شاركي في النقاش

سجلي الدخول لإضافة تعليق.

التعليقات

114
  1. @am_aamar_39

    صاحبة الموضوع
    اخواتي الحبيبات،اسأل الله كل من كتبت حرف هنا وردت ان يجزيها بكل حرف خير الجزاء ويقضي حاجاتها
    انا قرأت جميع الردود واستفدت منها كثييييييييير
    بالنسبة للاخوات اللي قالو تقربي منها،حاولت كثيير لكني ما توفقت،لاننا مختلفين تماما في الافكار،هي تريد التبرج والكلام في الناس وعدم الصلاه ومتابعة الاغاني وانا ما اقدر اسايرها يعني تتبع طريقي والا فلن نجتمع

    واللي قالت كيف شافها،اختي ماتغطي وجهها واخو زوجي شافها كم مرة في بيتهم لانها صديقة اخته

    انا الحين اسنى اي فرصة لاخذ جوالها لاتأكد،مع العلم انها لا تتركه واحتمال كبير عليه رقم سري

    اخواتي ادعو لي ربي يفرج هعمنا وهم كل مكروبة ويهدي اختي وبنات المسلمين

    الاخت اللي ارسلت لي على الخاص مشكورة حبيبتي،لكن للاسف ماقدرت اجيبك ماعندي مشاركات كثير
  2. @rouge_coco

    معليش كل وحده طارت بالعجه وعلطول عندها الحل روحي علمي اخوانك ومدري ايش

    انتوا متأكدين انكم فكرتوا قبل ماتردون ؟؟

    بهالامور الواحد مايحط اي كلام والسلام مجرد اني اعطيت حل وقضينا

    الشخص يفكر زين ويرد

    انتوا عايشين بمجتمعنا ولا كيف؟؟
    مافي رجل مهما كان متفهم ومتساهل بيعرف كذا عن اخته وتعدي السالفه بركاده وعقل الا من رحم ربي وينعدون عالاصابع
    البعض لو درا ان اخته داخله منتدى وراده على شباب او تويتر وعندها فولورز شباب ممكن يوديها ورا الشمس
    اجل كيف يجيه حكي من اخو زوج اخته انها طالعه مع شخص؟

    الشيطان بيعمي عقله وبصيرته وتفكيره مو بعيده يذبحها وان ماذبحها يطقها طق لدرجة العاهات
    واكيد بيحصل تفكك بالاسره من هالمشكله والعائله بتعيش بحاله نفسيه وهم لاخر يوم

    واكيد زوج الاخت بيمنع عياله عن هالخاله والاخ برضو يمنع زوجته وعياله عنها وبتحصل اشياء مالها اول ولا تالي

    ولو ان الخاين والي طالع زوج وحده كان قلتوا اسكتي واصبري وحاولي فيه والخ
    لكن يوم صارت البنت هي الغلطانه على طول مارحمتوا

    فيه رب بالسماء يرحم مين انتوا عشان تتهجمون ومتاكده مليونين بالميه لو هو زوج الي خاين ومسوي بلاوي حلكم يا اتركيه يا حاولي معه ياسوي نفسك غشيمه ولاتدرين عن شي يا تطلقي وقضينا مافيه حلول علميه عليه او افضحيه والخ

    عزيزتي ام عمار انتي غلطتي مادافعتي عن اختك لما تكلم زوجك وقالك اول شي مفروض تدافعين عنها سواء كانت غلطانه او مش غلطانه

    لو غلطانه يعطيها فرصه اذا تابت تكون سمعتها مش ملوثه قدام زوجك وحضرة اخوه
    كان قلتي ليش يتكلم عنها كذا مليون وحده متبرجه وماتوصل للشباب اختي صحيح فيها عيوب لكن اعرف تربية امي فيها ماتوصل انها تطلع مع شباب وهالخرابيط وكان سويتي ردة فعل توقفه هو واخوه عن هالحكي

    ثانيا مفروض عليك تتاكدين ان اخو زوجك مو قاعد يتبلا عليها

    ممكن فعلا يشوفها ببيتهم لانها صديقة اخته
    لكن وش دراك انه ما اعجب فيها او بغاها بأي وسيله وهي امتنعت عنه ومالقى طريقه للانتقام الا كذا؟؟ وعلى فكره كثير حصلت هالحكايات وكاثره بزمننا واعرف وحده شخصيا هي اخلاق وماعندها هالسوالف لكنها لما تطلع ماتتغطى ووصلوها السالفه لشرفها كله كذب بكذب وبدايتها واحد اعجب فيها من معارفها ورفضت تكون علاقه معه وبدا بالاشاعات عنها لكن ربي فوق كل شي وبانت الحقيقه

