اخذو بنتي غصبا عني وعن ابوها>>اخر الاحداث >>مشاركة133>>تم الدمج

مرحبا بنات اه بس من ام زوجي الله يسامحها بدخل في الموضوع على طول وابغاكم تقولولي كيف اتصرف بدون مشاكل لاني والله احب ام زوجي وماابغا مشاكل معها الزبده من الكلام انه بنتي الكبيره من يوم ماكان عمرها 4سنوات وصارت جدتها تاخذها عندها واشترتلها ملابس وجميع اغراض للنوم وللخروج يعني صار لها بيتين عندي وعند جدتها انا والله ماقلت شي والحين البنت عمرها 6سنوات وفاهمه ومن يوم خلصت المدارس وجات الايجازه راحت البنت من بيتي الي بيت جدتها بطلب من جدتها وانا ماابغا المشاكل قلتلها طيب احسب زي دايم تروح يومين وترجعلي لكن هاالمره البنت طولت عندجدتها واكلمها اقولها هامتى ترجع بنتي علشان تتربى مع اخواتها وتلعب معاهم طنشت وقالت ماتبغا تر جع لكم وتبغاتجلس عندي طيب وانا وابوها ايش دورنا قالت البنت لو رجعت لكم بغصب بتتعقد وتجيها حاله نفسيه لانها تقول ماابغا ارجع وسكت وقلت طفله مصيرها ترجع وجاتني يوم من الايام واشوف البنت متغيره 180 درجه لاتسمع الكلام وتعاند وترد عليا الكلمه بعشره وتصرخ مابغاكم ابغا جدتي والجده طبعا مبسوطه علشان ترجع عندها ولما منعنا البنت انها ترجع عندها علشان تتربى مع اخواتها كلم ابو زوجي وقال لوماجات بنتك امك غضبانه عليك وكلمتها قلت لها هذي بنتي ابغاها معايا اتكلمت انتو ماتحبوها زيا انتو تعاملو اخواتها غير اقولها ياعمتي هذي بنتنا كيف تقولين هذا الكلام قالت ابد اذا سافرت ترجع لكم اذا ماسافرت تجلس عندي الين ماتفتح المدرسه او ترجع من نفسها ماابغا اجبرها على انها ترجع لكم وتمرض البنت وتندمو بعدها هذي قطعه مني لوراحت عندكم انا بجلس ابكي واتعب يعني اتبري منها وانسيها بعربي ها ايش رايكم بقصتي وجبروت عمتي ام زوجي وابو زوجي الي كلمته وقلت يعمي هذي بنتي ابغاها ترجع في حضني ابدا انتو ماتحبوها زي الباقي طبعا اعطيكم نبذه عن بنتي كانت الادب مافي زيها تخاف مني وتحترمني اقول هذا غلط تسمع الكلام هذا صح تسمع الكلام لكن الحين حدث والاحرج طبعا هيا الكبيره اشترلها ابوها كل اجهزه الجديده من لاب توب جالكسي 2 خرجات ملاهي اي شي تبغاه على طول منفذ مني او من ابوها الكبيره ياناس كيف نكره بنتنا ولمارجعت عندهم اختها 3سنوات بكت عليها وبس ابغا اختي خليها ترجع لانها مافي احد تلعب معاه غيرها وابغا اكلامها تليفون ابغاها تجي عندي يعني هذا حالها بنتي الصغيره على اختها ولمااقول لعمتي اختها تبغاها تقول خليها تتعود على بعدها هاااااااااااااااااااااا قدشفتو جبروت اكثر من كذا ابوها لماجبروه انها ترجع دمعت عينه من القهر معليش كلامي ملخبت بس اتحملوني لاني خلاص ماعاد قدرت افكر بشي

178 تعليق 26,728 مشاهدة

شاركي في النقاش

سجلي الدخول لإضافة تعليق.

التعليقات

169
  1. @hdooooaa_smty

    ياحبيبتي هذي بنتك ومن حقك انتي وابوها تربونها وكلمتكم هي اللي تمشي
    صح هذولاك جدانها بس مالهم حق انهم يحشون راس بنتكم عليكم
    خلي ابوها يجتمع مع امه وابوه ويكلمهم بالعقل واذا مافهمو بالعقل خذي بنتك وارجعي علميها من جديد
    الله يعينك يالغلا بصراحة اول مره اشوف كذا ..
    انا ماقهرني الا لما يحشون راسها عليكم وتشوفين بنتك تضيع من ايدينك وماتقدرين تسوين شيء
    اخذيها لكن قبل تعالي انتي وزوجك بالكلام الطيب رضو كان بها مارضوا خذوها غصب محد يقدر يلومكم لو اخذتوها بالقوة .. هذي ضناك وانتي احق من غيرك بتربيتها واحتضانها
    الله يصلح احوالكم جميع ..



  2. @atayb_1

    والله البنت اذا جاها شي انتي وابوها المسؤليين قدام الله وخير بيت الجده لابد اولاد سواء عمانها او اولادهم
    خوذي بنتك عندك والي يزعل يزعل قولي ماتغمض عيني بالليل وبنتي مو ببيتي
    ووشي الحاله النفسيه الي طايحين فيها خوذيها ولاتهملينها
  3. @amyr_bthaty_2

    يالله ليش كذا مافي حل الا خلي زوجك ولدهم يكلم امه وابوه يقلهم بنتي وابغاها عندي خليه يكلمهم بكلام طيب عشان ماياخدوا بخاطرهم

تابعي تجارب أخرى من هذا القسم.