بعد ولادتك تتنفسي ببيتك ومن يشيلك ؟ (امي مو راضيه تنفسني عندها بالبيت)

السلام اخواتي انا امي تعبانه وفالبيت مافي الا امي واختي الزغيره اللي عمرها 19 :06:
وبولادتي امي تقول انا تعبانه مافيني حيل ولاشده انفسك روحي بيت اهل زوجك او ظلي بشقتك :06:
انا ادري انه امي تعبانه ومقدره تعبها بس فشيله اروح بيت اهل زوجي وش بتقول العالم عني
تخيلو يجوني الضيوف بعد الولاده بيت اهل زوجي وربعي واهلي كلهم فشيله :06: واهل زوجي اجتماعيين وبيت العائله الكبير ودايم في ناس اللهم زد وبارك ماشاء الله وانا فشيله اروح هناك ولا ام زوجي ماراح تقصر طيبه فديتها واخوات زوجي مافي الا بنوته زغنونه عمرها 17 والباقي متزوجات
يعني شكلي بتنفس في بيتي :( ولااحد بيشيلني امي مافي حيل تجي شقتي ورايحه وجايه وتصعد درج
وام زوجي اعظم مافيها حيل تصعد درج طويل
وزوجي قال ماكله شغاله تبين ؟ مع انه هو حالف ماتطب البيت شغاله نخاف منهم كثير شغالات ساحرات بالعيله وسفروهم لذالك خفنا
المهم قلت له افكر بالموضوع انا ماودي شغاله بس هو قال نجيب شغاله لمدة شهر او شهرين لك :eek:
انا دم ضروسي ولا الشغالات ماحبهن بس للضروره احكام
شرايكم :06:
مين فيكم بعد ولادتها ظلت بشقتها ونفست نفسها بنفسها

49 تعليق 7,972 مشاهدة

شاركي في النقاش

سجلي الدخول لإضافة تعليق.

التعليقات

49
  1. @nkhl_mthmrh

    حبيبتي للضروره احكام وحرام تتعبين امك الامهات مافي حيل مساكين
    جبيليك خدامه وقبل لاتجبينها استخيري يابنت الحلال مش كل الخدامات مثل بعض وانتي بتكونين في البيت يعنيمراح تغيبين عنها

    والله يسهل عليك
  2. @klly_hnyh

    برأيي جيبي شغالة..وروحي عند امك .كلها فترة وتمر على خير بعون الله...مير تفائلي من ناحيتهن شوي...وفترة وتروح الشغاله..>يعني ان شالله مافيه الا الخير

    حلوة تكونين عند امك...وبنفس الوقت جبتي شغاله تساعد امك بكل شي...بس عن عيون الناس انك تنفستي عند اميمتك..الله يخليها لك ويرحم اميمتي برحمتة
  3. @ksh_sbr

    كللي حنيه
    برأيي جيبي شغالة..وروحي عند امك .كلها فترة وتمر على خير بعون الله...مير تفائلي من ناحيتهن شوي...وفترة وتروح الشغاله..>يعني ان شالله مافيه الا الخير حلوة تكونين عند امك...وبنفس الوقت جبتي شغاله تساعد امك بكل شي...بس عن عيون الناس انك تنفس…
    احس كذا احسسسن

    الله يسهل عليك
  4. @hloh_osghyronh

    الله يقومك بالسلامه ويبارك لك في البيبي

    اختك عمرها ١٩وصغيره ؟؟

    حبيبتي جيبي شغاله ولاجو عندك ضيوف خلي اختك تجي من بدري تساعدك وتساعد الشغاله

    وامك الله يعطيها طولة العمر اكيد مافيها حيل تقووم فيك

تابعي تجارب أخرى من هذا القسم.