شاركي في النقاش

سجلي الدخول لإضافة تعليق.

التعليقات

412
  1. @amyr_alogd_1

    صباحكم سكر هذا ياحبيباتي مرة من المرات رحت انا وزوجي نتمشى ومرينا بالليل من هذي اماكن البترول سابك مدري بترومين المهم كان الوقت متاخر فقلي انتي عارفة اللمبات هذي اللي تحت ليه ؟قلت ليه؟قال عشان لوفيه احدبيصور الموقع ماتوضح الصورة من الكشافات هذي لأن الاماكن هذي حساسة قلت اهاا معلومة جديدة وحلوة
    مرت الاياام وفي يوم كنت زعلانه منه حييل فقررانه يمشيني يعني يراضيني المهم طووول السكه وهو يتكلم يسولف ينكت وانا مسويه ثقيله الين وصلنا نفس المكان هوطبعا عارف طبعي اني مااحب انسأل في شي ومااجاوب خاصتا اذامعلومات لأني احب الثقافه احم احم المهم فسألني وكأنه من جد مايدري وانا نسيت ان هو اللي قلي المعلومة قلي ياشيخه مدري ليه محطيين هذي الكشافات ؟وانا نسيت الزعل ونطيت ليه ماتدري وفتحت فمي وماقفلته خخخ تخيلوا جلست اتفلسف لين خلصت قلي ووجه كذى كأنه اول مره يعرف المعلومه بالله من جد قلت له والله قلي ماشاء الله والله حرمتي موسهله مين قلك هذي المعلومه ؟لماجيت فتحت فمي بجاوبه حسيت زي الشريط لف في راسي واتذكرت انه هواللي قلي طالعت فيه ولقيته يطالع فيني وفي الطريق وماسك نفسه من الضحك ظربته في كتفه وهذاانفجر ضحك وسرنا نضحك زي المجانين قلي مسكينه والله انك على نياتك بس كيف عرفت اراضيك؟ وصرنا كل مانتمشى ونمر بالمكان يسألني نفس السؤال
    وسلامتكم
  2. هههههههههههههههه اللى ماعجبهم الموضوع وعلى لصفحة ماعجبك الردوود تراهم نفسيااااااااااااااااااااااات صدقينى كملى واضحكوا واستنساو
  3. @amyr_alogd_1

    في موقف بس بين امي وابويه هم برضه يعتبرون ازواج مرة قبل اتزوج سافرنا مصر اناوامي وابويه واثنين من اخواني امي كانت تعبانه وتحتاج عملية وصحينا الصباح بدري ورحنا المستشفى دخلوها غرفة زي غرفة الطوارئ يعني كم سرير وبينهم ستاير المهم امي منسدحة واحنا متأثرين من الموقف فجاه امي جلست قالت فلان نسيت البس سروال ابويه شهق قالها قولي والله قالت قسم ونفكر نفكر كيف نتصرف وكان ايامها برد موووت وابويه كان لابس من تحت الثوب سروال قطن ثقيييل رمادي اللي يجيك ضيق من السيقان وواسع من فوق زي حق غوار قلي اوقفي عند الستارة راقبي اذاحد جا قولي واخواني واحد عند الباب وواحد في السيب يراقبون ويفصخ ابويه السروال بسرعة البرق وتجيك امي كنها سوبرمان تلقطه وتلبسه وتنسدح وولا كأنهم سووا شي وشويه تجي الممرضة قالت لامي االعي وامي ماتعرف لهجتهم قالتلها هاا قالتلها االعي نطيت انا قتلها امي افصخي والبسي ملابس العمليه طبعاراحت الممرضة وامي فصخت وخلت سروال الوالد شكله دفاها المهم جت الممرضة انصرعت من شكلها وقالت لها اي ده انامش التلك االعي وبعدين اي دا اللي انتي لابساه امي مافهمت شي كانت فاتحه فمها وتطالع تبغى حد ينقذها قلتلها امي افصخي السروال شهقت قالت واقعد عريانه اقنعتها وفصخت ولبست روب العمليه وكلنا ميتين ضحك خاصتا ابويه والله ضحك ضحك لين دموعة نزلت عمري ماشفته يضحك بذيك الطريقه لا واتصل على باقي اخواني واخواتي وفضحها ماخلى احد الا وحكى له
  4. @amyr_alogd_1

    في نفس الايام اذكر موقف هومايخص الازواج بس مضحك كنا مارين بالسياره واخويه شاف وحده تبيع سندوتات طعميه وفلافل فال لابويه وقف بنشتري اعطاه وهومستعجل خمسين قرش يعني زي نص ريال عندنا وابويه يفكرها خمسين جنيه نزل اخويه مااتأكد من اللي في يده اعطاها وطبعا اخويه مسوي شياكه لوسمحتي هاتي خمسه سندوتشات وخمسة بيبسي والحرمه تقلب الخمسين قرش وتطالع في اخويه وتقول انامش فاهمه حاقة اخويه يفكرها مي فاهمه لهجته قام يتكلم مصري وتعالي واتفرجي االك هاتي خمس سندوتشات وخمس ازايز بيبسي الحرمه طالعت فيه بحقد وقالت انت بتستعبط ياابني خمس سندوتشات ايه دي اللي بخمسين ارش واخويه تدوريه ماتلقيه خلى الفلوس عندها وجى قال لابويه حرك بسرعة وامي تقله فين الاكل قالها امشي بلا اكل فشلتوني والله ماعد انزل مكان وحكالنا اللي صار واحنا متنا ضحك وشويه ويقول لا وانامصدق نفسي اتكلم مصري خخخخ

تابعي تجارب أخرى من هذا القسم.