياقلبي توكم ساكنين يعني مااستقريتوا ولاتعودتوا على البيت لذلك من رأيي تنقلوا لدور (( مو شقه )) لان صعبه رجال داخلين وخارجين لاإنتي بتاخذي راحتك ولا بناتك وبيصيربيتكم مكشوف للرايح والجاي ,,
- انا ام زوجي كانت بمجلس الحريم وبيتي ملك مافيه الا غرفتي وغرفه جنبها كانت لعيالي
وغرفه الحريم وصاله وحمامين
كانت الله يرحمها بمجلس الحريم جهه حطيت سريرها والجه الثانيه
كنب للي يجيها
والحريم كانوا يجلسون بالصاله
وراحت الايام وماتت الله يسكنها الجنه
وحطيت غرفه الحريم للعيال
والغرفه الثانيه لبنتي
يعني عادي اهم شي راحتها هي - اممممم اذا تواسعت القلوب تواسعت الجنوب حطيها بالمجلس ومو لازم تحط اغراضها وثلاجتها بالمجلس بس فراشها لانها صعبه بيتكم مضياف ماشاء الله واذا بغت شي جيبوه لها يعني حطي لاغراضها زاويه بغرفه البنات او الاولاد
مواضيع مشابهة
تابعي تجارب أخرى من هذا القسم.