لاللضعفاء مكان في موضوعي (تجارب عن رؤية الجن )مانبي خرافات قولو الحقيقه فقط

يالغالية الله مايهين احد
مايصلح تقولين كذا

انا كمان زيك احب السيره هذي شوفي وانا لوحدي بالبيت واقرا قصصكم وبنص الليل
طبعا التوكل على الله اهم شي عشان ماتخافي ولو اجتمع اهل الارض والجن
على ان ياذونك والله مو كاتب لك اذيه محد بيقدر
ببيت اهلي الكل اخواني واخواتي حتى بنت اختي الصغيره مره شافته طبعا هالجني
معاشرنا ههههه احنا بيتنا تحت النوم وفوق الاستقبال طبعا الدرج اللي يطلع لفوق
دايما نشوف رجال اسود قزم وجسمه كتله وحده مافي ملامح دقيقه
يجري بسرعه كبيره ولان فوق غرف الاستقبال البيت شبه مهجور مره كان
اخوي يتفرج فوق ويسمع الباب يدق يدق وخربشه ع الباب وكان ينزعج يحسب احد يستهبل
يقول وقت الدق والخربشه افتح ولا حس ولا احد ونزل يحلفنا اذا احنا كنا نستهبل
طبعا ما كان احد منا يسويها
في قصص كثيره لان الدور اللي فوق عند اهلي مره مسكون
والحين هم بينقلون اخواتي مو قادرات كل يوم قصه فيه
مره اختي تقول اسمع صوت احد نازل من الدرج
وكانه لابس بوت تقول الصوت يخوف تقول احسبه
حرامي وجريت تصحي امي وطلع مافي احد

هذا سلمك الله خوالي كانو ساكنين في مكان منعزل يعني بر وجبال بس كانو ساكنين في بيت مو خيمه :) كانو قريبن من احد القرى

المهم خالتي كانت تسوي رضاعة لبنتها عمرها شهر وتخليها عند راسها وهي نايمه عشان لو صحت بنتها بالليل تكون الرضاعه جاهزه وبس تصحى بنتها تجي تبي ترضعها تلقى الرضاعه فاضيه وكانت بنتها بكرها ولافيه اي طفل فالبيت ,,, بس خالتي هذي مطلقه وجدي وجدتي وخوالي شباب ودايم يتكرر معها هذا الشي

ومره تقول ماسويت رضاعه وصحت على صوت واحد يناديها صوته غريب وكان يناديها باسمها وردت عليه قال لها جيبي لي مويه ومن الخوف قامت صبت له وتركته على جنب والصبح لقته مشروب


ومره خالي كان نايم وصحى على طفل صغير يحشر نفسه بحضن خالي وكان اسمر مره قام خالي مسكه يبي يشوف وجهه يبي يعرف مين الا الطفل مغطي وجهه ورماه خالي م الخوف وقام الطفل وحط رجوله وهرب

بعدها بفتره خالتي دخلت المطبخ ولقت ولد اسمر يشرب ماي من الثلاجه برمشة عين اختفى


ومره كننا ببيت خوالي متجهزين للنوم الا طفل صغير يطلطل علينا من طرف الباب يوم شفناه رجع

والموقف الي مايغيب عن بالي وحضرته انا شخصيا وقت صغري وللحين ماانساه ولا انسى صوته ,, سمعنا صوت طفل يصارخ ويبكي وينادي امه وطبعا زي ماقلت بيت خوالي منعزل لاجيران ولا احد حولهم وكان الصوت حول البيت والطفل يصيح ويبكي وانا اقول لامي هذا مين ؟؟ تقول لي هذا خروف << ماتبي تخوفني واذكر صارت حالة استنفار لانه طول يصيح وصارت عمليات بحث وتحري ولا فيه اثر لطفل ولا شي غير الصوت ياالله الظاهر لو كنت كبيره وقتها كان انهبلت لكن يومني صغيره مافكرت انه يكون منهم اعوذ بالله وقتها خوالي شغلوا كبسات وانوار السيارات وفروا المكان ولافيه اي احد والصوت عيا لاينقطع اعوووذ بالله

وكان وقت الاعياد والتجمعات في بيت جدي تكثر حالات ضرب وتكون فعله من غير فاعل الي يجيه كف وهو جالس لحاله والا ينرمي عليه شي ومايشوف احد والي نضرب وينكفخ وهو نايم ويصحى الا هو لحاله

وتصير حالات سرقه لبعض الأغراض بعدين ترجع بس تكون مخربه

واالحمد لله البيت هذا هجروه قبل أكثر من 10 سنين والله يكفينا ويكفيكم شرهم

سبحان الله
تسولف علي وحده ثقة
تقول كانت صحتها تمام وحياتها طبيعية
ومرة قامت الصبح بضيق شديد وماتدري شسبب ولما نزلت الطابق السفلي شافت نفسها تخرج من البيت تقول وكانت شبيهتي حزينه طالعتني بنظرة حزن وتغطت ومشت تقول من شد الصاعقه رحت اطالع بالمنظرة اذا اللي اطلعت انا
اجل انا من انا ؟
وبعدها صارت تشوف فيران تطلع من كل مكان ومحد يشوفها الا هي وامراض وتعب بالاخير طلعت خدامتها الاندنوسيه مسويتلها سحر ولبيتها وعيالها
الحمد لله بعد قراءة القران والعلاج عند المشايخ خفت الحاله وبطلت تشوفهم بس من فتره لفترة يخرعونها بالاحلام



بنات ادعولها ولعيالها ان الله يرفع عنهم السحر تماما
وانتبهوا من الخدم
لان خدامتهم مسويتلهم اكثر من عمل
اكل وشرب وبخور ومداس وبالملابس وعقد وووووو وكل هذا ينطق به الجن اللي متلبسها الله يعجل بقرجهم يارب
حسبي الله عليها