شاركي في النقاش

سجلي الدخول لإضافة تعليق.

التعليقات

37
  1. صاحبة الموضوع
    حياتي إنتي أميرة فديت هالطله .. تسلمين قلبي علي السيرش ... وعلى إهتمامك والله يهدي بنوتك .. بوسي لي ميمي فديتها

    وأبشرك هالجيل .. جيل ألكترونيات وأجهزة الله يسعدهم يارب ويحميهم من كل شر

    وعملت سيرش وأحس المعلومات المفيده كلها بالأنجلش وأنا لغتي لك عليها ... مو ذاك الزود الله المسعان



    رولا .... الله يسلمك على الدعوة حبيبتي ... و الشر مايجيك
  2. @sna_albdr

    جولان
    ياقلبي انا نفس الشيء لدرجة ماقدر اطلع عالسرير ولا اطلع السياره الا بالقوة ويزيد عليها الم بالعانه فظيع كانه شي بينمزع مع ان الفيتامينات اخذها بامانه وضمير

    انتي تسالي وجيت غثيتك اعذريني بس حبيت اقول لك اني حاسه بالي تقوليه ومريت فيه ومازال مستمر معايه
    ونفس الشيء اي سؤال للدكتورة تقول طبيعي ولازم كذا وهذا الحمل وعوارضه !!!؟؟
  3. صاحبة الموضوع
    يا حياتي يا سنا نورتي موضوعي يالغاليه ... الله يشفيني وياك وكل من يعاني يارب ويهون علينا ويأجرنا

    يختي هاذا حملي الثالث ... أول مره يصير لي ... وتألمني هالعضله

    زوجي يقولي لأنك ماتتحركين ومرات يقول لأن وزنك زايد ... بس برضو ماني مقتنعه بكلامه

    مع العلم إن وزني قبل الحمل 85 و ألحين ثاني أسبوع من الثامن وزني 83 .. يعني نازل وزني كثير

    يا ما حوامل مشاء الله وزنهم ثقيل ومايشتكون ولا يحسون بحملهم ...

    والحركه .. ما ظنتي بسببها أبد ... لأن العضله ما يصير لها مشكله إلا بسبب

    لو من قل الحركه يكون فيه عضلات ثانيه غيرها تألمني

    والله المستعان

    ننتظر باقي العسولات ونشوف ردودهم
  4. @world_happiness

    الله يعينك يا قلبي أنا بداية حملي عانيت نفس المشكله وزياده عليها الألم طالع لين فوق هذيك المنطقه وعلى الجوانب لين العصعص وزي ما قلتي أول ما أقوم من النوم أسوأ شي ما أقدر أنزل من السرير ولا أمشي إلا ارتكي على شي وجلسة الأرض ودعتها حتى إذا جيت أرفع رجلي عشان ألبس ملابسي تعذيب عيوني تغورق من الألم ودي أبكي لما قلت للدكتوره طبعا قالتلي طبيعي بس قالتلي إذا أخذت الكالسيوم من الشهر الرابع راح يخف طبعا أنا انصدمت وبغيت أصيح لما قالتلي طبيعي قلت وشلون بقعد 9 شهور على هالحال وشلون راح اولد مع هالألم وشلون بعتني بالبيبي بعد الولاده والأفكار تودي وتجيب

    دورت في النت غير إني كنت أقرا كتاب أمريكي عن الحمل وكلهم ينصحون الحامل إذا جت تنام تنام على جنب وتحط بين رجولها مخده وفيه مخدات مخصصه بعد لهذا الغرض وطيران أروح اشريها من ماماز أند باباز سعرها كان غالي بس قلت كيفه ألزم ما علي راحتي

    والحمد لله لاحظت الفرق بدا تدريجي يخف ومع دخولي الرابع أخذت كالسيوم وخف زياده طبعا لما وصلت الشهور الأخيره بدا يزيد بس ما يا صل لدرجة إللي في الشهور الأولى يعني محتمل إلا إذا أجهدت نفسي بالشغل أو أهملت نفسي من أي ناحيه

    أدري قرقي واجد وقصيت قصة حياتي بس والله إنك كاسره خاطري وودي أفيدك وإن شاء الله أي أحد يعاني من هالمشكله يستفيد

    وبالنسبه للزيت زيتون أعتقد ما له مضار على الحامل أشوف بنات كثير يستعملونه بس تأكدي أكثر أحسن

    الله يفرج عليك ويريح بالك ويرزقك الولاده السهله وكل الحوامل

تابعي تجارب أخرى من هذا القسم.