    الظليمه شينه وهذا شي بالشرف تخيلي اختك بريئه من هالتهمه ايش بيكون جزاكم عند ربي؟؟
    يا اختي هذي اختك من لحمك ودمك

    وترا مو معناته ماتبي احد يمسك جوالها معناته عندها بلاوي الدنيا!! متى احنا بنشيل هالافكار من راسنا
    تحلوا بالثقه

    والله من كنت ببيت اهلي
    اهلي معلمينا كل شخص وخصوصياته انا واخواني كل واحد جواله مقفل برمز سري ومحد يمسك جوال احد احترام له ونتضايق اذا اخذه شخص بدون اذن

    امي اذا احد من اخواني مسك جوالي بدون اذن تهاوشه لاني بنت ولي خصوصياتي سواء مسجات خاصه مع صاحباتي او صور خاصه لنا
    وبرضو نفس الشي لو مسكت جوالاتهم تهاوشني فكل شخص جواله
    الحمدلله ماشاءالله محد مننا عنده حركات وقلة حيا
    لكن الشخص يحس انه مراقب وكل تصرفاته محسوبه عليه وتدقيق بجواله واجهزته شي مزعج ويكرهه بكل شي
    وهالزمن كل شخص يحط رمز بجواله لانه كله خصوصيات صور وارقام ونوتات خاصه لا سمح الله لو ضاع ماتنتشر

    ممكن هي في جوالها اغاني وصور مطربات ماتحب انك تشوفينهم عشان ماتبدين بالنصح والكلام الي هي ماتبيه وبرضو صورها مع صاحباتها

    التمسي العذر الواحد يبدا شوي شوي مو يطير لفوق وللشباب والحركات هذي

    انتي اذا تأكدتي مليون بالميه فيها
    لا تروحين لاخوانك ابدي باسلوب النصح والهدايه وان الشخص مايضمن عمره
    ولاتضمن الي تطلع معه لو انمسكت من قبل هيئه وشرطه ايش راح تكون العواقب .؟؟ قوليلها ربي ساتر عليك وانا بضحح نظرة زوجي واخوه عنك جتك الفرصه لاتضيعينها انتي ضامنه الشاب الي طالعه معه مايفضحك؟؟ ماياخذ شرفك ويرميك؟؟ مايعرفك على اصحابه ويستلمونك للوناسه؟؟ انتي تطلعين تحطين راسنا بالارض
    الدنيا الذنب يعم ترضين بيتنا طاهر تجيه العواقب بسبتك؟؟

    طريق الهدايه طويل اذا تحبين اختك صح وقفي معها للنهايه حتى وان طولت استري عليها ربي يستر عليكم
    كل شخص يغلط وخير الخطاؤون التوابون

    التهديد والشده خليها اخر الحلول ولا تلجأين لها الا في القوه
    طبيعي اختك ترا بالبدايه بتصارخ وتعارض وتقول انها مظلومه مليون مره

    انتي بهدوءك احتويها وتكلمي معها مره مرتين ثلاث واربع

    كثرة الدق يفك اللحام بتعارضك اكثر من مره اخرتها بترضخ لك وتستجيب

    مو بس مره تقوليلنها وصارخت وخلصنا رحتي تعلمين اخوك وتحوس الدنيا

    الله يهديها ويطلع ظنكم خطأ ويستر عليها وعلينا وعلى جميع المسلمين

    عذرا عالاطاله واتمنى تقرين ردي كله
  3. @shkra_okshra

    زوجيها عجلي في زواجها كلمي خطابه او خطاب شيخ
    زوجيها واستري عليها لأن اللي اغلب يسون هذا الشيء عندهم غرائز جنسيه خليها تشبعها هالغرائز بالزواج الشيء الحلال
    وخبريها انك داريه عن كل شيء وذكريها بالاخره

    ولا تصدقين كل من قالك عن اختك الا بدليل انتبهي يالغاليه ترا بعضهم يبون يشوهون سمعة البنت

تابعي تجارب أخرى من هذا القسم.